Deixámosvos o vídeo coa nosa participación no Regueifando 2023. Como veredes comezamos a

Regueifa. 

O xoves 18 e venres 19, o alumnado de 6º de Primaria xunto coas súas titoras participaron na actividade de "Intercambio

cultural"  polo Courel e a Ribeira Sacra, dentro do Proxecto Terra. Foron dous día moi aproveitados. O primeiro día, pola

mañá, visitamos os Museos Etnográfico e Xeolóxico de Quiroga, pola tarde o Castro da Torre e rematamos o día cun

roteiro ata aldea de Seceda. O segundo día gozamos do Val das Mouras, da Albariza da Granxa de Santa Eufemia e das

fermosas vistas do Mirador de Campodola. Xa pola tarde fixemos un percorrido en catamarán polos canóns do Sil.

Foi unha aventura moi agradable e interesante, temos que agradecer o bo facer dos monitores Guille e Iván e de Sabela,

coordinadora do Proxecto.

 Castro da Torre de Sobredo

Today is FRIDAY! We can sing during break!

Chegamos ao remate desta aventura, polo menos para este curso! Disfrutamos, aprendemos, descubrimos... todo isto grazas a ciencia!

E non podiamos despedirnos sen experimentar un pouco.

A semana pasada probamos a deixar un ovo cru en vinagre con colorante a ver que ocorría, aquí está o resultado; casca desaparecida e cunha textura xelatinosa.

Como último experimento a electricidade estática, que risas e chispazos saíron de aquí!

O vindeiro curso, máis e mellor!

No día de hoxe fíxose entrega dos galardóns do concurso que organiza o concello de Oroso "Escribe unha carta a ...", para promocionar o Camiño Inglés. Este ano o personaxe histórico que peregrinou a Compostela en 1473 e 1483 e ao que se lle escribiu a carta, foi o irlandés James Rice. A gañadora do 1º premio do noso colexio foi Iria Beiroa Sánchez e o 2º premio recaeu en Enma Pazos Villa, ámbalas dúas de 6º C. Como en cada edición posteriormente procedeuse a descubrir unha placa en recordo deste ilustre personaxe no Paseo do Peregrino.

PARABÉNS para Iria e Enma polo seu traballo!

Esta semana estivemos con diferentes retos, que ben o pasamos!

O 1º consistiu en descubrir que ovos estaban cocidos e cales crudos sen cascalos. Os experimentos que fixemos foron:

• metelos en auga, o que flotara estaba crudo e o cocido iríase ao fondo da xerra. Non logramos identificalos porque ningún flotou.
• despois pensamos en facelos rodar e logramos descubrir que os crudos rodaban, sen embargo os cocidos case non rodaban nadiña.
  

Os seguintes retos soamente os puxemos en marcha, para a seguinte semana ensinámosvos que fixemos.

O luns o alumnado de 6º tivo unha visita especial! Cando chegaron ao salón de actos estaba Berta Dávila, autora de "Demetrio Demoscopio perdeu a chispa" esperando para falar con eles do libro, de como e cando comezou a escribir, dos seus libros... O máis importante foi que descubrimos que é a chispa, que é algo diferente para cada un de nós, iso que nos fai emocionar. O encontro rematou coa firma de libros. Esperamos volver a verte pronto cunha nova aventura. 

Esta semana descubrimos dous aspectos que nos fan ser únicos: as nosas pegadas e o noso ADN. Coñecendo esta información, puxémonos a representar unha cadea ou espiral de ADN, a cal nos saíu moooi rica, pois empregamos osiños de gominola e regalices.

Esta semana estivemos traballando un pouquiño as consecuencias do quecemento global. Para isto fixemos un experimento para ver que ocorre cando o xeo dos polos se derrete e como esta subida do nivel do mar afecta aos países dos distintos continentes.

 Esta semana estivemos vendo as células.Para descrubrir a diferencia entre a célula animal e a célula vexetal observámolas a través dos microscopios. Como mostra da c. vexetal empregamos unha cebola. Para a animal, sangre, pel (pero non nosa)...