O mércores 8 de maio puxemos punto e final ao proxecto "Dos Orillas". Conectámonos por videochamada cos nosos socios americanos do colexio Royal Palm Elementary en Miami para despedirnos, pois eles rematan xa o curso e van disfrutar dun merecido descanso. Pero non pensedes que teñen máis vacacións ca nós, pois en agosto tócalles comezar de novo!

Despois duns videos de despedida e agradecemento, preparamos uns bailes tradicionais e unha pequena merenda. Nós fixemos unha coreografía country coa música de Cotton Eye Joe e probamos os típicos sandwiches de manteiga de cacahuete e marmelada. Pola súa banda, en Miami bailaron a Macarena e degustaron tortilla. 

A valoración do proxecto por parte de alumnado e profesorado foi moi positiva. Acadáronse todos os obxectivos propostos xa que aprendemos un montón de cousas sobre a cultura, a xeografía, a historia, as tradicións e, sobre todo, as linguas do outro lado do Atlántico. Pero o máis importante é que fixemos amigos/as a máis de 6.500 Qm de distancia. Así que, quen sabe? Igual o punto e final se converte nun punto e... seguido!

O noso Club de Teatro do colexio quere amosar ás familias o seu traballo. E para iso puxéronse en acción, distribuíron o tempo e... que mellor que os martes pola tarde, que é cando hai titorías, para representar as obras para as familias que o desexen! Pois logo 3 martes do mes de maio: día 7, Club de Teatro de 5º nivel; día 14, Club de Teatro de 4º nivel e día 21, Club de teatro de 3º nivel. 

E se é solidario mellor que mellor! Así que postos en contacto con Servizos Sociais do Concello, farase ao mesmo tempo, recollida de alimentos para as persoas necesitadas do Oroso.

 COMEZAMOOOOS! Primeira obra do Club de Teatro de 5º: "Unha clase imposible"

O pasado venres, 26 de abril, os alumnos e alumnas de 6º de Primaria desprazáronse ata a Cidade da Cultura para asistir ao Congreso de Innovación na Formación Profesional "FP Innova".

Alí exploraron e interactuaron cos diferentes stands de emprendemento e innovación nos que o alumnado dos diferentes ciclos formativos e os seus profes lles explicaban o que debían facer.

Algúns dos espazos que máis gustaron foron o "drone soccer" ou futbol con drons, a gastroaula na que puideron elaborar diferentes pratos así como degustalos, o futbolín robótico ou o simulador de realidade virtual para emerxencias hospitalarias.

Este venres, o alumnado de 5º e 6º de Primaria participou nun escape room de igualdade no salón de actos do centro dentro da liña do Contrato Programa CP Inclúe, promovida pola Consellería de Educación.

Tratábase de resolver un roubo relacionado con mulleres relevantes de Galicia: Rosalía de Castro, Maruxa Mallo... Divididos en equipos e dispoñendo cada un deles dunha maleta, debían descifrar pistas, que abrían diferentes candados ata chegar a unha caixa forte final.

Foi unha experiencia moi enriquecedora na que o alumnado aprendeu e se divertiu.

Clicade na imaxe para ver o contido da revista.

Os alumnos e alumnas de 6º de Primaria, na materia de Arts & Crafts, deseñamos unhas medallas olímpicas coa aplicación Tinkercad. Despois imprimímolas coa impresora 3D, pintámolas de dourado e prateado e puxémoslles unha cinta.

Finalmente, para sentirnos verdadeiros medallistas olímpicos, sacamos fotos diante da pantalla de chroma e eliximos diferentes fondos. Aquí o resultado:

Álbum: Curso 2023 - 2024 -> 3D Olympic medals

Hoxe o alumnado do CRA de Oroso estivo no noso colexio invitados polas profesoras de 5º para asistir a unha representación teatral do alumnado deste nivel. Ensinámoslle a nosa biblioteca e as aulas onde están os seus compañeiros do curso pàsado. Tamén os convidamos a unha merendiña de chocolate e biscoito elaborado polo alumnado de 5º. Foi unha xornada moi divertida!

17th March is St. Patrick's Day, patron saint of Ireland, and many landmarks all over the world turn green for the occasion. 6th graders wanted to join this tradition and made these paper circuits with green leds, copper tape and 3D buildings like the Eiffel Tower, Arc de Triomphe, Big Ben, London Eye, Empire State building, Statue of Liberty, Christ the Redeemer, Pisa Tower and Hercules Tower.

O 17 de marzo é o Día de San Patricio, o patrón de Irlanda, e moitos monumentos de todo o mundo tínguense de verde para a ocasión. Os alumnos/as de 6º quixeron unirse a esta tradición e fixeron estes circuitos de papel con leds verdes, cinta de cobre e edificios 3D como a Torre Eiffel, o Arco do Triunfo, o Big Ben, a London Eye, O Empire State, a Estatua da Liberdade, O Cristo Redentor, a Torre de Pisa e a Torre de Hércules.

Hoxe tivo lugar no colexio a segunda charla deste curso da Garda Civil dentro do Plan Director para a mellora da Convivencia nos Centros Escolares e os seus entornos. Nesta ocasión a temática foi o ACOSO ESCOLAR para o alumnado de 5º e 6º. Estivemos reflexionando sobre diversas situacións que se dan, con maior ou menor frecuencia, no colexio; sobre as consecuencias das mesmas e a importancia da EMPATÍA. Vimos varios videos para concienciarnos e aprender a observar e diferenciar as actuacións conflictivas que vemos no noso entorno.

Muro acabado! O debuxo final con todas as cores simboliza ás propias persoas; cheas de emocións que se poden sentir simultaneamente. 

As figuras de cores representadas no muro transmitirannos cada mañá ledicia, positividade e optimismo! Gracias a autora Colorines por este bo traballo.