O pasado venres 19, o noso centro rendeulle homenaxe a Francisco Fernández del Riego, escritor escollido este ano para celebrar o Día das Letras Galegas. Nerea Fraga Villares, alumna de 4º ESO, foi a encargada de presentar o acto.

En primeiro lugar,  Martina Fraga Díaz (2º ESO A) e Mariña Paz Guerreiro (2º ESO C) explicáronnos os aspectos biográficos máis importantes de del Riego, coa lectura dun texto escrito por Érika Fernández López. A continuación, Andrea Cazás Bañobre (1º ESO B) e Alicia Fernández Arnoso (1º ESO C) leron dous textos narrativos do escritor con música de piano de fondo composta e interpretada por David Otero Souto (2º ESO C). Por último, un grupo de alumnado de 4º ESO, dirixidos pola profesora de música Estrela, interpretaron de maneira maxistral a canción das Tanxugueiras “Terra”.

Moitas grazas pola participación e a asistencia ao acto. E lembremos: cómpre sacarmos a relucir a nosa lingua os 365 días do ano!

O  pasado martes día 25 de abril o alumnado de Economía e Iniciación á Actividade Empresarial e emprendedora tiveron a ocasión de participar na charla impartida por Manuel Souto López, do Concello das Pontes. Ao longo do relatorio coñeceron de primeira man como se realizaron e aprobaron os últimos orzamentos municipais , así como a forma en que se realizou o seu seguimento en función dos gastos e ingresos reais. O alumnado puido expoñer as súas cuestións e propostas relativas ás contas municipais,  resultando unha actividade que lle permitiu observar a aplicación práctica dalgúns dos contidos teóricos tratados na aula. Trasladamos o noso agradecemento ao Concello das Pontes e de forma máis concreta ao Departamento de Intervención e a  Manuel  Souto López pola súa colaboración desinteresada.

Durante tres dias o alumnado de 3º da ESO coñeceron a entorna natural das Rias Baixas, practicando deportes coma o  surf, kayak  e tamén puideron visitar e desfrutar  das praias da zona e realizando unha xornada de convivencia nunha entorna natural. 

O instituto Castro da Uz  presentou a súa oferta de ciclos formativos de FP ao noso alumnado, facendo fincapé na modalidade  da FP dual. Tamén informou sobre o novo ciclo formativo de Mecatrónica que se impartirá o vindeiro curso. 

   A orientación académica e profesional axuda ao alumnado a tomar decisións maduras e reflexivas. Coñecer a oferta formativa da contorna facilita a elección de futuros estudos entre o alumnado       que  remata unha etapa educativa.

 O pasado día 11 o alumnado de 2º de ESO fixo unha visita cultural a Santiago de Compostela. Alí percorremos as rúas da zona vella visitando a Catedral, a biblioteca da Facultade de Historia, o mosteiro de San Martiño Pinario e a alameda. Logo xantamos no parque de San Domingos de Bonaval para finalizar a nosa viaxe no Museo do Pobo Galego. Xornada intensa no que se refire a camiñar. Todo rematou con dor de pés!!!

O venres, 12 de maio, tivo lugar no Auditorio Alovi de As Pontes a graduación do alumnado de 2º de BAC da promoción 2022-2023. O devandito acto foi organizado pola ANPA Brixeo de IES Moncho Valcarce. A Comunidade educativa do centro quere felicitar ao alumnado e desexarlles todo o mellor para a nova etapa que van comezar.

Parabéns!!!

Un ano máis o noso centro participou no Festival da Francofonía en Vilanova de Arousa. Un total de 32 alumnas/os viaxaron ata esa vila pontevedresa acompañados do profesorado de francés. Aproveitaron  a súa estancia para dar un paseo pola Ría de Arousa e visitar una batea.  Tamén visitaron a Casa Museo de Valle Inclán.

Trátase dunha actividade interesante para o alumnado xa que fomenta o seu interese pola lingua e cultura francesas e que favorece a interacción entre distintos centros educativos  de Galicia.

As actividades realizadas buscan promover a educación sexual  valorando a diversidade  afectivo-sexual que impera na sociedade. Desenvólvese como  un espazo de intervención psicosocial no que se poden detectar entre o alumnado carencias en educación sexual.

 Con este programa preténdese dotar de ferramentas ao alumnado  para coñecer o  seu proceso de crecemento e maduración no ámbito da educación afectivo-sexual  (educación sexual, modelos de amor e de parella, uso das tecnoloxías nas relacións). Este tipo de iniciativas promove a educación integral entre a mocidade.

                                         i.     O alumnado de 3º da ESO levou a cabo un tramo do Camiño de Santiago de 12 km, entre as localidades de Palas de Rei e Melide. Durante o traxecto puideron coñecer a igrexa de San Xulián do Camiño, a igrexa de Santa María de Leboreiro, a ponte medieval e a igrexa de San Xoán de Furelos. A xornada rematou cunha comida na localidade de Melide.

O pasado luns 17 de abril o alumnado do CS de Laboratorio de Análise e Control de Calidade do IES Moncho Valcarce desfrutou dunha xornada intensiva de visitas a empresas. Pola mañá recibíronnos primeiro en Appplus, onde vimos os laboratorios Químico, de Construción e de Metalurxia, e xa máis tarde, no Laboratorio de Medio Ambiente de Galicia, onde nos explicaron as técnicas que aplican para comprobar a calidade do aire e das augas sempre no marxe de aplicación da lexislación ambiental autonómica; na xornada de tarde fomos a Dekra, unha organización enfocada en servizos de inspección, auditoría, certificación e consultoría. Resultou unha xornada excelente para afianzar e profundar coñecementos e para observar de preto o traballo real nas conntornas e empresas de diferentes sectores e titularidade.