CAMPAÑA CONTRA A GRIPE E AS INFECCIÓNS RESPIRATORIAS
A Consellería de Educación ven de comunicar que a Consellería de Sanidade, a través da Dirección Xeral de Saúde Pública e do Servizo Galego de Saúde, puxo en marcha a campaña anual de vacinación antigripal, que se prolongará ata o 31 de decembro.
A principal novidade este ano é a incorporación da vacinación sistemática dos nenos/as entre os 6 e os 59 meses de idade.
Ademais publica unhas novas normas hixiénicas ante o aumento de casos de infeccións víricas nos centros educativos. Achegamos o documento publicado e resumimos a continuación as normas básicas xerais:
- Lavado de mans ou desinfección de mans con xel.
- Hixiene respiratoria: esbirrar ou tusir en panos desbotables ou na cara interior do cóbado.
- Ventilación cruzada frecuente.
- Limpeza e desinfección de superficies.
- NON acudir ao centro con síntomas de infección respiratoria ou febre ata que remitan.
- Con síntomas, e recomendable o uso de máscara e evitar as interaccións con persoas vulnerables.
Así mesmo aproveitamos para lembrar a obrigatoriedade da MÁSCARA NOS AUTOBUSES, debendo traer reposto para o posible deterioro ou extravío da mesma.
