Coa proximidade das festas navideñas, a semana do 19 ao 22 de decembro, o Club de lectura, o Club de ciencias e o Departamento de Tecnoloxía propón a seguinte actividade: “Mercadiño navideño con carácter solidario”.

Durante os recreos das xornadas sinaladas, os alumnos e alumnas do club de lectura poñeranse detrás do mostrador, vendendo bufandas, gorros e libros. A actividade farase extensiva ás nais e aos pais o mércores 21 pola tarde, cando os adultos terán a súa cita personalizada con este mercado solidario. O diñeiro recadado destinarase a una ONG de axuda a Ucraína.

O obxectivo desta actividade é permitir ao alumnado un contacto directo cos libros e fomentar a importancia de ser solidarios cos máis necesitados. 

Hoxe, no Laboratorio de Bioloxía, os alumnos de 1ºA de Humanidades presentaron aos seus compañeiros da ESO do Club de Ciencia o alfabeto grego. A lingua grega é fundamental na creación dun vocabulario científico e por iso traballamos na elaboración dun pequeno glosario de termos científicos procedentes do grego: a nosa palabra de hoxe foi βίος

BIOLOXÍA, MICROBIO, ANFIBIO, BIOQUÍMICA, BIOÉTICA, ANTIBIÓTICO, PROBIÓTICO, BIOSANITARIO, BIOTECNOLOXÍA, BIODINÁMICA, BIOTIPO, BIOTOPO, BIOCENOSIS...

No mundo da ciencia falamos grego!

 O alumnado de 4ESO A e 1BACH C e B participaron más actividades do programa D’tec da Axencia Galega de Innovación , realizaron obradoiros de novos materiais e realidade virtual RV. e realidade aumentada RA” 

Un ano máis o centro engalánase  para celebrar as festas de Nadal.

Felices festas a todos e próspero ano novo.!!!

A Comunidade Educativa do IES Moncho Valcarce felicita á nosa compañeira Diana Aradas Blanco polo premio da Universidade de Sevilla "Rafael de Cózar" acadado pola súa novela "Una madre". 

Grazas por agasallarnos coa túa arte a través desta gran historia e por facer medrar o marabilloso mundo da Literatura. Estamos desexando ler a túa novela!

PARABÉNS!!!

Con motivo da conmemoración do 25 de novembro, Día Internacional para a Erradicación da Violencia contra a Muller, o alumnado de 2º ESO, 3º ESO e 4º ESO presenta a exposición de cartaces “Mulleres da Música” que podedes visitas na Aula de Música do noso centro dende o día 28 de novembro ata o 22 de decembro.

O alumnado, individualmente ou en parellas, elixe unha muller relacionada coa música e realiza un cartel no que se expoñen brevemente algúns datos biográficos e da súa traxectoria profesional, así como a súa contribución na loita contra os prexuízos de xénero, a violencia contra a muller, etc.

Deste xeito celebramos a conmemoración do 25 de novembro. Día Internacional para a Erradicación da Violencia contra a Muller.

No marco do 25 de Novembro proponse a realización de talleres de sensibilización: O alumnado afronta e identifica as diferentes formas de violencia machista que é máis susceptible de padecer e reproducir sen ser consciente da súa gravidade. Na sociedade persisten ideas cargadas de sexismo que xustifican a violencia.É necesario que o noso alumnado aprenda a identificar as violencias machistas encubertas, máis aló das que están visibles. Recoñecer actos de violencia machista individual e grupal evita que se desenvolvan na nosa contorna e axuda a manter unha sociedade libre de estereotipos e centrada na igualdade de todas as persoas.

O día 14 e 17 de xaneiro o alumnado de 2º Bac da materia de  TICs fixo unha charla sobre “SEGURIDADE INFORMÁTICA” dirixida ao alumnado de 1º, 2º, e 3º de ESO.

A charla constaba de 2 partes, na primeira un grupo expoñía ao alumnado os resultados das enquisas que pasaron o alumnado de cada nivel e na segunda parte outros grupos fixeron unha presentación basada principalmente nos perigros que presentan as redes sociais e nos consellos que poden seguir para facer un uso seguro delas.

Ademáis outros grupos elaboraron dipticos cos perigos e consellos para navegar seguros, que se entregaron a cada alumn@ participante o final das charlas.

O obxectivo da devandita charla é concienciar o alumnado sobre os perigros das  redes sociais e darlles ferramentas para evitar problemas e si xurde algún  que sepan o que deben facer.

O alumnado de 4º de ESO e de 1º de CS de laboratorio de análisis e control de calidade  realizaron unha visita ao polígono industrial de Penapurreira e ao  viveiro de empresas de SEARA. Tamén se desprazaron ata Somozas para coñecer o funcionamento da empresa HUSO Renovables. Esta visita foi organizada polo concello de As Pontes dentro do seu programa MOTÍVA-T co que pretenden dar a coñecer aos rapaces e rapazas as saídas profesionais que ofrece a contorna. 

O 1 de decembro achegáronse ao centro a concelleira de igualdade, educación e xuventude e a directora do CIM do concello para facer entrega dos agasallos aos finalistas do concurso de cartaces do 25 N: Estrella del Carmen Pardo Baamonde e David Otero Souto de 2º de ESO. Tamén se entregaron libros e xogos para a biblioteca do centro.