OBRADOIRO DE MAQUILLAXE

 

Mantendo a tradición, participamos neste Samaín dende o departamento de plástica organizando un obradoiro de maquillaxe.  Este curso o alumnado de terceiro e cuarto esmerouse en transformar a todo aquel que se acercou o nosos posto.  Profesorado e rapazada desfrutamos das súas creacións e as risas gañaron aos sustos!!!

 

 

HALLOWEEN CAKES

 

O alumnado trouxo ao centro sobremesas que previamente fixeran nas súas casas, relacionadas coa temática de Halloween, previamente etiquetadas co seu nome en inglés e cos seus ingredientes. Ao longo da mañá, expuxéronse as sobremesas á entrada do centro, cada unha cun número e totalmente anónimo. Cando foi o momento foron degustadas polos membros da comunidade educativa, e tamén por un xurado, que elixiu as tres mellores sobremesas. Cando rematou a degustación do xurado, elixíronse as mellores e, a continuación, procedeuse á entrega de premios.

 

 

VISITA AO ISSGA (LUGO)

 

O martes 23 de outubro o noso alumnado do ciclo superior de Laboratorio de Análise e Control de Calidade participou na xornada técnica "Avaliación de Axentes Químicos", organizada polo centro de Lugo do Instituto de Seguridade e Saúde Laboral de Galicia (ISSGA), incluída nos actos da Semana Europea para a Seguridade e a Saúde no Traballo, co lema "Traballos Saúdables: alerta fronte a substancias perigosas". Na meritada actividade o alumnado tivo coñecemento dos métodos de avaliación do risco químico, a nível cualitativo (COSHH ESSENTIALS, INSST, e STOFFENMANAGER) e cuantitativo (norma UNE-EN 689:2019), así como aspectos prácticos da súa aplicación."

 

VISITA Á CENTRAL TÉRMICA DE ENDESA

 No Departamento de Economía consideramos imprescindible a visita a unha empresa co obxectivo de coñecer o funcionamento da mesma e como se organiza e conforma. A maior abundamento, vén a ser inexcusable, tanto máis residimos nunha localidade onde se atopa unha das meirandes empresas do territorio nacional.

Por outro lado, resulta, por demais, necesario coñecer de man de profesionais técnicos o labor de rexeneración e recuperación medioambiental levado a cabo na antiga mina a ceo aberto, considerándoa idónea para alumnado, tanto de 4º ESO como de 2º Bacharelato.

 

RODAXE DUNHA CURTAMETRAXE

Os alumnos e alumnas participantes están a realizar en diferentes sesións, dentro e fóra do centro, a gravación de escenas da curta que imos presentar a un concurso. Esta saída forma parte dunha das escenas que era preciso rodar nunha localización exterior. 

 

PLAN DIRECTOR PARA A CONVIVENCIA NOS CENTROS EDUCATIVOS

Durante os meses de outubro, novembro e decembro impartiranse as charlas anuais do "Plan Director para a convivencia nos centros educativos". As devanditas charlas están destinadas a todo o alumnado do centro.

A continuación achegamos a programación.

BENVIDA CURSO 2019-2020

 

A Comunidade educativa do IES Moncho Valcarce quere desexar ao alumnado un feliz comezo de

curso 2019/2020 

Aproveitamos para saudar ás familias, poñéndonos á súa disposición para todo o que necesiten.

PREMIO DE COOPERATIVISMO EDUCATIVO

 

O alumnado de 3º ESO A recibiu o "accésit do Certame de Cooperativismo no Ensino" polo seu traballo na participación no Proxecto PROEM de Coopertiva educativa "COIDEMONOS+". O devandito proxecto ten como fin fomentar os valores do cooperativismo no ámbito da Comunidade Educativa e o apoio na formación académica cara á xestión de recursos fronte aos distintos e cambiantes proxectos empresariais no entorno productivo.

Os participantes neste proxecto foron, ademais recibidos, polo Presidente da Deputación da Coruña.

VISITA CULTURAL Á CIDADE DE BRAGA

 

 O alumnado de 1º e 2º de BAC (latín e grego) realizou unha saída cultural á Cidade de Braga co fin de coñecer o seu patrimonio artístico e cultural. O progra da viaxe foi o seguinte:

16 de xuño. Percorrido polo complexo mineiro romano e visita ao seu Centro de interpretación.

17 de xuño. Xornada no parque acuático de Amarante.

18 de xuño . Visita aos museos seguintes: Museo Arqueolóxico municipal Diego de Sousa, Centro de interpretación das Termas de Bracara Augusta e Centro de interpretación da Fonte do Ídolo.

19 de xuño . Visita ao Museo Martín Sarmento de Guimeraes e ao Castelo e o Pazo dos duques de Bragança.

20de xuño  . Estadía e visita para compras na Fortaleza de Valença do Minho

 

SORTEO DA RIFA PRO EXCURSIÓN FIN DE CURSO

 

NÚMERO GAÑADOR DO SORTEO DE BONOS PARA O SPA ATTICA 21     3406

Distribuir contido