CHARLA SOBRE A TRANSFORMACIÓN DA C.T. ENDESA (AS PONTES)

 

"O pasado mércores, 4 de abril, o noso alumnado e profesorado de bacharelato tivo a oportunidade de coñecer de primeira man os detalles das obras que se están a executar na Central Térmica de Endesa Generación. Tres foron os representantes da empresa (os responsábeis de Relacións Institucionais, do Laboratorio Químico, e o do Proxecto -exalumno do noso Centro-) encargados de explicar "A Adaptación Ambiental da Central Térmica", dende as súas orixes e motivacións, até as innovacións e consecuencias en todos os ámbitos, durante case que dúas horas. Na parte das preguntas, o alumnado amosou interés por distintos aspectos ambientais e económicos do proxecto (novas emisións, subprodutos, residuos, ...), así como polo futuro da propia Central.

Dende a Comunidade Educativa do IES Moncho Valcarce expresamos o noso agradecemento público a Endesa Generación e aos seus representantes pola dilixencia e interés coa que atenderon a nosa solicitude, nun tema de moito interés, non só académico."

 

HÍPICA EN FRANCÉS

 

O martes 20 de marzo, alumnado de francés de 3º, 4º e Bacharelato asistiu a unha sesión na Hípica en As Pontes onde varias estudiantes de Hípica francesas explicaron en francés o manexo e o coidado do cabalo, así como os preparativos e exercicios sobre como montar. O alumnado puido tamén realizar preguntas en francés e simular unha conversa na hípica. Foi moi enriquecedor, sobre todo no momento no montaron un cabalo!

 

EXPOSICIÓNS NO MONCHO VALCARCE

Estes días contamos no noso Centro con tres fermosas exposicións.  A Comunidade Educativa do IES MONCHO VALCARCE convídavos a coñecer a obra dos futuros artistas da nosa Vila!!!. Ademais séguese a poder visitar no corredor da planta baixa a exposición "Mulleres galegas na historia"

 

VIAXE CULTURAL A PARÍS

 

PROGRAMA DA VIAXE

SAÍDA : Xoves, 15 de marzo de 2018.

HORA DE SAÍDA: 23:00h. (Diante do instituto)

CHEGADA:Xoves, 22 de marzo de 2018.

HORA DE CHEGADA: sen determinar

ALUMNADO DE FRANCÉS : 3º ESO, 4º ESO e 1º BAC.

PROFESORADO: Marisol López Janeiro e Biibana Pacios Penelas.

16 marzo: viaxe e chegada a POITIERS.  Hotel du Futuroscope (Hôtel du Parc Pirates).   Visita ao parque de Futuroscope.                                                      

17de marzo: Chegada a ParísHotel IBIS Paris La Défense (4 Bd de Neuilly  Tel: 00330141974040) Visita a Montmartre e outros rincóns da Cidade da Luz.

18 de marzo: La Défense e visita a Versalles.

19 de marzo: Seguimos descubrindo París e visita a Le Louvre.

20 de marzo:Eurodisney.

21 de marzo: Visita de monumentos emblemáticos, subida a Tour Eiffel e paseo en bateau-mouche.

22 de marzo: Viaxe de regreso.

 Chegada Ás Pontes.

 Boa viaxe e feliz retorno!!!

 

8 DE MARZO. DÍA DA MULLER

 

 

Actividade do Departamento de Debuxo 8M DÍA DA MULLER

Seleccionáronse obras pintadas por artistas homes, onde a muller fora protagonista:

“Bañista sentada”, Pablo Picasso

“Desnudo sentado en un diván”, Amedeo Modigliani

“La joven de la perla”, Johannes Vermeer

“Serpientes acuáticas I”, Gustave Klimt

“Mujer con abanico”, Manolo Valdés

“La gran Odalisca”, Jean Auguste Dominique Ingres

“Bailarina en la barra”, Fernando Botero

“La dama del armiño”, Leonardo Da Vinci

“La musa metafísica”, Carlo Carrá

“El nacimiento de venus”, detalle. Sandro Boticelli

Os rapaces reinterpretaron pedazos destas obras segundo o estilo pictórico de mulleres artistas:

Armanda Passos, Emily Kngwarreye, Georgia O'Keeffe, Hannah Höch, Kenojuak Ashevak, Lee Krasner, María Blanchard, Marianne Von Werefkin, Sonia Delaunay, Tamara de Lempicka, Yayoi Kusama.

