Neste curso, no P.D.I. traballamos as emocións ligadas á pandemia que estamos a  vivir. O grupo de 3º de Educación Primaria fixámonos nas emocións que parten do noso mundo interior reforzando a autoestima de cada quen, para traballar as relacións coas demais persoa e co mundo que nos rodea.

Traballamos a autoestima, a capacidade de empatía e a expresión emocional, actitudes positivas cara o mantemento da saúde, o autocontrol para xestionar emocións como a ira, a rabia ou o enfado.

Ademais, ao longo do 1º trimestre fixemos sesións de ioga e mindfullnes para traballar o coñecemento do propio corpo e a relaxación e fixemos meditacións a través de historias narradas cun fondo musical.

Fixemos actividades de lecturas, debates, manualidades ou debuxos e pechamos o noso traballo audiovisual cunha canción que recolle as emocións básicas como o medo, a alegría, a ira...

Neste curso, o P.D.I. do centro ten como tema central  “Laboratorio Sueiro, campaña de vacinacións contra o Covid...As emocións”. O grupo de 1º e 2 º de Educación Primaria vaise centrar na  tolerancia e no reforzo da autoestima,  mediante o conto “El cazo de Lorenzo”, da escritora Isabelle Carrier. Para así, traballar as relacións coas demais persoas e co mundo que nos rodea. Trátase de partir dos alumnos, do particular (coidar de min) ao máis global (coidar do meu entorno), permitindo así ao alumnado ampliar a súa visión sobre o que é o concepto global de saúde (prevención).

Un conto que contén unha gran lección de vida: todos, nalgún momento da nosa vida, podemos atoparnos ante dificultades que nos parezan insuperables pero, non por iso, hai que renderse nin agocharse nin avergonzarse.

Un conto ilustrado que nos fala da autoestima e da resiliencia, da importancia de converter unha adversidade nunha ocasión para aprender algo máis sobre nos mesmos, nun desafío para mellorarnos e saír máis fortes.

OBXECTIVOS

• Traballar e fomentar a autoestima, a capacidade de empatía e a expresión emocional nos alumnos.
• Traballar a tolerancia  como  valor( ser  diferente  os   demais pode  redundar nun      bo  futuro)
• Tolerar, respectar e definir o diferente.
• Aumentar o vocabulario a través do texto do conto.
• Desenvolver actitudes positivas cara o mantemento da saúde.
• Practicar mindfulness: aprender a xestionar emociones.

ACTIVIDADES REALIZADAS:

• Lemos o conto e visualizamos o  video.
• Preguntas de reflexión do conto:
• Que lle pasou a Lorenzo?
• Que ten Lorenzo agora que non teñen outros nenos ou nenas?
• Como ven as outras persoas ese cazo que sempre arrastra Lorenzo?
• Cita dous inconvenientes que ten Lorenzo por arrastrar ese cazo
• Axuda alguén a Lorenzo?
• Que ten tamén esa persoa que axuda a Lorenzo?
• Como axuda esa persoa a Lorenzo? Cita exemplos.
• Que pasa ao final con Lorenzo?
• Colorear algúns debuxos do conto.
• Facer con plastilina os personaxes.
• Fichas de comprensión do conto.
• Comprensión auditiva e visual do conto.
• Ordear as viñetas do conto.
• Unir o texto coa imaxe correspondente.
• Ordena as viñetas e explica o conto.
• Ficha sobre as cualidades positivas dos compañeiros.
• Crear o seu propio cazo e introducir as súas cualidades positivas e negativas (plastilina).
• Colorear o cazo e introducir frases coas cousas que lles custa facer.
• Creamos o noso propio Lorenzo e o seu cazo para que conten o conto.

Actividades de mindfulness como:

