ACOLLIDA DO ALUMNADO DE PRIMARIA

 

O venres, 8 de xuño, rapazas e rapaces de 1º de ESO acolleron  no noso instituto ao alumnado de primaria que ven para o curso 2018/2019.

Foi unha xornada emocionante e divertida tanto para os anfitrións coma para as/os acollidas/os!!!

 

AVISO PARA O ALUMNADO DE 2º BAC

 

Por deferencia do Concello, o alumnado que se presenta ás ABAU contará con autobús gratis para achegarse á Escola Politécnica de Serantes (Ferrol.)

DÍA: Martes, 12 de xuño de 2018

 

LUGAR DE SAÍDA: Estación de autobuses.

HORA: 7:45 h.

Para o mércores e o xoves xa concretarán o horario no autobús.

Moita sorte para todas e todos!!!

 

CHARLA UNHA VIAXE ESPACIAL

 

 

O Luns 4 de Xuño o alumnado de 1º da Eso tivo unha charla sobre o universo . O coordinador de Astronomía da Sociedade Galega de Historia Natural (SGHN), Paulino Gasalla impartiu a conferencia. A proposta foi sair da Terra nunha hipotética nave espacial que nos permita percorrer o Sistema solar, a Vía Láctea, o Grupo Local de Galaxias e o Espazo Profundo ata os confíns do Universo coñecido, onde atopomos planetas, satélites, cometas, cúmulos abertos , nebulosas, supernovas.... Foi unha viaxe estupenda e aprendemos un montón de cousas.

 

VIAXE CULTURAL A CELANOVA

 

   Chegamos a Celanova ás 12 horas, onde nos esperaba na Praza Maior a representante da Oficina de Turismo do Concello, que nos dirixiu e explicou o contido desta visita cultural. Iniciamos o percorrido polas dependencias do Mosteiro de S. Salvador, fundado no ano 936 (S.X) por San Rosendo, composto dunha igrexa e dos claustros, que durante o século XIX foron expropiados, debido á desamortización e hoxe son ocupados polo Concello e o Instituto da localidade. Como apuntamento curioso, mencionar que o rei CARLOS I considerou o seu retiro en Celanova, aínda que finalmente o fixo no Mosteiro de Yuste, que está en Extremadura. O Mosteiro de San Salvador (ou de San Rosendo) sitúase na Praza Maior do Concello, nel destacaríamos a fachada barroca (así mesmo, na praza sitúase unha fonte renacentista). No percorrido didáctico faise particular mención ao excepcional retablo maior e ás dúas portas que dan acceso ao coro (tanto o retablo como as enormes portas están bañadas en folla de ouro, o que dá idea do enorme poder económico que posuía a igrexa neste séculos), destacando o coro superior, de estilo gótico flamíxero.  No coro da planta baixa o alumnado ocupou os asentos dos frades, apreciando a singularidade da mampostería deste. No claustro do mosteiro mesmo, unha alumna recitou o poema “A Rosalía” de Curros Enríquez.    Mención aparte, dentro do recinto do Mosteiro, merece a visita á CAPELA DE SAN MIGUEL, que é un pequeno capricho arquitectónico, da época mozárabe, de apenas 20 metros cadrados que manifesta a influencia de Al  Andalus no norte peninsular. Construido na memoria de S. Rosendo (ano 942). Componse de tres espazos, sendo máis grande o central que os laterais e está cuberto por un tellado a catro augas. No interior presenta    unha bóveda de canón en forma de ferradura. Ademais os arcos de ferradura manifestan outro punto en común coa arquitectura andalusí. Na parte posterior da capela sitúase unha grande rocha, na que se supón que se realizaban sacrificios. Unha vez finalizada a visita ás dependencias máis significativas do Mosteiro, dirixímonos á parte superior do mesmo, onde se ubica o impresionante órgano. A organista e profesora de música impartiu unha charla didáctica sobre este instrumento musical, interpretando varias pezas musicais, sobre todo, do barroco (J.S. Bach), sendo moi aplaudida polos alumnos e alumnas; así mesmo, estes (2º e 3º ESO) interpretaron a peza musical: “Herba de namorar” (Luar na Lubre) acompañados/as pola citada organista, peza musical que se preparou como unidade didáctica previamente en clase de música. A interpretación foi un éxito, de tal modo que o alumnado foi requerido para facer un “bis” da citada actuación….   

