Esta semana foi moi interesante. Estivo repleta de actividades relacionadas coa Ciencia, xa que novembro é o mes da ciencia en galego. Tivemos charlas e exposicións de experimentos.
EXPOSICIÓN DE EXPERIMENTOS
O martes pola tarde, os membros de cuarto e primeiro de bacharelato do club de ciencias fixeron unha exposición de experimentos onde puideron explicar aos seus compañeiros de 1º e 2º de ESO, como é unha célula vexetal, distintos fenómenos físicos como a fluorescencia, como illar ADN ou como acender unha calculadora construíndo unha pila de limóns.
Queredes ver todos os experimentos? Seguide a conta de instagram do club de ciencias do IES A Basella
CHARLA DE ORIENTACIÓN PROFESIONAL: POLICÍA CIENTÍFICA
Ademáis, parte do alumnado de Bacharelato con materias de ciencias, tivo a oportunidade de asistir ás charlas do Departamento de Bioloxía, organizadas pola profe Ángela Morales. O encargado da exposición foi Luis Hombreiro, inspector xefe da Comisaría da Policía Nacional de Vilagarcía, Doutor en Bioquímica.
Dúas foron as cuestións principais que tratou:
- Ciencias Forenses: finalidade é áreas de especialidade (xenética forense, identificación biométrica, informática forense, etc).
- Organización da policía científica en España (acceso ás especialidades)
Seguro que o alumnado interesado tomou boa nota!
Moitas grazas por todo!
 |
 |
#clubdeciencias #orientaciónprofesional
