portada30

Inicio

Complementarias

Temos como finalistas dos Premios Martín Códax da Música a dous exalumnos do IES de Sar

Enviado por admin1 o Ven, 03/05/2024 - 15:20
Animádevos a votar pola nosa xente.
Temos como finalistas dos Premios Martín Códax da Música a dous exalumnos do IES de Sar: Gloria Pavía, na modalidade de Artista Emerxente, e Tomé Mouriño, membro do grupo De Ninghures, na categoría de Música Folk.
Merecen gañar en cadansúa categoría.
 

Estamos rematando coas actividades que organizamos este curso para conmemorar a apertura do IES de Sar en 1994

Enviado por admin1 o Mér, 24/04/2024 - 22:41
Estamos rematando coas actividades que organizamos este curso para conmemorar a apertura do IES de Sar en 1994. E hoxe tocou outro prato forte.
Visitounos Faia Díaz, do grupo De Vacas, exalumna do centro entre 2004 e 2006, cando cursou entre nós o Bacharelato de Artes.
Unha muller cun talento descomunal. Humilde, xenerosa e boísima comunicadora. Vamos, unha alFaia.
Foi unha honra e un pracer tela entre nós.
E como os recordos que garda do noso centro son bos, comprometeuse a presentar o seu novo disco cando saia en outubro.
Grazas a Emma Fraiz Constenla por presentala.
 

Asistencia do noso alumnado de 4° da ESO a unha exposición

Enviado por admin1 o Mér, 24/04/2024 - 22:25

Asistencia do noso alumnado de 4° da ESO a unha exposición de banda deseñada no Auditorio de Galicia, acompañado polas profesoras Ana Rial Aparicio e Sonia Dopazo.

 

Hoxe volveu á súa casa Diego Vidal, exalumno do Bacharelato de Artes no noso centro

Enviado por admin1 o Mér, 24/04/2024 - 22:18
Hoxe volveu á súa casa Diego Vidal, exalumno do Bacharelato de Artes no noso centro entre os anos 2013 e 2015, que se está a converter nun dos escultores emerxentes de máis proxección no noso país. Ademais, como tamén é doutorando na Facultade de Bellas Artes de Valencia, onde xa imparte docencia na materia de Escultura, non é tan doado que lle cadre pasar polo instituto ao que chegou desde Boqueixón, hai agora dez anos, para dar os seus primeiros pasos formativos neste mundo das artes.
Foi un pracer escoitalo esta mañá. Fala coa mesma honestidade coa que esculpe e o noso alumnado de 2° de Bacharelato de Artes aproveitou moito a súa visita.
Ademais tivemos a sorte de que accedera a crear o deseño da escultura conmemorativa do noso 30 aniversario. Nalgunha das fotos aparece con ela nas mans. Unha tirada de 30 pezas en cerámica branca que gardaremos no centro como unha semente do futuro luminoso que sabemos que lle espera.
Grazas, Diego!
 
 

Animádevos a participar nesta iniciativa

Enviado por admin1 o Mar, 23/04/2024 - 21:49

Animádevos a participar nesta iniciativa de Rosa Gómez, unha das nosas profesoras de Matemáticas.

 

Un mestre composteiro do Concello de Santiago ensinounos os segredos dun bo compost

Enviado por admin1 o Mar, 23/04/2024 - 21:48
Esta tarde, no Club de Ciencia, un mestre composteiro do Concello de Santiago ensinounos os segredos dun bo compost.
Quedámoslle moi, moi agradecidos.
 

Despois de 30 anos sen pintar, por fin temos unha cancha nova o noso alumnado

Enviado por admin1 o Mar, 23/04/2024 - 21:46

Despois de 30 anos sen pintar, por fin temos unha cancha nova para que o noso alumnado desfrute das actividades deportivas ao aire libre con seguridade e calidade. Un traballo impecable feito nas dúas ultimas semanas pola Unidade Técnica da Consellería de Educación.

 

O grupo de igualdade do centro coordinou a celebración do Día do Libro na biblioteca

Enviado por admin1 o Mar, 23/04/2024 - 21:44

O grupo de igualdade do centro coordinou a celebración do Día do Libro na biblioteca, guiado por Sabela Abalo.

 

 

Onte foi un día para divertirse en Disney.

Enviado por admin1 o Xov, 18/04/2024 - 09:15

Onte foi un día para divertirse en Disney.

 

 

Visita ao IES de Sar esta tarde do noso exalumno Ángel Vieites Puente

Enviado por admin1 o Xov, 18/04/2024 - 09:13
Visita ao IES de Sar esta tarde do noso exalumno Ángel Vieites Puente para falarlle ao noso alumnado do Bacharelato de Ciencias e de 4° da ESO da súa experiencia como meteorólogo da AEMET na delegación da Coruña.
Mil grazas por volver!Visita ao IES de Sar esta tarde do noso exalumno Ángel Vieites Puente para falarlle ao noso alumnado do Bacharelato de Ciencias e de 4° da ESO da súa experiencia como meteorólogo da AEMET na delegación da Coruña.
Mil grazas por volver!
 
 

Theme by Danetsoft and Danang Probo Sayekti inspired by Maksimer