Participaron alumnos de 4º da ESO que cursan a materia optativa de EPVeA, e os de 1º de bacharelato que cursan a optativa de Debuxo Artístico I.

 

TEATRO EN FRANCÉS

O pasado luns 5 de marzo, os alumnos e alumnas de Francés de 1º ESO a 2 de BAC do IES Moncho Valcarce,  asistiron á obra de teatro “Vis la vie en rose” no cine Alovi.

 La Bohème Théâtre invitounos a viaxar a través do tempo, a coñecer as heroicidades e visións de Juana de Arco, as manifestacións do maio do 68, a actitude pouco ortodoxa de Marie-Antoinette hacia a corte e o seu pobo, a música eterna de Édith Piaf…

La Bohème Théâtre  levounos a coñecer e recoñecer épocas e movementos sociais nos que as protagonistas son mulleres que fixeron Historia.

Unha homenaxe as mulleres, un tributo ao feminino  a miúdo esquecido, humillado e desprezado ao largo da Historia.

La Bohème Théâtre sorpréndenos de novo cun espectáculo que recorre épocas nas que podemos descubrir varios movementos sociais, artísticos e políticos.

TEATRO GRECOLATINO EN LUGO.

 

Alumnado de 3º ESO e 1ºBAC de Literatura Universal asistiron o martes, 6 de marzo, a unha representación de teatro grecolatino no Auditorio Municipal Gustavo Freire de Lugo.

A compañía de teatro "Noite Bohemia" achégase ao texto de Plauto dende o punto de vista dunha comedia total. Sesenta minutos de gags e situacións irrisorias para crear unha comedia ambientada nunha Roma moi impeiral. Soldados, esclavos e mulleres de mal vivir para unha proposta de fai 2000 anos moi actualizada.

 

 

 

O día 5 de marzo os alumnos de Grego e de Latín asistiron ao Festival de Teatro Grecolatino no auditorio Gustavo Freire de Lugo, que organiza SEECGalicia. As obras representadas foron “Edipo Rey” de Sófocles e “Cásina” de Plauto a cargo de Susana Verdú Producciones de Madrid 

 

VISITA DO ALUMNADO DE 4º ESO AO CAMPUS DE FERROL

 

 

O venres, 2 de marzo, o alumnado de 4º da ESO desprazouse ao Campus Universitario de Ferrol para recibir orientación sobre os estudos universitarios. Visitaron as facultades de "Enxeñería", "Enfermería", "Podoloxía", "Humanidades", "Ciencias do traballo" e por último a "Escola de Enxeñería de Serantes".

Recibiron expicacións por parte do profesorado universitario e visitaron as instalacións das diversas Facultades.

A visita cumpriu as nosas expectativas. Agradecemos a atención recibida por parte do persoal do Campus.

 

VISITA CULTURAL A ALLARIZ

 

 O pasado xoves día 1 de marzo, alumnado de 2º e 4º ESO fomos de visita cultural a Allariz.

Saímos a primeira hora da mañá facendo unha pequena parada na metade do camiño. Á nosa chegada xa nos estaba esperando na oficina de turismo Vanesa, a nosa guía . De contado visitamos o museo do coiro onde nos explicou o proceso de fabricación do coiro, xa de seguido fomos camiñando a carón do río Arnoia ata chegar a unha ponte romana e unha calzada construída coas pedras do castelo. Continuamos camiñando polo casco histórico vendo o proceso de fabricación do liño, fabricación das teas e por último na parte superior do museo disfrutamos dunha pasarela cos sombreiros e compoñentes de moda que había para probar. Por último fomos ao museo do xoguete, onde había unha exposición de xoguetes de todo  o mundo que os veciños aportaron.

Na viaxe de regreso fixemos unha paradiña en Monforte.

 

Distribuir contido