Hoxe, terceira sesión do club de ciencia. Empezamos coa construción de..., nada máis e nada menos que un SUBMARINO! E como non, falamos do autor de "VINTE MIL LEGUAS DEBAIXO DOS MARES", JULIO VERNE. Tamén do submarino e da caracola NAUTILUS... e no medio de todo iso xurdiunos unha pregunta, como é que respiran os peixes debaixo da auga? E aí saiu a composición da auga. Aprendemos e divertímonos!
A semana pasada dou comezo o Programa de Innovación Educativa "Club de Ciencia". Nel participan alumnos/as de 3º e 4º de Primaria que levarán a cabo diversas investigacións e experimentos científicos.
Na xornada de hoxe asignóuselle a cada equipo de alumnos/as o nome dunha muller científica: Marie Curie, Rosalind Franklin, María Montessori... Ademais estiveron traballando o principio de Arquímedes dunha maneira moi divertida.
O alumnado de 3º e 4º visitaron a aula de natureza e centro de interpretación "Brañas de Valga" situado nunha antiga telleira en Mesía. A extracción da arxila que tivo lugar na zona xerou un oco no terreo que pouco a pouco se converteu nunha lagoa. Alí explicáronlles a historia das telleiras e ata se atreveron a modelar a arxila e elaborar distintos materiais cerámicos.
O alumnado de 4º comezou os primeiros talleres CookMat cunha tarefa moi doce:
Mates con... caramelos!
Seguide os seus avances no blog CookMat
O noso centro súmase ás actividades para conmemorar a Semana do Código ou da Programación (Code Week) en Europa co proxecto STEAMSigu de iniciación á linguaxe da programación e á robótica en 4º e 6º de Primaria.
Do 6 ao 21 de outubro, levamos a cabo os primeiros talleres coa app Smile & Learn e co programa Scratch. Tamén puidemos achegarnos ao funcionamento e partes dos nosos mBots.
Ao longo do curso, iremos resolvendo diferentes retos e desafíos para chegar a convertirnos en expertos programadores.
O martes 25 de setembro, ás 16:30, terá lugar no salón de actos do CEIP de Sigüeiro unha reunión informativa coas familias do alumnado que cursa 3º e 4º de E. Primaria. Agardámosvos.
Os nenos e nenas de 3º desprazáronse ata Padrón o pasado martes onde disfrutaron dunha morea de actividades no parque Galipark Aventura: tirolina, tiro con arco, lásertag, inchables, pista de xeo, piscina, tobogán de auga...
Máis fotos...
O alumnado de 4º fixo unha saída á cidade de Ourense. Primeiro visitamos o Parque Arqueolóxico da Cultura Castrexa, no que realizamos un obradoiro moi interesante sobre arqueoloxía e os achádegos que no propio castro se atoparon. Tamén vimos e imaxinamos como eran as grandes cidades da prehistoria durante a visita ao castro.
Despois de xantar, partimos cara a cidade para visitar a Ourense termal. O tren turístico achegounos ás termas de Outariz onde apreciamos a calidez das súas augas. E xa para rematar, merendamos á beira do río miño para partir de volta á casa.
A pesar da chuvia, foi un día xenial! Máis fotos no seguinte álbum:
CEIP de Sigüeiro - Xunta de Galicia - Consellería de Cultura, Educación e Ordenación Universitaria, 2016 | ||
