Histórico de actividades

Xubílasenos Nieves!!! Os seus compañeiros e alumnos sorprendémola hoxe cunha merecida homenaxe chea de emoción e agarimo. Despois de tantos anos adicados ao oficio máis fermoso do mundo, chegou a hora de deixar a primeira liña do ensino. Foron moitas as viaxes e as Francofonías vividas, sempre pensando en organizar actividades para enriquecer aos rapaces e rapazas de tantas xeracións. Querémoste, Nieves!

Premede na seguinte imaxe para ver todas as fotos.

NIEVES homenaxe from Xabier Marqués on Vimeo.

   Estades preocupados polo futuro do planeta? O alumnado do IES A Basella e o IES Faro das Lúas tamén. Por iso, hoxe manifestaron de forma conxunta a súas inquendanzas medioambientais uníndose á iniciativa #fridaysforfuture.

   A convocatoria foi todo un éxito, xuntáronse no parque do Cabo e leron un manifesto reivindicando medidas de actuación concretas aos gobernos para que aborden dunha forma integral os problemas medioambientais antes de que sexa demasiado tarde.

    Premede na seguinte foto para ver o album

Podedes ler o manifiesto elaborado polos alumnos no seguinte enlace. Manifesto Fridaysforfuture

Como cada 8 de marzo, no noso centro propoñémonos organizar con e para o noso alumnado actividades que reivindiquen, visibilicen e poñan en valor as contribucións das mulleres en tódolos ámbitos da sociedade. Este ano, co gallo do 150 aniversario da táboa periódica, embarcámonos nun proxecto moi especial: construímos unha táboa de mulleres galegas de actualidade que destacan polos seus logros e que abranguen moitos aspectos da vida. Mulleres reais da nosa contorna máis próxima. Aínda faltan, pero só 118 elementos non dan para poñelas a todas.

Este proxecto colaborativo tivo como resultado a creación de dúas táboas periódicas, unha real e outra virtual. A real foi construída nos recreos con alumnado voluntario e rematada nunha hora de clase polos alumnos de terceiro e cuarto de ESO. A virtual foi deseñada e construída buscando información, redactando e axustando documentos a un formato predeterminado nas materias de galego e TIC.

As táboas están relacionadas entre si. Desde a táboa física podes acceder á mesma información que na virtual, podes ver unha pequena biografía de cada unha das mulleres e ademais, mediante un código QR, ver a información do elemento químico ao que están asociadas.

Desde a táboa virtual podes acceder á información de cada unha delas e a un xogo de Pasapalabra para comprobar o que sabes. Atréveste?

Un proxecto que mobilizou a uns 130 alumnos do centro e ao profesorado de 5 departamentos distintos. Un proxecto do que nos sentimos orgullosos porque todos puxemos o noso granciño de  area.

   Hoxe o director do noso instituto e un grupo de alumnos do centro fixeron entrega dos alimentos recollidos aos representante do Concello de Vilanova de Arousa, o concelleiro Javier Tourís, que veu acompañado da educadora de Servizos Sociais.

   Como outros anos, a comunidade educativa da Basella, mostrou o seu lado máis solidario e recolléronse ao longo da semana kilos de alimentos e produtos de hixiene. Un alumno de 1º ESO explicoulle como se desenvolveu a actividade.