VISITA CULTURAL A BILBAO

 

Preme na imaxe

Imaxes da viaxe

 

DEBUXOS CON VIDA

 

Moitas veces verías un retrato realista e exclamarías “Parece que estivese vivo!”, pero, e se a pintura o estivese realmente? Isto é o que ocorre cos debuxos que a alumna do ciclo superior de Laboratorio de Análise e Control de Calidade Iria Teijido Franco realiza sobre a superficie do agar das placas de cultivo.

Cambiando o lenzo por unha especie de xelatina que se extrae de algas mariñas ( o agar) e o pincel por un asa de sementar, consegue marcarlle ás bacterias o camiño polo que deben crecer, obtendo resultados sorprendentes. Ademais hai que ter en conta que o debuxo non se ve ata que non se incuban as placas, pois debese esperar a que as bacterias se reproduzan.

A pesar de ser un tipo de arte pouco coñecida, en realidade non é novo, pois foi o propio Alexander Fleming o que comezou a desenvolvelo creando unha serie de “pinturas con xermes” usando bacterias con diferentes pigmentos. Na páxina http://www.microbialart.com/ pódese observar a súa galería, así como a doutros artistas que usan esta técnica para crear a súa arte.

TRABALLO DO ALUMNADO DE 4º ESO E 1º BAC

Traballo audiovisual sobre a vida e obra de Carlos Casares. Ilustracións feitas polo alumnado de 1º de BAC que cursa "Debuxo Artístico" e polo de 4º de ESO que cursa Educación Plástica Visual e Artística. Traballo colaborativo dos Departamentos de Debuxo e Dinamización da Lingua Galega.

  

ACOLLIDA AO ALUMNADO DE PRIMARIA.

Venres, 9 de xuño de 2017. Chegada do alumnado dos distintos colexios: CEIP A Magdalena, CEIP Santa María, CEIP A Igrexa de Somozas, Ceip Mosteiro de Caaveiro (A Capela), CEIP A Fraga e CEIP de Xermade.

Programa do acto

Documento informativo 

Imaxes da visita 

BENVIDAS E BENVIDOS!!!!  

 

ACTIVIDADES COMPLEMENTARIAS DO CICLO DE LABORATORIO

O pasado venres, 26 de maio, o  alumnado do C.S. de Laboratorio de Análise e Control de Calidade do IES Moncho Valcarce, visitaron o Laboratorio da sección Química da C.T de ENDESA  As Pontes. A visita consistiu nunha actividade complementaria dos módulos de Ensaios Físicoquímicos e Análise Química.
Os obxectivos máis salientables desta visita foron acadados ao visualizar "in situ", diferentes procedementos e técnicas contempladas no currículum de noso alumnado.

Queremos facer chegar o noso agradecemento a todo o persoal de ENDESA que nos recibiu e atendeu  tan amablemente en todo momento.

Visita ao Laboratorio de Medioambiente de Galicia

O alumnado do primeiro curso do C.S. de Laboratorio de Análise e Control de Calidade visitou o pasado martes día 30 de maio o Laboratorio de Medio Ambiente de Galicia como actividade complementaria dos módulos de "Análise Química" e "Ensaios Microbiolóxicos”.

A rede de Observación Ambiental de Galicia forma parte do Laboratorio de Medio Ambiente de Galicia. Actualmente o LMAG ten dúas sedes, unha na Coruña -especializada en análise química e control do aire ambiente- e outra en Lourizán (Pontevedra) -especializada en análises biolóxicas e control e vixiancia da calidade das augas-. Esta rede é unha ferramenta que permite incrementar o coñecemento da dinámica dos ecosistemas e a súa interación coas actividades humanas. Integra un conxunto de estacións de mostraxe nas que se rexistran de xeito permanente numerosas variables ambientais.

O alumnado observou o equipamento e os procedementos das seccións de análise de auga, aire e solos, tanto dende o punto de vista químico, como biolóxico. Así, na sede da Coruña explicáronlles a aplicación de técnicas analíticas punteiras como cromatografía de gases e de líquidos, espectroscopía atómica e molecular, etc. Na sede situada na Finca de Lourizán (Pontevedra), ao carón do coñecido Pazo de Lourizán, os/as alumnos/as observaron como se avalía o estado ecolóxico das augas, estudando e identificando as diferentes comunidades indicadoras, así como os aparellos que se utilizan para medir estas variables, como sondas, boias...

Os obxectivos desta actividade foron satisfactoriamente cubertos: 1.Complementar e actualizar a formación impartida na aula. 2. Achegar ao alumnado a realidade dun laboratorio industrial de referencia. 3. Desenvolver habilidades e destrezas na recollida de información e na realización de informes.

INICIACIÓN AO SURF

O pasado 31 de maio, o Departamento de E. Física organizou unha actividade complementaria, na cal o alumnado de 4º ESO realizaron unha saída para gozar dunha actividade no medio natural, máis especificamente no medio acústico, na cal se iniciaron na práctica do surf na praia de Pantín (Valdoviño), disfrutando dunha xornada divertida na praia e no mar.

 

PAPELETA GAÑADORA

 Hoxe, 1 de xuño, foi o sorteo do premio da "Viaxe de fin de curso" de francés.

 

NÚMERO PREMIADO: 3927

 

GRADUACIÓN DO ALUMNADO 2º BAC

Parabéns e moita sorte na nova etapa das vosas vidas!!! 

REPORTAXE FOTOGRÁFICA DO ACTO

 

3ª SEMANA DA FROITA

 

 

 

 

 

3ª e última semana da froita do curso 2016/2017

Do 22 ao 26 de maio 

 

 

 

 

CHARLA-COLOQUIO CON SIMONE SAIBENE

 

O pasado venres, 19 de maio, recibimos no centro a visita do director de cinema Simone Saibene, no marco dunha actividade programada polo Concello. Simone presentounos a súa última longamentraxe, Pelerinaxes, que o propio venres ás 20:00 foi presentado na súa edición de libro-dvd na Biblioteca Municipal, e ás 21:00 foi proxectada no Alovi.

Pelerinaxes é unha mestura de documental e ficción que interpreta ou recrea de maneira libre a obra de Otero Pedrayo titulada igualmente Pelerinaxes (e da cal contamos cun exemplar na nosa biblioteca). Entre os motivos de interese con que conta este filme está a propia vila das Pontes, que aparece na película como un dos lugares por onde pasa Luzía, a súa protagonista, na súa viaxe até Santo André de Teixido, igual que en 1927 estiveron aquí os escritores da Xeración Nós Ramón Otero Pedrayo e Vicente Risco, facendo ese mesmo camiño de Ourense á Capelada.

Simone departiu co alumnado de 4º da E.S.O. sobre estes autores tan representativos da literatura galega, así como sobre todo o proxecto do seu Pelerinaxes, desde os inicios co estudo do libro e a tarefa das localizacións até o traballo de produción e de distribución.

Tráiler do film

Distribuir contido