LINGUA E PATRIMONIO EN SAN MIGUEL DE SARANDÓN - A VENDIMA E O VIÑO
Comezamos o traballo de campo en San Miguel de Sarandón
Nesta parroquia fixemos a primeira xuntanza do proxecto Lingua, Patrimonio e Coñecemento Tradicional (Proxecta 2018-19) o pasado o 16 de xaneiro. Principiamos o labor de recollida de léxico tradicional relacionado co ámbito do viño e da vendima. Actuaron como informantes Luis Neira, Manuel Fuentes e Manolo González; o mestre Antonio acolleunos na súa escola e acompañounos tamén nesta ocasión. O traballo de campo correu a cargo dalgunhas alumnas da parroquia de 1.º, 2º e 4º da ESO, Adriana, Teresa, Nerea e Irea.
Vedra medra comeza así o 2019 e continúa co seu empeño de aproximar aos máis novos un PATRIMONIO VIVO, o seu, o de todos.
Xulia Marqués
Coordinadora do EDLG e de Vedra medra
