Este ano o concurso de fotografía ímolo facer dende a FANPA COMPOSTELA e coa colaboración da Comisión de Igualdade, como un xeito de apoiar as mobilizacións do 8 de marzo próximo, e de achegar  algo positivo na loita a favor da igualdade.  Queremos facer fincapé na necesidade do respeto e do traballo a prol da igualdade de todas nós.

Alumnado de 3º ESO do noso centro participa no Concurso “O MEU ELEMENTO”.

 A Facultade de Ciencias do campus de Lugo da USC, a través da súa comisión de normalización lingüística, o grupo de innovación docente CienciaNosa e o Sistema de Normalización Lingüística da USC, convocan o concurso de vídeos ‘ O meu elemento’ para sumarse á celebración de 2019 como Ano Internacional do  Sistema Periódico, unha efeméride declarada polas Nacións Unidas co gallo do 150 aniversario da publicación por parte de Dimitri Mendeleev da súa táboa periódica dos elementos químicos.

Alumnado de 3º ESO do noso centro participa no Concurso “A TÁBOA PERIÓDICA E GALICIA”.

O concurso ‘A táboa periódica e Galicia’ é unha iniciativa da Facultade de Química que busca divulgar entre o estudantado galego a relevancia dos distintos elementos químicos na vida diaria e que se inclúe no programa de actividades organizado polo centro universitario con motivo do Ano Internacional da Táboa Periódica dos Elementos Químicos.

https://xornal.usc.es/xornal/acontece/2019_02/noticia_0009.html 

Co gallo da celebración do DÍA DA MULLER NA CIENCIA, a investigadora en Fïsica de Partículas Miriam Lucio Martínez impartiu o xoves 14 de febreiro a charla "A miña experiencia como muller na ciencia".

Esta actividade foi organizada polos Dptos de FÍSICA E QUÍMICA, BIOLOXÍA e LINGUA GALEGA.

Para ver as imaxes máis grande, premer sobre elas

O alumnado de 2º Bacharelato asistirá o vindeiro xoves 28 de febreiro, no salón de actos do instituto, a unha mesa redonda "Acceso á universidade 2019". Participarán representantes das tres universidades.

Día Internacional da Muller e a Nena na Ciencia

11 de Febreiro promove a realización de actividades que, visibilizando o labor das científicas, conmemoren este día, fomenten vocacións científicas nas rapazas e axuden a pechar a brecha de xénero en ciencia.

A terceira edición da Iniciativa celébrase do 1 ao 15 de febreiro de 2019. Este ano acolle máis de 2.200 actividades que chegarán a unhas 130.000 persoas, o 90% celébranse en centros educativos. Máis de 900 persoas da comunidade científica, na súa maioría mulleres investigadoras, impartirán unhas 1900 charlas e talleres que chegarán a máis de 100.000 estudantes en 800 centros educativos. A estas charlas e talleres súmanse actividades organizadas polo persoal docente de moitos centros.

Este é o caso do noso Instituto que acolle unha charla no Salón de Actos o 14 de Febreiro, co gallo desta celebración. Está organizada polos Dptos de FÍSICA E QUÍMICA, BIOLOXÍA e LINGUA GALEGA

“A MIÑA EXPERIENCIA COMO MULLER NA CIENCIA”. Charla impartida por

MIRIAM LUCIO MARTÍNEZ, INVESTIGADORA EN FÍSICA DE PARTÍC.ULAS FACULTADE DE FÍSICA (USC).

 14 de Febreiro de 2019 ás  12:45 a 13:40

O alumnado de 3º ESO asistirá, o vindeiro martes 12 de febreiro de 12:50 a 12:30 horas, a unha conferencia sobre Educación Viaria, na sua aula, impartida pola Policía Municipal de Santiago.

O vindeiro venres 22 de febreiro, dende ás 10:30 a 12:30 horas, na Sala Ángel Brage, no Auditorio de Galicia, o alumnado de 2º ciclo ESO e 2ª Bacharelato, alumnado de música, asistirán a un concerto:

Pangea Real Filharmonía de Galicia,  Abrahan Cupeiro, multinstrumentista.

O alumnado de 3º ESO participará o vindeiro martes 19 de febreiro, no  obradoiro Quérote + (Educación afectivo-emocional). Terá lugar na aula de 12:50 a 14.30 horas.

O vindeiro martes 19 de febreiro no Salón de Actos do instituto, o alumnado de 4º ESO B e o alumnado de E. plástica de 4º ESO A, asistirá a unha representación teatral, "Consumo de drogas". Ésta está coordinada polo Concello de Santiago e interpretada polo alumnado de FPB Pontepedriña.