Complementarias

Este luns foi un día intenso no IES de Sar.

Acollimos a presentación do libro TRES CONTOS DE ULTRATUMBA (Vicente Risco, Castelao e Ramón Otero Pedrayo), coordinado pola nosa profesora de Lingua e literatura galegas, Patricia Arias Chachero. No acto participaron os presidentes das fundacións dos autores antologados: Celia Pereira Porto, da Fundación Vicente Risco; Miguel Anxo Seixas, da Fundación Castelao; e Eduardo López Pereira, da Fundación Ramón Otero Pedrayo. Acompañounos na mesa o Secretario Xeral de Política Lingüística, Valentín García Gómez, e o director do centro, Aníbal García Pinal.

Simultaneamente, organizada polo grupo de igualdade do centro, Caracois Reunides, e convidada por Marina Lema, tivemos ocasión de escoitar unha necesaria e reveladora charla sobre violencia sexual impartida pola xuíza en Santiago de Compostela, Ana López Suevos.

Grazas a todas e todos os que fixestes posible as dúas iniciativas.

O grupo de igualdade do centro, Caracois Reunides, organizou onte unha charla ben interesante con deportistas destacados de distintas disciplinas: kárate, patinaxe, fútbol e baloncesto.

Grazas á nosa profesora de Educación Física Isabel Varela por coordinar este encontro.

O alumnado de 1º da ESO do IES de Sar tivo a oportunidade de asistir hoxe a unha conferencia da XI edición do programa educativo Navega con Rumbo, que ten como principal obxectivo favorecer o uso responsable de internet e das redes sociais entre o alumnado, o profesorado e as familias.

Unha temática ben transcendente.

Hoxe 13 de maio, 20 alumnas/os de 1º Bacharelato partiron hacia Italia para facer un intercambio co Intituto Superior Alessandro Volta en Castel San Giovanni na provincia da Piacenzia na rexión Emilia-Romaña. Esta viaxe está enmarcado dentro do proxecto EduExchanges da consellería de Cultura, Educación e Universidades. Irán acompañados pola profesoras Lucinda (dep. Inglés) e Inés (dep. Castelán).

A disfrutar da actividade!!!!

CANCÉLASE a actividade Alerta Maltrato: indicios de violencia machista en fillxs/alumnado programada para hoxe xoves, día 27 de abril de 2023 ás 18 horas.

ALERTA MALTRATO: indicios de violencia machista en fillxs/alumnado é un encontro entre familias e profesorado para reflexionar, aprender e dotar ás persoas participantes de pautas de acción ante posibles casos de violencia de xénero entre a rapazada.

 

Chegamos ao final da semana cun sorriso nos labios. Hoxe tocaba xogar e ver a parte lúdica e divertida das Ciencias.

Visitounos Alejandro Saavedra, profesor de Bioestatística da USC, para falarnos de xogos cooperativos. Explicou a teoría de xogos, falou de repartos de diñeiro aplicados a gastos comunitarios e de como esta teoría se pode aplicar á vida real.

Xogar facendo ciencia e xogar aprendendo. Como fixeron os nosos alumnos esta mañá, impartindo pequenos obradoiros, dando charlas aos seus compañeiros (como a que impartiron os estudantes de Anatomía  titulada "SarDonald's: Os sentidos e a nutrición" para os seus compañeiros).

Unha semana para non esquecer.

Grazas a todos os que a fixestes posible.