portada30

Reunión dos pais/nais cos titores da ESO

Enviado por admin1 o Mar, 17/09/2024 - 18:19

O vindeiro martes 24 de setembro ás 19:00 horas, os titores dos grupos da ESO se reunirán cos pais/nais/responsables, nas aulas correspondentes

Comezamos!

Enviado por admin1 o Mér, 11/09/2024 - 22:09

Horario lectivo do curso 24/25

Enviado por admin1 o Lun, 29/07/2024 - 12:54

O horario lectivo do centro para o curso 24/25

Luns a Venres: 8:50-14:30 horas

Martes:16:50-18:30 horas

Axudas para a adquisición de material escolar curso académico 2024/2025

Enviado por admin1 o Xov, 11/07/2024 - 19:22

Dende o día 12 de xullo, pódese consultar presencialmente a listaxe provisional das axudas para a adquisición de material escolar para o vindeiro curso académico 2024/2025no taboleiro de anuncios situado no interior do centro escolar.

Os/as nais/país das alumnas/os que teñan dereito a dita axuda, poden pasar pola oficina do centro para recoller o vale a partir do luns dia 15 de xullo. De forma non presencial, pódese consultar a través de aplicación admisión alumnado, empregando a chave 365 ou certificado dixital da Fábrica Naciona de Moeda e Timbre.

Cumprindo as normas vixentes en materia de protección de datos persoais, NON se poderá consultar por ningún outro medio físico ou electrónico, nin se poderá dar información telefónica.

 

Admisión a ciclos medios e superiores de formación profesional curso 24-25

Enviado por admin1 o Lun, 10/06/2024 - 13:49

O pasado venres a Consellería publicou o calendario de admisión para ciclos de FP de grao medio e superior para o vindeiro curso 2024-25

INSTRUCIÓNS XERAIS DE ADMISIÓN: https://www.edu.xunta.gal/fp/webfm_send/10715

CALENDARIO: https://www.edu.xunta.gal/fp/webfm_send/10716

ENLACE Á APLICACIÓN PARA FACER A SOLICITUDE (ACTIVA SÓ DURANTE O PRAZO DE ADMISIÓN): https://www.edu.xunta.gal/ciclosadmision/

Máis información en www.edu.xunta.gal/fp

A oferta de ciclos está aínda sen publicar. Será incluído o enlace á oferta cando estea dispoñible.

 

Fondo solidario de axudas para material escolar - Curso 2024/2025

Enviado por admin1 o Mér, 22/05/2024 - 11:12

Prazo de solicitude: do 21/5/2024 a 21/6/2024, incluídos

Texto da convocatoria: ORDE do 7 de maio de 2024 (DOG do 20 de maio)

Procedemento administrativo: ED330B

Forma de presentación de solicitudes:

  • Electrónica: utilice esta aplicación e presente solicitude na Sede Electrónica.

IMPORTANTE: na presentación electrónica deberá presentar unha solicitude individual para cada un dos seus fillos.

  • Presencial con asistencia da aplicación: cubra os datos nesta aplicación, imprima os Anexos I e II producidos e presenteos no centro educativo.
  • Presencial manual: cubra os Anexo I e Anexo II da Orde da convocatoria e presénteos no centro educativo.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

Xornada recepción ao novo alumnado da ESO

Enviado por admin1 o Lun, 29/07/2024 - 13:13

O xoves 5 de setembro ás 19:00 horas, no centro, terá lugar unha xornada de recepción para o novo alumnado da ESO e as súas familias na que o equipo directivo fará unha visita polo centro e dará unha charla para aclarar todas as dúbidas que poidan xurdir nesta nova etapa da ensinanza seundaria.

O equipo directivo do IES de Sar

Cuestionarios sobre a autoestima, os mitos do amor romántico ou a sexualidade

Enviado por admin1 o Lun, 01/07/2024 - 17:45
O alumnado de 3º ESO A e B distribuídos en grupos de tres a cinco alumnos e alumnas elaborou cuestionarios sobre a autoestima, os mitos do amor romántico ou a sexualidade. Despois imprimíronse os cuestionarios, e os  alumnos de 3º A e B contestáronos de forma anónima.
Cada grupo fixo un reconto das respostas ao seu cuestionario, fixo táboas de frecuencias, diagramas de barras ou sectores circulares. Analizáronse medias, varianzas, desviacións típicas e cuartís das variables cuantitativas, e a moda das variables cualitativas.
Fixeron unha presentación grupal dos resultados obtidos e das conclusións que observaron.
Podedes velo aquí:

Enlace resultados

 
 Os cuestionarios están na carpeta:
 
 

Agradecemento ao Concello

Enviado por admin1 o Sáb, 29/06/2024 - 00:41
Moitísimas grazas ao Concello de Santiago por convidar ás alumnas Nântia Bernárdez Martínez, Antela Aldonza Bello, Carla García Rodríguez e Laura Sende Rodríguez, do Grupo de Igualdade do noso centro, a participar na celebración do Día do Orgullo no Pazo de Raxoi.
E grazas a Sofía Paleo por preparar con elas a lectura de textos do libro que editou o pasado curso o noso centro na Colección Sar, titulado DiVers@s.
Acompañounas tamén o noso director, Aníbal García Pinal, e Merche Monteagudo, profesora de Física e Química.
Grazas por participar, representando ao IES de Sar, estando xa de vacacións.
Un orgullo de alumnas!
 
 

Finalistas no Festival de Curtas Olloboi

Enviado por admin1 o Xov, 27/06/2024 - 16:37
As alumnas de 1º de Bacharelato B (Artes), Aroha Fritz, Lucía Hermida, Mencía Mosquera, Mara Martinez e Naiara Vidal, resultaron finalistas no Festival de Curtas Olloboi, na categoría de Bacherelato, coa curta que leva por título “Demencía”.
Compartimos varias imaxes da entrega de premios, que tivo lugar o venres 21 xuño en Boiro.
Grazas a Minia Regos polas fotografías.
 

Theme by Danetsoft and Danang Probo Sayekti inspired by Maksimer