OBRADOIRO: O ENTROIDO RURAL TRADICIONAL NA ULLA
Vedra medra chámase este curso Emociona-T.
E para potenciar os aspectos emocionais do patrimonio cultural salientando o seu valor simbólico e identitario puxemos en marcha o obradoiro "O Entroido rural tradicional na Ulla".
Con el pretendemos xerar desde a escola procesos de coñecemento, posta en valor e sensibilización de cara a este festexo tradicional tan presente nalgunhas parroquias do Concello de Vedra.
A primeira sesión tivo o lugar o martes 30 de novembro. Contamos coa participación de 44 rapaces e rapazas de educación primaria e de ESO.
Esta vez acompañáronnos para abrir a actividade Sonia e Suso Gamás que nos axudaron na composición dos atranques, e José Neira, Santiago Otero e Inés Bouzón como testemuñas daqueles entroidos pasados.
<!--pagebreak-->
O obradoiro ten como finalidade procurar un espazo de encontro da rapazada cos maiores no que ambas partes desfruten aprendendo e compartindo experiencias e vivencias.
Para a apertura do obradoiro convidamos a veciños/as das parroquias de Vedra, Trobe e San Miguel de Sarandón.
Xulia Marqués
Coordinadora de Vedra medra