INICIAMOS A ANDAINA DO CLUB DE CIENCIAS

O IES Moncho Valcarce pon en marcha por segundo ano consecutivo o Club de Ciencia incorporando nas súas actividades a novo alumnado, profesorado e proxectos.  Neste mes de outubro demos a benvida ao alumnado participante. Podes seguirnos na nosa conta de Instagram:  @clubcienciasmoncho

 

CLUB DE CIENCIA CURSO 2022-2023

O Club de Ciencia do noso centro comeza a súa andaina neste curso 2022-2023. O alumnado interesado en participar pode anotarse antes do 30 de setembro.

Síguenos!!!   @clubcienciasmoncho 

Agardámosvos!!!

VIAXE CULTURAL A MADRID

 

O alumnado de 1º de Bacharelato realizou unha visita cultural a Madrid, do 13 ao 17 de xuño. Puideron desfrutar do Museo do Prado e o Centro Cultural Reina Sofía. De camiño á capital fixeron unha visita guiada a Segovia, onde descubriron os monumentos que outorgan a esta cidade a categoría de Patrimonio da Humanidade, incluídos o acueduto e o alcázar.

Durante a estancia na capital realizáronse diversas rutas polas zonas monumentais, incluídos o Congreso dos Deputados, a Fonte de Cibeles, a Porta de Alcalá, o Paseo de Recoletos, a Praza Maior, a Praza de Oriente, o Mercado de San Miguel, e a Catedral da Almudena, entre outros.

Na viaxe de volta, fíxose unha visita ó conxunto monumental do mosteiro do Escorial (mosteiro, residencia real, catedral e panteón real).

 

MERCADIÑO SOLIDARIO

 

Con motivo do fin de curso, a semana do 13 ao 17 de xuño, o club de lectura “DIVERTsidade" propón a seguinte actividade: “MERCADIÑO SOLIDARIO 2022”.

Durante as semanas previas a esta actividade, os alumnos do club de lectura invitaron aos seus compañeiros e compañeiras a doar libros para a celebración da actividade, recibiron as entregas e puxéronlles prezo.

Durante a sinalada semana, os participantes do club, aos que se sumaron os de Dinamización da lingua galega, venderon libros e bufandas (facilitadas pola profesora Ángeles García García).

O recaudado será para unha ONG de axuda a Ucraína.

Os alumnos participantes e os doantes de libros recibirán un pequeno agasallo.

 O obxectivo desta actividade é permitir  ao alumnado un contacto directo cos libros, facelos partícipes directos coa venda destes obxectos de segunda man, e sobre todo conciencialos da necesidade de adoptar actitudes solidarias.

 

REPRESENTACIÓN MUSICAL: "GREASE"

O alumando de 3º da ESO levou a cabo a representación dunha escena musical da película “Grease” deixando de manifesto as súas grandes  dotes artísticas.

 

SAÍDA ÁS FRAGAS DO EUME E PRAIA DE CABANAS

 

O alumnado de 1º da ESO realizou unha ruta de sendeirismo de cinco quilómetros polas Fragas do Eume e posteriormente trasladáronse á praia de Cabanas onde pasaron a tarde practicando xogos e desfrutando dun baño.

 

XORNADA INFORMATIVA DO IES LOIS PEÑA NOVO

 

 O martes, 7 de xuño,  o instituto Lois Peña Novo de Vilalba deu a coñecer a súa oferta de ciclos formativos de FP ao noso alumnado.  Recordoulles tamén que con estudos de bacharelato semi-presencial e CUALE (B1 INGLÉS). Informou de que realizarán unha xornada de portas abertas o 16 de xuño para todas as persoas que queiran coñecer o centro. Podedes inscribirvos no enderezo http://iespenanovo.com/ antes do 14 de xuño.

 

VISITA DO FUTURO ALUMNADO 1º BAC

 

O pasado luns, 6 de xuño, visitounos o alumnado de 4º ESO do IES Castro da Uz para coñecer o noso centro e a oferta formativa do próximo curso. Moitos destes rapaces e rapazas cursarán o bacharelato no IES Moncho Valcarce.

Toda a Comunidade Educativa dávos a BENVIDA!!!

 

SAÍDA A ASTURIAS

 

O alumnado de 4º da ESO participou durante os días 19 e 20 de maio nunha saída ao Principado de Asturias. Puideron visitar o Parque Nacional dos Picos de Europa e participar no descenso do rio Sella en piragua.

 

GRADUACIÓN DA PROMOCIÓN 2021-2022

 

A ANPA BRIXEO organizou o acto de graduación da promoción 2021-2022 do IES Moncho Valcarce. O devandito acto tivo lugar na Casa Dopeso o pasado, venres, 13 de maio. 

Parabéns ás graduadas e graduados !!!

 

Distribuir contido