portada30

Inicio

Complementarias

As profesoras que impartiron as materias artísticas na ESO (Educación Plástica Visual e Audiovisual de 1º e 3º, e Expresión Artística de 4º), montaron unha pequena exposición dos mellores traballos

Enviado por admin1 o Dom, 09/06/2024 - 23:22
As profesoras que impartiron as materias artísticas na ESO (Educación Plástica Visual e Audiovisual de 1º e 3º, e Expresión Artística de 4º), montaron unha pequena exposición dos mellores traballos do seu alumnado este curso. Atópase na planta baixa do instituto e en cada lateral exponse un nivel diferente.
Na zona amarela temos traballos de 1º da ESO, onde se poden ver exercicios sobre os “Elementos configuradores da linguaxe visual” (o punto, a liña, o plano, a cor e a textura).
Na entrdaa ao salón de actos temos os traballos de 3º ESO, que están relacionados cos “Graos de iconicidade” (realismo, figuración e abstracción) e co emprego de diferentes técnicas gráfico-plásticas (lápiz, rotulador, témperas).
Na zona azul atópanse os traballos de 4º ESO, os máis complexos e variados, relacionados coas diferentes temáticas impartidas no curso: “Puntillismo, ilusións ópticas, estampación, cómic e colaxe”.
As fotografías son das profesoras Susana Rodríguez Alemparte e Sonia Dopazo.
 
 

Proxecto de vida activa e deportiva (PVAD

Enviado por admin1 o Dom, 09/06/2024 - 23:18
Este curso, o noso centro puxo en marcha un Proxecto de vida activa e deportiva (PVAD) para loitar contra o sedentarismo e a inactividad física, buscando o incremento da práctica de actividades físicas.
O alumnado de 1° de Bacharelato E foi andando ata Belvìs, como bos peripatéticos que son (así se fan chamar), para practicar a lectura na sesión de clase que tiveron de Lingua castelá e literatura.
Grazas a Zoraida Barral Rodríguez pola iniciativa e polas fotografías. A primeira que compartimos vale para unha boa campaña da lectura!
 

Fantásticos libros feitos polo alumnado de Proxectos Artísticos en 1° de Bacharelato de Artes

Enviado por admin1 o Mar, 28/05/2024 - 23:17

Fantásticos libros feitos polo alumnado de Proxectos Artísticos en 1° de Bacharelato de Artes con Montse Amigo.

 

 

Instalación do alumnado que cursa Proxectos Artísticos en 1° de Bacharelato de Artes

Enviado por admin1 o Mar, 28/05/2024 - 23:15

Instalación do alumnado que cursa Proxectos Artísticos en 1° de Bacharelato de Artes con Sonia Dopazo, a quen lle agradecemos as fotografías da iniciativa que nos fai chegar.

 

 

Tarde emotiva na Coruña

Enviado por admin1 o Sáb, 25/05/2024 - 23:17
Tarde emotiva hoxe na Coruña, acompañando ás nosas alumnas de 1° de Bacharelato de Artes, que foron seleccionadas no 19 Premio de Fotografía Xurxo Lobato: Mara Martínez Prado, Katarina Mélikhova, Ana Salgueiro Torres e Uxía Pereiro Freiría.
Estar seleccionadas neste certame xa é un recoñecemento importante, pero ademais conseguiron o 2° premio, Mara Martínez, e unha Mención de Honra, Katarina Mélikhova.
Moitísimos parabéns ás catro!
 
 
Galería:
 

Traballos do alumnado do Bacharelato de Artes feitos na materia de Proxectos Artísticos

Enviado por admin1 o Mar, 21/05/2024 - 22:10

Traballos do alumnado do Bacharelato de Artes feitos na materia de Proxectos Artísticos con Montse Amigo e Sonia Dopazo.

 

 

Esta mañá Pancho Lapeña, un dos nosos profesores de Filosofía, compartiu todo o seu talento como artista co alumnado de 1° de Bacharelato de Artes

Enviado por admin1 o Mar, 21/05/2024 - 22:08

Esta mañá Pancho Lapeña, un dos nosos profesores de Filosofía, compartiu todo o seu talento como artista co alumnado de 1° de Bacharelato de Artes. Unha charla fantástica que lles encantou a todos os que puideron escoitala.

 

 

Moitos parabéns a Lucía Aldao e á súa banda

Enviado por admin1 o Dom, 19/05/2024 - 22:22

Moitos parabéns a Lucía Aldao e á súa banda, á que pertence a nosa compañeira Analís Guillín como batería, por este merecidísimo Premio Martín Códax polo seu proxecto PAVA.

 

 

Temos moita sorte de ter entre nós a toda esta xente marabillosa que canta coma os paxaros.

Enviado por admin1 o Dom, 19/05/2024 - 22:18
Temos moita sorte de ter entre nós a toda esta xente marabillosa que canta coma os paxaros.
O Coro da Ra ensaia todas as semanas no noso instituto e estamos moi orgullosos de que sexan parte da familia do Sar.
 

No IES de Sar estamos moi contentos e orgullosos de que Gloria Pavía teña conseguido o Premio Martín Códax da Música na modalidade de Música Emerxente

Enviado por admin1 o Dom, 19/05/2024 - 22:15
No IES de Sar estamos moi contentos e orgullosos de que Gloria Pavía teña conseguido o Premio Martín Códax da Música na modalidade de Música Emerxente.
Desde que estivo entre nós estudando, sabiamos que había chegar moi lonxe no mundo da música.
Talento e delicadeza nunha voz inconfundible.
 

Theme by Danetsoft and Danang Probo Sayekti inspired by Maksimer