n

 A TRADICIONAL CARREIRA DAS LETRAS QUE A COMUNIDADE ESCOLAR DO CRA VIÑA CELEBRANDO NO ESPAZO RECREATIVO DE CAMPO MANEIRO TRASLADOUSE NESTE CURSO 2018-2019 AO CENTRO DA VILA DE RIANXO. 

O DEPORTE, A RECOMENDACIÓN LECTORA,  A LEMBRANZA Á FIGURA DE ANTÓN FRAGUAS,  A MÚSICA E A DEGUSTACIÓN DE PRATOS E DOCES CASEIROS COMPARTIRON PROTAGONISMO TAMÉN COA DENUNCIA PÚBLICA Á  AGRESIÓN SUFRIDA POLA PLANTACIÓN DE CADUCIFOLIAS QUE O CRA TIÑA REALIZADO NO MES DE FEBREIRO NO MONTE DO PLEITO, TARAGOÑA.

OS DÍAS 14 E 16 DE MAIO O ALUMNADO DO CRA DE RIANXO PARTICIPOU EN ACTIVIDADES PROGRAMADAS DENTRO DA SEMANA DO LIBRO INFANTIL E XUVENIL DE RIANXO.
CONSULTA AQUÍ A PROGRAMACCIÓN DE LIX RIANXO

NO CRA DE RIANXO CONTIÚAN AS ACTIVIDADES DESEÑADAS EN TORNO AO 8M.
UN ANO MÁIS, AS AMIGAS E AMIGOS DE DANIEL CELEBRARON O SEU PARTICULAR  DÍA INTERNACIONAL DA MULLER NA SÚA BIBLIOTECA CENTRAL EN ASADOS CON OBRADOIROS DE MÚSICA, CONTOS E MEMORIA.

Ao redor do 24 de febreiro, fixado no Calendario do Libro e da Lectura como aniversario do nacemento de Rosalía de Castro, desenvólvense un grande número de actividades que gozan  dunha importante aceptación e impulso por parte da sociedade, e moi especialmente polo sector educativo.

A Asociación de Escritoras e Escritores en Lingua Galega (AELG) propón  á cidadanía que agasalle un libro en galego e unha flor,  e baixo o lema  Do XIX ao XXI: Libre o meu Pensamento!, convida asemade aos centros de ensino a realizar actividades que permitan ao alumnado observar e reflexionar sobre a vixencia do amplo abano de inxustizas sociais, incluída a situación da lingua galega, presentes na obra de Rosalía.

A IMAXE DUNHA POMBA BRANCA CUN RAMIÑO DE OLIVEIRA NO PETEIRO É UN DOS SÍMBOLOS DA PAZ MÁIS RECOÑECIDOS EN TODO O MUNDO.

O PINTOR PABLO PICASSO AXUDOU A POPULARIZAR ESTA REPRESENTACIÓN COS SEUS DESEÑOS DE POMBAS DA PAZ, PERO A ORIXE DESTA IMAXE PROCEDE DO RELATO DUNHA GRANDÍSIMA CHUVASCADA, RELATO QUE, CON DISTINTAS VARIACIÓNS, FORMA PARTE DE MOITAS CULTURAS DO MUNDO ANTIGO.
NA LENDA QUE CHEGOU ATA NÓS, A POMBIÑA ACADA UN PROTAGONISMO ESPECIAL AO SER QUEN PORTA NO SEU PETEIRO UN SINAL MOI AGARDADO.

HAI MOITO TEMPO, OS HABITANTES DOS POBOS DA CHINA, QUE VIVÍAN BAIXO A PROTECCIÓN DE DIFERENTES ANIMAIS, PELEXABAN TAMÉN NO SEU NOME.
AS CRIANZAS, PARA ACABAR COAS GUERRAS ENTRE AS TRIBOS, TOMARON O CORPO DA ASTUTA SERPE, AS ESCAMAS DO ESCINTILANTE PEIXE, A CABEZA DO VELOZ CABALO, OS CORNOS DO FORTE BÚFALO E AS PATAS DO PAXARO LIBRE, E CREARON O DRAGÓN .
E A PARTIR DO SEU NACEMENTO,  O DRAGÓN FOI RECOÑECIDO EN ASIA COMO O SÍMBOLO DA PAZ.

" O nacemento do dragón"
Ed. Kalandraka

ÁS 9, CANDO CHEGOU Á ESCOLA, ÁLEX CONTOUNOS QUE SOÑARA QUE APARECERA A BICI. E QUE NEVABA...

ÁS 10 ABRIMOS UN GRANDE PAQUETE ENVOLTO EN FOLLAS DE XORNAL. DENTRO ESTABA A BICI DE ROI. E SENTIMOS TANTA ALEGRÍA COMO SE UNHA NEVE AMOROSA ESTIVERA A CAER POR RIBA NÓSA.

Quero que todos montedes na bici

A POMBIÑA DE ROI TROUXO O RECORDO DUN AGASALLO ESPECIAL DESAPARECIDO.
NA ESCOLA PREGUNTÁMONOS QUE LLE TERÍA PASADO A ESA BICI DE MADEIRA QUE LLE FIXERA  CHEGAR O SEU PAI DENDE SUÍZA.  E, AÍNDA SABENDO QUE NA VIDA DE ROI TER OU NON UN XOGUETE NON ERA REALMENTE IMPORTANTE, QUIXEMOS AXUDARLLE A INTENTAR RECUPEPAR ESA BICICLETA QUE CHEGARA A RIANXO EQUIPADA CUN GRANDE VALOR EMOCIONAL.

MOITAS FORON AS PERSOAS QUE AXUDARON A DIFUNDIR A NOSA BÚSQUEDA E MESMO CHEGOU A SER NOVA DE INTERESE PARA UN XORNAL

 Búscase bici de madeira perdida; razón, escola de Campo de Pazos

OS RECORDOS SON COMO POMBAS BRANCAS QUE ANIÑAN NA NOSA MEMORIA.
DÍO TOÑO NUÑEZ, E NÓS DÁMOSLLE CRETO.

 DO POMBAL ONDE ANIÑAN OS NOSOS RECORDOS QUIXEMOS DEIXAR VOAR ALGUNHAS POMBIÑAS...

MOITO GOSTAMOS DELAS ! PERO UNHA, A POMBA DE ROI, EXCITOU O NOSO INTERESE...