Hoxe o alumnado de 4º C recibiu unha visita moi especial. Despois da recollioda levada a cabo no cole, para os animais do Refuxio de Bando e de Gatocan de Oroso, dentro do Proxecto eTwinning "European Dog Adventures", xunto con outro colexio de Hungría, hoxe fíxose entrega do recadado para o primeiro dos refuxios. Aproveitando a ocasión, explicóuselles ao alumnado con detalle o labor do refuxio e a importancia de coidar axeitadamente os nosos animais. Olalla, a súa directora, veu acompañada da pequena Maeve, unha gatiña de seis meses que está desexando atopar un fogar definitivo. Moitas gracias a todas as familias que colaboraron coa recollida. En breve faremos entrega tamén da parte recadada para Gatocan. Gracias tamén ao refuxio de Bando pola visita e polo seu labor. A nosa próxima misión é facer un cartel para animar á adopción.

Para despedir o curso 21/22, chéganos esta fantástica nova. Acábannos de conceder dous novos Selos de Calidade do Servizo Nacional eTwinning polos proxectos "Languages Are Visions Of Life" e "Unidos por nuestras lenguas" nos que participou o alumnado de 6º de Primaria dende a materia de Lingua Estranxeira (inglés). Parece que xa nos habituamos a recibir estes recoñecementos, que cos dos últimos cursos suman xa 6 a nivel nacional e 3 a nivel europeo, pero detrás destes proxectos hai moito traballo levado a cabo polo alumnado e profesorado. Parabéns! 

Por que dicir selfie, se podemos dicir autorretrato?

Por que dicir password, se podemos dicir contrasinal?

Por que dicir fake, se podemos dicir falso?

Por que dicir tweet, se podemos dicir chío?

Por que dicir hashtag, se podemos dicir cancelo?

Os alumnos/as de 6º de Primaria participamos no proxecto eTwinning “Unidos por nuestras lenguas” xunto con outros 40 centros educativos de Primaria e Secundaria de toda España, ademáis de Francia, Turquía e ata a India. O obxectivo do proxecto é poñer en valor todas as linguas e dialectos do noso país a través de diferentes actividades. Unha delas, é investigar sobre o uso dos principais estranxeirismos que se empregan na nosa lingua e propoñer alternativas ao seu uso. 

É certo que, hoxe en día, o Inglés se converteu na Lingua Franca do noso século e que nos abre moitas portas. Pero o seu uso e coñecemento non nos debe facer pensar que é unha lingua superior á nosa. Algo con nome estranxeiro non significa que sexa mellor ou máis moderno. Nós témolo claro, por iso fixemos unha exposición no corredor do colexio con estranxeirismos e as súas alternativas en galego para concienciar aos nosos compañeiros/as. Tamén redactamos unha carta aos medios na que os convidamos a que o día 17 de maio, Día das Letras Galegas, non empregasen estranxeirismos nos seus programas ou xornais e primasen o emprego de palabras propias galegas que veñen significando o mesmo e soan igual de ben, ou aínda mellor!

Ese mesmo día, a xornalista Ainhoa Apestegui entrevistábanos sobre a nosa iniciativa para o programa "Hoy por hoy Santiago" da Cadena Ser. Fai clic abaixo para escoitar a entrevista:

Tamén podes ler a carta que escribimos aos medios aquí:

O 9 de maio foi o Día de Europa e tamén o eTwinning Day. Así que aproveitamos para compartir con vós algúns dos videos que gravamos para o proxecto audiovisual "Eu sei da UE" a través do centro de información da Comisión Europea da Deputación da Coruña "Europe Direct A Coruña".

Ademáis, o alumnado de 6º de Primaria recibiu unhas camisetas de agasallo de Europe Direct A Coruña. Moitas gracias! 

Hoxe o alumnado de 4º de Primaria participou nun obradoiro sobre a Unión Europea organizado por Europe Direct A Coruña, centro de información da Comisión Europea pertencente á Deputación da Coruña. O taller consistiu nunha serie de preguntas e xogos sobre os países da UE, as súas bandeiras e a súa ubicación no mapa. Esta iniciativa enmárcase dentro da celebración do Día de Europa o vindeiro 9 de maio.

O noso centro participa no proxecto "Eu sei da UE" do centro de información da Comisión Europea da Deputación da Coruña "Europe Direct A Coruña". Esta iniciativa enmárcase dentro da celebración do Día de Europa o vindeiro 9 de maio. Trátase dun proxecto audiovisual coa participación directa de oito nenos e nenas, e unha profesora. Que ben o pasamos con este fántastico equipo que nos acompañou durante toda a mañá. Unha experiencia xenial!!! 

O luns 21 de febreiro foi o Día da Lingua Materna e o alumnado de 6º quixo conmemoralo mostrando o fachendosos que nos sentimos da nosa, o galego, cos nosos socios do proxecto eTwinning "Unidos Por Nuestras Lenguas".

Para iso conectámonos por videoconferencia co CEIP Príncipe de España de Burgos e co CRA Domingo de Guzmán de Salamanca. Pero esta vez a lingua vehicular non era o inglés, se non o galego. Despois das presentacións pertinentes, mostrámoslles as nosas palabras favoritas en galego e, para que fora máis emocionante, eles tiñan que adiviñar de que se trataba cada unha delas. Aínda que ningún deles conta con lingua propia, tamén nos ensinaron localismos propios da súa zona. E como non, tamén aprendemos un montón sobre a súa cultura! Pero o máis importante, é que puxemos en valor a nosa lingua cos nosos socios de eTwinning.

Comezamos o 2º trimestre abrindo todas as postais que nos chegaron de todos os socios españois e europeos dos proxectos eTwinning "Unidos por nuestras lenguas" e "Languages are visions of life". Despois colocámolas no noso taboleiro de anuncios do corredor. Mirade que chulada!

Como cada ano, chegadas estas datas, queremos desexar un Bo Nadal e un Feliz Aninovo a todos os nosos socios de proxectos internacionais. 

O alumnado de 5º intercambiou postais de Nadal cos alumnos do Royal Palm Elementary School de Miami (USA) e o alumnado de 6º enviou tarxetas a todos os países europeos e comunidades autónomas participantes nos proxectos eTwinning "Languages are visions of life" e "Unidos por nuestras lenguas".

E os últimos días de clase xa nos empezaron a chegar algunhas que colocamos no cortizo do corredor en fronte á aula de inglés. Qué ilusión abrir postais chegadas dende todas partes do mundo!

Os nosos proxectos eTwinning saen no xornal comarcal Primeira Noticia.