ADMISIÓN E MATRÍCULA CURSO 24/25

LEMBRAMOS QUE O PRAZO DE MATRÍCULA PARA O ALUMNADO DE NOVA INCORPORACIÓN AO CENTRO É DO 20 AO 30 DE XUÑO

Información relativa ao proceso de reserva de praza, admisión de alumnado e formalización de matrícula para o curso 2024-2025 e Anexos para descargar. 

Normativa de aplicación: Orde do 21 de outubro de 2022 e Decreto 13/2022 do 3 de febreiro

SAÍDA AO TEATRO PRINCIPAL EN SANTIAGO

Hoxe os a alumnos e alumnas de Educación Infantil de 4 e 5 anos, asistimos ao Teatro Principal de Santiago, a ver e escoitar `` Nube nube sol ´´,achegándonos a maxia dos ciclos da natureza, e a importancia da choiva para que todo medre.

 

 

 

VISITA Á TORRE DE HÉRCULES E AO MUNCYT

 

Este mércores o alumnado de 5º e 6º viaxou a cidade da Coruña para visitar a Torre de Hércules e o Museo Nacional da Ciencia e Tecnoloxía

(MUNCYT). Neste último puideron ver, entre outras cousas, parte do avión que trouxo o Guernica a España, o Jumbo  Lope de Vega. Para

rematar fixeron un taller de Biodiversidade e Bioluminiscencia. Foi unha mañá moi aproveitada. 

  

 

Chaveiros coa impresora 3D

Na materia de Arts & Crafts, usamos a aplicación Tinkercad para deseñar uns chaveiros cos nosos nomes e despois imprimímolos coa impresora 3D. 

 

 

Que se celebra en febreiro do outro lado do Atlántico?

Hoxe, 27 de febreiro, volvemos conectarnos cos nosos socios americanos do proxecto "Dos Orillas". Desta volta, falamos das celebracións do mes de febreiro dun e doutro lado do Atlántico que estivemos recopilando nun padlet: o Groundhog Day ou Día da Marmota, San Valentín, o Entroido e o Día de Rosalía. Despois competimos nun Kahoot a ver quen sabía máis de todas as celebracións comentadas. E sabedes quen quedou no podio? Pois Rita conseguiu a primeira posición e Héctor quedou no segundo lugar. O terceiro posto foi para Domingo de Miami.

 

 

23 DE FEBREIRO, DÍA DE ROSALÍA

Hoxe é un día importante para todos os galegos e sobre todo para as mulleres. Lembramos, no aniversario do seu nacemento en 1837, a unha muller grande; loitadora, precursora, pioneira; unha adiantada aos tempos. No colexio levamos a cabo múltiples actividades para recoñecer e aportar o noso graíño de area para manter viva a figura de ROSALÍA DE CASTRO e o seu labor. 

 

 

Algúns de nós saímos por Sigüeiro para ofrecer o noso marcapáxinas que recollía o código QR que nos achegaba aos videos de recitados de poemas dalgúns dos nosos nenos e nenas. Que bonita experiencia, fomos polos diferentes comercios e polas rúas. Atopamos con xente encantadora.

    

  

As nosas particulares Rosalías acompañadas da figura do emigrante pasaron polas clases para recitar algún dos seus poemas.   Adios ríos, adios fontes, adios regatos pequenos...

  

E aínda hai máis, queda pendente o plantado das camelias de Rosalía, que por mor do mal tempo tivemos que suspender no día de hoxe, así como a visita á residencia de maiores de Porto Avieira para facelos partícipes das nosas actividades sobre Rosalía.

 

What's a school in the USA like?

Tralo Entroido, retomamos as videoconferencias cos nosos socios americanos do colexio Royal Palm Elementary School de Miami. Nesta ocasión quixemos coñecer como son os nosos centros educativos así que visualizamos uns videos que prepararan as nosas mestras mostrando as instalacións e explicando como é o noso día a día no centro. Despois fixemos un concurso online de preguntas sobre os dous coles e sabedes quen quedou no podio? Pois Emma no 2º lugar e Elisa e Thiago na 4ª e 5ª posición. Parabéns a Flavio e Jason de Miami por acadar o 1º e 3º postos.