Colaboración do noso alumnado con Lidia Cao no mural que deseñou para o noso instituto. Unha clase que de seguro non han de esquecer.
Imos rematando o curso e esta tarde o noso alumnado tivo ocasión de compartir con moita xente o seu talento impreso neste libro que presentamos no Museo do Pobo Galego e que titulamos Divers@s.
Grazas a todos os que quixestes arroupar a criatura e moi especialmente aos representantes dos diferentes partidos políticos que integran a corporación municipal. A diversidade ideolóxica tamén quixo estar presente neste acto no que falamos de igualdade, de tolerancia, de diversidade. No IES de Sar sabemos como convivir harmonicamente e este libro é o froito desta convicción.
Compartimos o proxecto de DONAS DE SI que demos en chamar PRESUME DE SER E DÉIXATE VER e que pretende visibilizar a vida de diferentes mulleres. Unhas coñecidas e outras dignas de coñecer. Preme no mapa e poderás saber delas.
Para confirmar asistencia no seguinte formulario
Quedades convidadas e convidados á presentación do libro que editamos este ano na Colección Sar do noso instituto, cos traballos de toda a comunidade educativa e coas fantásticas fotografías de Fuco Reyes, nacidas do obradoiro que lle impartiu ao noso alumnado de Bacharelato de Artes durante máis de 3 meses.
Será o venres na Selic e o martes no Museo do Pobo Galego.
Theme by Danetsoft and Danang Probo Sayekti inspired by Maksimer