CHARLA DE FORMADORES DE HOSTELERÍA

 

O pasado mércores, 20 de marzo de 2019, representantes da Escola de Hostelería de Pontedeume realizaron unha demostración culinaria ante o alumnado de 3º da ESO. A devantita actividade vaise volver a repetir ao longo do curso co fin de dar a coñecer novas saídas laborais ao noso alumnado.

 

LECTURA DE POEMAS NA BIBLIOTECA

 

 

O día 15 de marzo, os alumnos e alumnas do club de lectura (1º, 2º e 3º da ESO), dinamización e algúns máis recitaron poemas propios e alleos. Para a actividade contamos coa colaboración da TV de as Pontes que elaborou un vídeo que se proxectará ademais no instituto o día 21 de marzo, para conmemorar o Día Internacional da Poesía. 

TEATRO GRECOLATINO

 

O día 12 de marzo de 2019 o alumnado de Latín, Grego e Literatura universal de 1º e 2º de bacharelato disfrutaron das representacións do Festival de teatro grecolatino, celebrado en Lugo. Asistiron ás representacións dunha traxedia grega, As troianas, de Eurípides, e dunha comedia latina, Anfitrión, de Plauto. Pola mañá fixeron un paseo pola muralla romana de Lugo e visitaron a súa catedral.

LABORATORIO DE MEDIOAMBIENTE DE GALICIA-SEDE A CORUÑA

 

 

 "O xoves 28 de febreiro o alumnado do Ciclo Formativo do Grao Superior de Laboratorio de Análise e Control de Calidade visitaron as instalación que o Laboratorio de Medio Ambiente de Galicia ten na cidade da Coruña. A actividade enmárcase dentro do Plan Proxecta Protexe o teu Medio no cal as alumnas e os alumnos, de xeito interdisciplinario, desenvolven competencias en investigación medioambiental mediante a observación directa do estado das augas continentais e costeiras, dos solos e da auga da chuvia, que constitúe un indicador da contaminación do aire ambiente. Alí explicáronlles as actividades ás que está dedicado o laboratorio visitado e a aplicación dalgunhas técnicas clásicas como os métodos gravimétricos, colorimetrías, determinación de N polo método Kjeldahl..., ademais do funcionamento do seu Sistema de Xestión de Información do Laboratorio, LIMS.

A continuación acercámonos ás instalacións do Laboratorio Interprofesional Gallego de Análisis de Leche (LIGAL), unha asociación sen ánimo de lucro, declarada de utilidade pública, e que está conformada por representantes das industrias lácteas e por produtores. Esta última visita pretende complementar as competencias do noso alumnado no marco do módulo de Ensaios Microbiolóxicos, xa que alí vimos a aplicación de técnicas manuais de cultivo de mostras sementadas en superficie e en profundidade, aplicación do método de filtración en membrana... así como técnicas punteiras para a identificación e determinación da susceptibilidade antimicrobiana de bacterias como o VITEK®, por exemplo. No LIGAL tamén visitamos o laboratorio de Análise Instrumental, o de Ensaios Físicos, e demais equipamento e instalacións."

ENTROIDO 2019

 

 

O pasado 1 de marzo celebramos o festival do Entroido 2019. Tiveron lugar diferentes actividades como o concurso de disfraces, a degustación de postres típicos e diversas actuacións musicais.

VISITA Á REAL ACADEMIA DA LINGUA

 

O alumnado coloborador do Departamento de Dinamización lingüística realizou unha saída para visitar a Real Academia da Lingua Galega (A Coruña) e a Casa-Museo de Emilia Pardo Bazán. A devandita actividade tivo lugar o pasado día 27 de febreiro.

SAÍDA A SANTIAGO DE COMPOSTELA

 

O pasado día 26 de febreiro o alumnado de 2º e 3º da ESO tiveron unha saída a Santiago de Compostela, onde visitaron o Parlamento de Galicia, a Catedral e o Museo do Pobo Galego.

XORNADAS RCP

 

Esta semana o alumnado da ESO  realizaron exercicios de "Respiración Cardio-Pulmonar" nas clases de Educación Física.

 

"QUEN DIXO MEDO"

 

Obradoiro realizado o 11 de febreiro para o alumnado de 3º ESO.

Programa da Deputación que ten por obxectivo dotar os mozos e mozas de ferramentas precisas para traballar a prevención da violencia de xénero a través da creatividade, o traballo en equipo, a cooperación e da detección de contidos sexistas e violentos na música.

Distribuir contido