Descanso para xantar e xa pola tarde dirixímonos á  CASA DOS POETAS.- Casa de Curros Enríquez(Celanova 1851- La Habana 1908): Curros Enríquez foi un poeta galego representante do período histórico-literario REXURDIMENTO, caracterizándose a súa obra por un fondo contido social. O percorrido levouse a cabo polas dependencias da casa natal de Curros, ubicada na parte superior da vila (parte na que residían as familias de maior poder adquisitivo (o pai de Curros era escribán –notario-) e da que o escritor fuxiu con apenas quince anos, debido ao carácter moi autoritario do seu pai. Nela destacaríamos as características dunha casa típica do século XIX de considerable nivel económico, con dependencias pseudorurais. Pretendeuse que o alumnado tomase conciencia do significado, tanto lingüístico como reivindicativo dos dereitos dos máis humilides, que representou este escritor do Rexurdimento. Finalizado o percorrido pola casa de Curros, e en homenaxe a el, un alumno leu o poema “Ai” no que este autor se lamenta pola morte do seu fillo. Non se puido realizar a visita progaramada ás termas de Outariz, pola premura de tempo, ademais de pola adversa climatoloxía.                                                                                      Iniciamos a viaxe de regreso sobre as 16.30 horas, facendo unha breve parada en Outeiro de Rei e chegando ás Pontes ás 19.30 horas.

 

GRADUACIÓN 2017/2018

 

Parabéns e moita sorte nesta nova etapa das vosas vidas!!! 

25/5/2018

 

INICIACIÓN AO SURF EN PANTÍN

 

 O día 23 de maio do 2018,   36 alumnos de cuarto da ESO e primeiro de bacharelato desprazáronse á Praia de Pantín en Valdoviño para disfrutar dunha xornada de iniciación ao surf.

 A actividade desenvolveuse segundo o previsto, alcanzando os obxectivos de  aprendizaxe das técnicas básicas  do manexo da táboa de surf.

 

SAÍDA DO ALUMNADO DO CLUB DE LECTURA

 

"Outros bocadillos para os teu recreo", este é o nome do Club de lectura deste curso 2017/2018 que xa está a finalizar a súa andaina anual. Esta é a razón pola que visitamos unha librería especializada en cómics "Metrópolis cómics" en A Coruña. O dono da tenda, Manuel Rodríguez, preparou un obradoiro de creación de personaxes e outro de elaboración de guións para o alumnado visitante.

O resultado publicarase na revista "El Buk de Monchín", así como tamén a entrevista que @s nos@s ávid@s lectores de cómic fixeron a Manuel, a quen agrdecemos a súa amabilidade e a súa atención.

 

TEATRO "LEONARDO E OS FONTANEIROS"

 

O pasado 16 de maio o alumnado de 2º da ESO asistiu a unha representación teatral baseada na obra "Leonardo e os fontaneiros", de Mª Victoria Moreno, autora homenaxeada no Día das Letras Galegas.

A obra resultou entretida e ben adaptada ao contido da novela. Gustoulles moito.

CHARLA DE XURXO MARIÑO

 

O mércores 16 de maio do 2018 o alumnado de primeiro de bacharelato asistiu a unha conferencia do neurocientífico e divulgador  Xurxo Mariño . Unha charla na que explicou  como funciona a nosa mente, resultado da actividade de miles de millóns de neuronas que temos no encéfalo titulada“ Unha viaxe a máquina da mente”  onde o alumnado realizou  unha viaxe dende a máis remota galaxia ata a súa mente.

Xurxo Mariño é Doutor en Ciencias Biolóxicas e profesor de USC. Publicou varios libros: “ Os dados do reloxeiro. Ciencia amena para mentes inquietas”, “ Pó de estrelas” , “ Neurociencia para Julia” e “ Terra”. Desenvolve diferentes actividades de divulgación como os “ Discurshows”, “cafés-teatro científicos”...

 

CHARLA DE VOLUNTARIOS DA PRISIÓN DE TEIXEIRO

 

O pasado luns 7 de maio, o alumnado de 1º de BAC  tivo unha sesión na que compartiron as súas esperiencias Juan e Antonio, voluntarios no cárcere de Teixeiro, impartindo clases de informática a reclusos. Agardamos que o seu relato permita sensibilizar, responsabilizar e reforzar o sentido crítico da nosa rapazada frente a modelos de ocio e consumo que son destructivos para as súas vidas.

 

Distribuir contido