Dende o primeiro día comezamos facendo arte. Abonda cun anaco de cartón, unhas tesoiras un rotulador e un folio. Todo combinado coa imaxinación e creatividade das nenas e nenos da aula de 2º e voilà!
A pesares de ser o primeiro día de verán, e derradeiro do curso escolar, isto non pinta moi ben no que ao tempo atmosférico se refire. Pero os ánimos están altos coa inminente chegada das vacacións, e como se fose un canto para chamar ao sol despedímonos de todos vós con este xogo rítmico de percusión corporal.
Día Escolar pola Paz e a Non Violencia 2013 celebrado no CPI Virxe da Saleta. Celebramos a alegría. A alegría de estar xuntos, de compartir a nosa vida neste centro escolar. Coa forza da felicidade pódense derrubar os muros das inxustizas e da pobreza. A nosa ledicia pode cambiar o mundo. E que mellor xeito de amosalo que cantando todos xuntos esta canción tan bonita do brasilego Sergio Tannus. A canción aparece no disco María Fumaça editado por Galaxia.
Na tarde do mércores 29 de maio recibimos no noso centro ao grande mestre de xadrez Dragan Paunovic, o campión serbio e director do Club de Xadrez Chantada. Estivo celebrando 14 partidas simultáneas co noso alumnado e profesorado. Despois dos primeiros momentos de nerviosismo souberon poñer en práctica todo o aprendido durante o torneo de xadrez celebrado no noso centro durante o mes pasado. Dragan valorou positivamente a actividade e deulle a cada partida un carácter didáctico. Finalmente felicitou a todos os participantes, especialmente a aqueles que souberon plantarlle cara.
O pasado 22 de maio, celebrouse no “Paco Chao” do Carballiño unha nova etapa do Xogade – Deporte Escolar neste curso académico. Tratábase de “Xogando co Atletismo”, onde seis centros da comarca do Arenteiro nos dimos cita de novo. Probas de velocidade individuais e por equipos, lanzamentos e probas de habilidade e multisaltos, conformaron o calendario do día.
Como o máis importante era participar e pasalo ben, obxectivo conseguido!!!
Coa chegada da primavera, o equipo de actividades extraescolares decidiu facer unha exposición de fotos de árbores e flores propias desta época do ano aportadas polos alumnos. A participación foi moi alta, e os resultados, nalgúns casos, espectaculares. As fotografías están expostas no edificio de primaria, ata o final do curso.
É teatro, é un conto, é maxia... é a ilusión de escoitar unha historia máxica. A historia de Brancaflor. Ou era a historia de Xan? Ou quizais a historia de Xan e Brancaflor. Ben, o que conta é o ben que o pasamos con Fran Rei e os seus trucos sorprendentes. Foi unha tarde espectacular dentro da semana grande das Letras Galegas.
Queredes mellorar a vosa fala? Aquí tedes unhas actividades para practicar na vosa casa e que incluso podedes elaborar vós mesmos con materiais reciclados.
Tarta de plastilina con candeas de cumpreanos.
Non a comas!!
Tenta meter o tapón dentro da portería soprando pola palliña.
Podes construír a portería cunha rede como as das bolsas das laranxas pegada a un marco de cartón e soprar algodóns, tapóns de pástico ou pelotas de ping-pong.
Labirinto do sopro
Pídelle a un adulto que compre táboas de marquetería e tente reproducir o modelo. Unha vez feito, podes percorrer o labirinto soprando un pompón con axuda dunha palliña ou non.
De oco a oco
Tenta mover soprando a pelota á imaxe que máis che guste e despois pronuncia a palabra correctamente. Pódese facer con sílabas trabadas, palabras con "r" ... Para elaboralo tes que coller a base dunha caixa de bombóns ou de galletas e por en cada oco a imaxe elexida para traballar as palabras con sílabas trabadas ou "r".
O venres 3 de maio, os alumnos e alumnas de 3º e 4º de Primaria fomos de excursión a A Coruña. Madrugamos moito para chegar a primeira hora á Casa dos Peixes. Alí coñecemos a Gastón, o rei do acuario!! Vaia tiburón!!
Comemos ao pé da Torre de Hércules. Como nos prestaron os xeados!!. Despois fomos a Domus. Fixemos unha chea de experimentos!! Relaxámonos vendo as estrelas no Planetario, nunha noite de vampiros...brrrurrr!! Fedellando, fedellando recorrimos toda a Casa das Ciencias, ata vimos nacer un pitiño!!
O pasado 22 de maio, celebrouse no “Paco Chao” do Carballiño unha nova etapa do Xogade – Deporte Escolar neste curso académico. Tratábase de “Xogando co Atletismo”, onde seis centros da comarca do Arenteiro nos dimos cita de novo. Probas de velocidade individuais e por equipos, lanzamentos e probas de habilidade e multisaltos, conformaron o calendario do día.
Tarta de plastilina con 
