portada30

Os integrantes do club de ciencia do instituto visitaron a Casa do Patrón en Lalin e fixeron un roteiro polos seus arredores

Enviado por admin1 o Dom, 19/05/2024 - 21:57
Hoxe os integrantes do club de ciencia do instituto visitaron a Casa do Patrón en Lalin e fixeron un roteiro polos seus arredores. Despois de comer, xa no instituto, “limparon ósos” para montar un esqueleto e fixeron un refuxio para insectos. Vamos, que non perderon o día...
Grazas á sua profesora de Bioloxía, Chus Gomez Rey, por acompañalos e polas fotos e a Pamen García por ensinarlles a ver o corpo humano con ollada científica.
 
 

Demos por rematadas as actividades de celebración do 30 aniversario do noso instituto cunha visita de luxo

Enviado por admin1 o Dom, 19/05/2024 - 21:55

Hoxe demos por rematadas as actividades de celebración do 30 aniversario do noso instituto cunha visita de luxo. Tivemos a sorte de escoitar unha charla fantástica de Lidia Cao, falando do seu paso como alumna polo noso centro en 2013-2015 e compartindo con todo o alumnado de 1° de Bacharelato de Artes os seus coñecementos e experiencias no mundo do muralismo. Unha artista recoñecida xa internacionalmente que só ten 26 anos. Un exemplo de talento e traballo a partes iguais. Sempre que nos visita déixanos leccións imborrables. Para o alumnado e para o profesorado. Estamos moi orgullosas e orgullosos de que o IES de Sar sexa para ela a súa segunda casa.

 

"Aí vén o maio".

Enviado por admin1 o Dom, 19/05/2024 - 21:53
"Aí vén o maio".
Compartimos a versión do reivindicativo poema de Manuel Curros Enríquez en versión de Pablo Milanés e Luís Emilio Batallán.
Grazas ao Equipo de Dinamización Lingüística pola iniciativa.
"Cantádeme uns maios
sen bruxas nin demos".
 
 

Visita do alumnado de 1° da ESO ao Museo de Historia Natural da Universidade de Santiago de Compostela

Enviado por admin1 o Dom, 19/05/2024 - 21:52
Visita hoxe do alumnado de 1° da ESO ao Museo de Historia Natural da Universidade de Santiago de Compostela, un centro de divulgación da natureza de primeiro nivel.
Organizada polo departamento de Bioloxía e Xeoloxía, acompañouno Chus Gómez, Pamen García Romalde, Sofía Paleo e Zoraida Barral, que fixo estas fotografías que compartimos.
 

Os máis pequenos do instituto desfrutaron e aprenderon moito no Muncyt da Coruña

Enviado por admin1 o Lun, 06/05/2024 - 22:22
Os máis pequenos do instituto desfrutaron e aprenderon moito no Muncyt da Coruña.
Moitas grazas a Sofía Paleo por organizar a saída e a Xurxo Fernández Carballido polas fotografías.
 
 

Moitos parabéns á nosa alumna de 1°de Bacharelato, Almudena Aldrey Sanluis

Enviado por admin1 o Ven, 03/05/2024 - 16:23
Moitos parabéns á nosa alumna de 1°de Bacharelato, Almudena Aldrey Sanluis, que resultou finalista no Concurso escolar de videopoemas sobre composicións poéticas, convocado pola Casa-Museo Manuel María. O próximo 11 de maio darán a coñecer as gañadoras.
E parabéns tamén ao departamento de Dinamización Lingüística por animar ao alumnado a participar e asesoralos na presentación dos traballos.
 
 
 

Temos como finalistas dos Premios Martín Códax da Música a dous exalumnos do IES de Sar

Enviado por admin1 o Ven, 03/05/2024 - 16:20
Animádevos a votar pola nosa xente.
Temos como finalistas dos Premios Martín Códax da Música a dous exalumnos do IES de Sar: Gloria Pavía, na modalidade de Artista Emerxente, e Tomé Mouriño, membro do grupo De Ninghures, na categoría de Música Folk.
Merecen gañar en cadansúa categoría.
 

O alumnado que cuRsa Música asistiu ao Auditorio de Galicia

Enviado por admin1 o Ven, 03/05/2024 - 16:18
Hoxe no Auditorio de Galicia, o alumnado que cuesa Música asistiu ao espectáculo Pleasure Island da Real Filharmonía de Galicia e as coreógrafas e intérpretes Ariadna Montfort e Estela Merlos.
Grazas a María Giménez por organizalo.
 

Autorretratos do alumnado de 2° de Bacharelato de Artes.

Enviado por admin1 o Ven, 03/05/2024 - 16:16
Autorretratos do alumnado de 2° de Bacharelato de Artes.
Parabéns polos vosos traballos na materia de Debuxo Artístico que imparte Manuel de la Rosa.
 
 

Traballo co alumnado de Portugués

Enviado por admin1 o Ven, 03/05/2024 - 16:11

Preparados.

Grazas a Xurxo Fernández Carballido polas fotos e polo traballo co alumnado de Portugués.

 

 

Theme by Danetsoft and Danang Probo Sayekti inspired by Maksimer