Agora imos falar dunha das disciplinas tradicionais dos Xogos Olímpicos que se vén realizando dende a edición inaugural en 1896. Estamos a referirnos ao atletismo, pero sabedes en que consiste? Os nenos e nenas de 4 anos sábeno moi ben e, ademais, coñecen atletas olímpicos e paralímpicos galegos.
Mirade todo o que descubriron sobre este deporte.
Este venres, o alumnado de 5º e 6º de Primaria participou nun escape room de igualdade no salón de actos do centro dentro da liña do Contrato Programa CP Inclúe, promovida pola Consellería de Educación.
Tratábase de resolver un roubo relacionado con mulleres relevantes de Galicia: Rosalía de Castro, Maruxa Mallo... Divididos en equipos e dispoñendo cada un deles dunha maleta, debían descifrar pistas, que abrían diferentes candados ata chegar a unha caixa forte final.
Foi unha experiencia moi enriquecedora na que o alumnado aprendeu e se divertiu.
Despois de estudar cales foron os países e as sedes que acolleron os Xogos Olímpicos ao longo da historia, agora comezamos o 3º trimestre investigando sobre os deportes que se practican.
Os alumnos e alumnas de 3 anos fálannos da natación, un deporte que estivo presente en todos os Xogos Olímpicos da era moderna. Sen embargo, nas primeiras edicións as competicións realizábanse en entornos naturais como baías e non sería ata Londres 1908 cando as probas se comezaron a disputar en piscinas. Prestade moita atención.
" A FLOR", así se titula o conto que escribiron os nenos e nenas de 4º A de Infantil, todo feito por eles e a súas mestras, eles foron
inventando a historia e despois ilustrárona. Clicade na imaxe para velo. Parabéns!
Clicade na imaxe para ver o contido da revista.
Os alumnos e alumnas de 6º de Primaria, na materia de Arts & Crafts, deseñamos unhas medallas olímpicas coa aplicación Tinkercad. Despois imprimímolas coa impresora 3D, pintámolas de dourado e prateado e puxémoslles unha cinta.
Finalmente, para sentirnos verdadeiros medallistas olímpicos, sacamos fotos diante da pantalla de chroma e eliximos diferentes fondos. Aquí o resultado:
E con estas últimas cinco curiosidades, Punki da por finalizadas as súas pescudas sobre as Olimpiadas. Agardamos que descubrirades datos interesantes e aprenderades moito.
E aquí algunhas instantáneas do proceso de investigación, creación e gravación con Íker de 4ºB. El foi non só o ilustrador, senón tamén a voz de Punki. Parabéns polo teu traballo e gracias polo teu esforzo e interese no proxecto!
E como mostra de agradecemento, fíxoselle entrega do libro "Los Superpreguntones en los Juegos Olímpicos" de onde se sacaron moitas das curiosidades e tamén dunha medalla feita coa impresora 3D.
Hoxe os alumnos/as de 1º de Primaria baixaron á biblioteca para escoitar "We're going on an Egg Hunt", unha historia de Pascua contada pola nosa auxiliar de conversa americana Chloe.
Despois, aproveitando unha raiola de sol, saíron ao patio e participaron nunha busca de ovos de Pascua como adoitan facer os nenos británicos e americanos.
HAPPY EASTER!
Continuamos o proxecto "Dos Orillas" converténdonos en embaixadores da nosa terra e mostrándolles aos nosos compañeiros americanos como é Galicia e, en concreto, a nosa vila Sigüeiro. Para iso, elaboramos presentacións e gravamos videos nos que lles explicamos non só o que poden ver e facer en Galicia, senon tamén que poden comer e como teñen que viaxar e moverse por aquí.
E hoxe, conectámonos por videoconferencia con eles e, en directo, mostrámoslles os lugares máis representativos da nosa terra. Eles ensináronnos a grandiosa Miami. Despois competimos nun Quizizz.
Nesta actividade, o alumnado de Primaria trouxo unha foto recomendando un cómic. Coas fotos realizouse un mural.
CEIP de Sigüeiro - Xunta de Galicia - Consellería de Cultura, Educación e Ordenación Universitaria, 2016 | ||
