ANDAINA POLAS FRAGAS DO EUME

 

O día 31 de maio de 2019 o alumnado de 3º da ESO realizou unha ruta de sendeirismo polas fragas do Eume. Ademais puideron visitar o museo etnográfico da Capela, o mosteiro de Caaveiro e a central da Ventureira. A devandita actividade tivo como finalidade fomentar os hábitos de vida saudable, coñecer o patrimonio histórico artístico da comarca e fomentar o uso de enerxías renovables.

PREMIO: "ACTIVIDADE CREATIVA" DO PROXECTA CLASES SEN FUME

 

 

O noso instituto  participou no Proxecta "Clases sen fume" neste curso 2018-2019. O alumnado de 1º e 2º da ESO elaborou actividades para o devandito proxecta. O grupo de 1º ESO B obtivo un accésit de actividade creativa por un vídeo no que participaba todo o alumnado dese grupo dando algúns consellos sobre o hábito de fumar. 

Parabéns e a seguir practicando hábitos saudables!!!

SAÍDA CULTURAL BILBAO-SAN SEBASTIÁN

 

 

A madrugada do 15 de maio un grupo de alumnos e alumnas de 1º de bacharelato embarcámonos nunha viaxe con destino a Bilbao e San Sebastián.

Primeira parada en Bilbao, da man de Marta, a guía turística que nos desvelou os segredos máis intrigantes da parte antiga da cidade. Pola tarde fomos coñecer a ampla colección do Museo de Belas Artes, despois de pasear polo parque de doña Casilda.

Ao día seguinte e, despois dun merecido descanso, chegamos ao Guggenheim. Mágoa que o Puppy estaba “cambiando de pelo” e só puidemos ver a estrutura limpa de flores tras as estadas. Á tarde visitamos o edificio da  Alhóndiga coas súas impresionantes columnas, subimos no funicular ao monte Artxanda, onde disfrutamos das vistas da cidade e, para pechar o día, colámonos no paraninfo da universidade de Deusto para asistir á representación teatral Impacientes.

O venres 17 despedímonos de Bilbao dende o San Mamés, para seguir ruta cara a San Sebastián. Esa tarde achegámonos aos pes do monte Igueldo onde se atopa “Peine del Viento”, unha das obras máis coñecidas do escultor Eduardo Chillida. Deixamos a praia Ondarreta para continuar pola Concha coñecendo de paso o palacio de Miramar e a Perla. Despois dunha parada no Centro internacional de cultura contemporánea de Tabakalera, continuamos o paseo ata chegar ao teatro Victoria Eugenia e ao famoso hotel María Cristina onde se aloxan as estrelas que acoden ao Festival Internacional de Cine de San Sebastián. Aínda que esa noite os donostiarras esqueceron colocarnos a alfombra vermella, entramos ao Kursaal a ver o musical La familia Adams.

A choiva fixo que anuláramos o noso paseo en bici, polo que tivemos que buscar un plan alternativo para a mañá do sábado 18. Con tan boa sorte que unha representación dos Guerreiros de Xián desembarcou en Pasaia, a poucos quilómetros de San Sebastián, e puidemos disfrutar desa exposición.

Despois de comer, emprendemos xa a viaxe do volta. Dende o departamento de Debuxo pensamos que é necesario crear no noso alumnado o hábito de visita a exposicións e Museos, ademais de contribuír a espertar a curiosidade por coñecer novos lugares, abrir a mente, potenciar a capacidade de adaptación a novas situacións dende a autonomía..

VIAXE CULTURAL A MADRID

 

 O alumnado de 3º da ESO realizou unha saída a Madrid que tivo lugar entre os días 15 e o 19 de maio. Visitáronse sitios tan emblemáticos como o Palacio Real, a Catedral da Almudena, o Mosteiro do Escorial, a Praza Maior, a Porta do Sol, Museo do Prado, Reina Sofía e Porta de Alcalá. Ademais, tamén se visitaron os exteriores do Congreso dos Deputados, a Biblioteca Nacional e a sede da Real Academia Española. Finalmente, asistiron a unha representación do musical “ O Rey León” e realizaron unha visita ao parque da Warner.

AVISO IMPORTANTE PARA O ALUMNADO!!!

