Curiosidades sobre as Olimpiadas I

No 1º trimestre, o alumnado estivo investigando sobre os diferentes países que acolleron os Xogos Olímpicos dende a antigüidade. Coas súas pescudas elaboraron uns paneis informativos que colocamos no corredor da planta baixa do edificio de Primaria seguindo unha liña temporal. 

Agora Punki, a nosa mascota olímpica, está a engadir uns códigos QR nos que conta algunhas curiosidades sobre as Olimpiadas. Escanéaos e descubre cales son. Tamén podes visualizar os tres primeiros videos aquí.

MANDADOS DO MECO

 O Entroido chegou e o Meco ordenou.

SAÍDA AO AUDITORIO DE GALICIA DE 5º A E 5º B DE EDUCACIÓN PRIMARIA.

Hoxe venres  2 de febreiro asistimos a Santiago, a ver e escoitar o conto `` O gato con botas ´´, coa Real Filharmonia de Galicia, e os títeres Perpoc.

AQUARIUM

O venres 2 de febreiro  o alumnado de 1º ciclo visitou o  Aquarium Finisterrae da Coruña.

        

 

      

DÍA ESCOLAR DA NON VIOLENCIA E DA PAZ

No día de hoxe, 30 de xaneiro, conmemórase a morte de Mahatma Gandhi (India, 1869-1948), líder pacifista que defendeu e promoveu a non violencia e a resistencia pacífica fronte a inxustiza e que foi asasinado por defender estas ideas. No colexio celebramos o Día Escolar da Non Violencia e a Paz. Queremos fomentar no alumnado valores como a tolerancia e o respecto mutuo entre persoas, sexa cal sexa a súa procedencia e a súa forma de pensar. Somos defensores da paz e o entendemento entre as persoas! E para demostralo bailamos no patio o Baile da Paz de Mamá Cabra.  Esta é a danza da esperanza, danza capaz de sementar paz...

 

 

 

CHARLAS PRIMEIROS AUXILIOS

Hoxe tivo lugar a segunda das charlas de primeiros auxilios no colexio, promovida pola ANPA e impartida por Protección Civil do concello de Oroso. Desenvolvéronse varias actuacións e técnicas para a atención urxente a un enfermo ou accidentado ou nunha situación de risco. Resultaron moi interesantes e valiosas. Dende o centro agradecemos á ANPA e a Protección Civil a organización destas charlas.

  

MURO DAS EMOCIÓNS

Hoxe comezamos no cole cun proxecto moi emocionante. Trátase da realización do "Muro das Emocións" dentro da liña Emociona-T do Contrato Programa CP-Innova. Comezamos coñecendo a apaixoada autora Clara Colorines, que nos leva ao mundo das cores, das formas e do noso estado de ánimo. Quedamos abraiados descubrindo a importancia das cores do noso entorno e de canto inflúen en nós e nas nosas emocións. Con este entusiasmo fixemos nós de artistas e levamos a cabo a nosa propia obra de arte chea de cores e formas. O proxecto rematará co pintado do muro exterior dianteiro do colexio con moitas cores e formas, para que cada mañá nos trasmitan enerxía positiva e entremos ao cole con ledicia e entusiasmo.