  • ALUMNADO 1º E 2º BAC

O luns, 27 de maio, haberá unha charla de ORIENTACIÓN da ABAU a cargo de Mª Carmen Lorenzo (Xefa do Negociado do LERD do Campus de Ferrol)

Lugar: Salón de Actos do instituto

Hora: 10.30h a 12.10h. para o alumnado de 2º de BAC

          12.30h. a 13.20 h., para o alumnado de 1º de BAC

RECORDATORIO PARA ALUMNADO INSCRITO Á PROBA DE ACCESO A CICLOS

 O martes, 28 de mai, será o exame para acceder a ciclos de GRAO MEDIO no IES Rodolfo Ucha (Ferrol)

 

EXPOSICIÓN ACTIVIDADE INTERDISCIPLINAR

UNHA COLONIA DE ABELLAS

Neste mural expóñense os traballos realizados individualmente polo alumnado de 1º de ESO nas clases de Educación Plástica e Bioloxía. É un traballo no que se estudan conceptos de polígonos regulares, redes modulares, simetría a través de un exemplo da natureza que todos coñecen. Na materia de Bioloxía recadaron información sobre o mundo das abellas, a súa importancia para a biodiversidade e o perigo no que se atopan.

PREMIOS "EU MERCO NAS PONTES"

 

O venres, 10 de maio, tivo lugar no "Auditorio Alovi" a entrega de premios do I Certame "Eu merco nas Pontes". Na devandita gala o alumnado do IES Moncho Valcarce obtivo catro premios, tres na categoría de vídeos e un na de redacción. Dende a Comunidade educativa queremos enviarlles os nosos parabéns!!!

DÍA DAS LETRAS GALEGAS

 

 

A partir do día 7 de maio de 2019 e ata o día 24 do mesmo mes, na entrada do noso centro, contaremos cunha exposición de carteis  onde se dá a coñecer a vida e a obra de Antonio Fraguas, autor homenaxeado este ano polo día das Letras Galegas.

VISITA AO AMSLAB (LUGO)

 

O alumnado do Ciclo Superior de Laboratorio de Análise e Control de Calidade realizou unha visita ao AMSLAB (Lugo) o día 8 de maio. A maioría dos/as alumnos/as estanse achegando por primeira vez ás técnicas analíticas e aos instrumentos utilizados nestes procedementos.

Polo tanto é interesante que comecen a familiarizarse coa forma de traballo nun laboratorio, que é o seu futuro entorno laboral, e que coñezan as pautas de actuación á hora de levar a cabo unha determinación analítica, non só na propia tarefa de análise; tamén no eido das actuacións e materia de seguridade no laboratorio, almacenamento e tratamento de datos e presentación de resultados.

VISITA CULTURAL CELANOVA

 

O día, 8 de maio, o alumnado de 2º e 3º ESO realizaron unha saída cultural á localidade Ourensá de Celanova e Vilanova dos Infantes. Chegaron a Celanova ás 11.30 horas, onde  esperaba na Praza Maior a representante da Oficina de Turismo do Concello, que os dirixiu e explicou o contido desta visita cultural. Iniciaron o percorrido polas dependencias do Mosteiro de S. Salvador, fundado no ano 936 (S.X) por San Rosendo, composto dunha igrexa e dos claustros, que durante o século XIX foron expropiados, debido á desamortización e hoxe son ocupados polo Concello e o Instituto da localidade.

Casa dos Poetas.- Casa de Curros Enríquez(Celanova 1851- La Habana 1908): Curros Enríquez foi un poeta galego representante do período histórico-literario REXURDIMENTO, caracterizándose a súa obra por un fondo contido social. O percorrido levouse a cabo polas dependencias da casa natal de Curros, ubicada na parte superior da vila.

Vilanova dos Infantes: Localidade pertencente ao Concello de     Celanova. Constituiu un importante burgo medieval (fortaleza construida polos nobles feudais para vixiar os seus territorios onde se asentaban comerciantes, artesáns…).As casas da localidade están agrupadas arredor da “Torre da Homenaxe”, o único que se conserva do antigo Castelo de Vilanova. Esta fortaleza foi destruida pola revolta Irmandiña no século XIV e, posteriormente, reconstruida.

 

Distribuir contido