• Escoitar os sons do exterior da escola e do interior mentres estas cos ollos pechados.
• Tocar unha campá e pedirlle @s nen@s que escoiten atentamente o son e que levanten as mans cando non escoiten nada.
• Ofrecerlle unha peza de froita (uva pasa) e pedirlle que a describan cos 5 sentidos como se nunca viran unha cousa igual.
• Intentar recordar 5 cousas que vexas de camiño á escola, nun tramo de viaxe en coche, na visita a un museo ou nun simple paseo pola rúa.
• O parte meteorolóxico: Sentados comodamente, pechar os ollos e tomar un tempo para descubrir como se sinten nese momento ¿Que tempo está facendo por dentro?
• Dicirlle que observe si brilla o sol e se sente relaxado, ou se hai nubes e se está a punto de caer un chaparrón, ou quizais hai tormenta. Pedirlle que se observe de forma amable e curiosa o tempo que fai por dentro e indicarlle que é simplemente o que hai. Pode ser que noutro momento do día cambie, pero agora é como é, e así está ben. Os estados de ánimo cambian como cambia o tempo, pasan por si mesmos.
• Atentos e quietos como unha rá: A rá é un animaliño que pode dar grandes saltos pero tamén pode quedarse moi quieta, observando todo o que pasa o seu arredor pero sen reaccionar de inmediato, respirando con moita calma. A súa tripa ínchase cando entra o aire e se desincha cando sae o aire. Imos sentarnos e respiramos como unha rá, así, a rá non se cansa e non se deixa arrastrar por todos os plans interesantes que se lle pasan pola cabeza. Durante un ratiño imos estar quietos como a rá, notando como a barriga avúltase un pouco e despois afúndese outra vez.
• Meditacións guiadas con audios.

O longo deste curso co alumnado de Educación Infantil traballamos as emocións a partir do conto “Los tentáculos de Blef”.

Traballamos as seguintes emocións :

• Alegría
• Amor
• Medo
• Tristeza

Quedounos sen traballar a rabia por falta de tempo.

Partimos da lectura dos distintos contos da colección, para cada emoción un conto, facendo actividades relacionadas co conto e outras sen ser do conto pero relacionadas con dita emoción.

Primeiro recoñeceron , debuxaron e modelaron con plastilina emoticonas con distintas emocións a través de contos relacionados    “Quen fai sorrir a princesa”, “Mi abrazo preferido”, “Los miedos del capitán Cacurcias”, “Lágrimas bajo la cama”.

• Debuxaron a Blef pintando os tentáculos con distintas cores para cada emoción.
• Conversamos cos  nenos e nenas sobre  cousas que lles daban medo .
• Elaboraron unha caixa máxica onde meteron debuxos e frases relacionadas cos medos que tiña cada un.
• Debuxarse coa persoa ou persoas que máis queren despois de contarlles o conto “De que color son los besos”.
• Debuxaron e escribiron palabras cariñosas as persoas que non puideron visitar durante a pandemia.
• Escoitamos distintas audicións coas que bailaban libremente
• Construímos un cubo cos debuxos  en cada cara das distintas emocións de Blef.
• Xogaron co cubo e expresaron a emoción que lles saía a cada un ao tirar o cubo a o aire.
• Diálogo sobre cousas ou situacións que lles poñían tristes  e outras coas que se Poñían contentos.
• Fixeron tamén debuxos sobre estas situacións.
• Foi tamén moi divertido o xogo de “Memori emocións” que tamén serviu como exercicio para traballar a memoria.

Quedounos sen elaborar o disfrace do entroido porque este ano polo COVID non o puidemos celebrar.

Por último fixeron un xogo de tres en raia cun taboleiro co debuxo de Blef e fichas con emoticonas das emocións feitas con masa de modelar.

Durante este curso, 2020-2021, o Sueiriño X encheo o cole de valores exenciais nas nosas vidas, co proxecto titulado:"LABORATORIO SUEIRO: CAMPAÑA DE VACINACIÓN CONTRA A COVID... EMOCIÓNS” fundamentado na liña de traballo proposta desde Bibliotecas escolares “ XEOGRAFÍAS LECTORAS NA BIBLIOTECA ESCOLAR”, facilitando así a construción da persoa lectora a través das distintas actividades que se programaron e dos recursos que puxemos a disposición da comunidade educativa

A nosa proposta presentou un proxecto cooperativo de todo o centro, que partindo da biblioteca, implicou ao alumnado por áreas, cursos, etapas, a todos os membros do claustro, e involucrou a todos os membros da comunidade educativa.

Os principais traballos realizados, ao longo deste curso, foron os seguintes:

As emocións e as cores	O cazo de Lorenzo
O cazo de Lorenzo	Igualdade e traballo en equipo...
O Bingo Xiringa	Os teus superpoderes están...
Tarxeta vermella á soidade	Kick out Loneliness
Xestionando emocións	Emociónate coa música
PDI DE ÁREA
Golden rules are the way:...	Se fora fácil, lerían outros

Na última semana do mes de abril o alumnado de Ed. Infantil dedicouse a preparar unn regalo sorpresa para as súas nais., consistente na realización dunnn xogo de tres en liña coa imaxe de Blef, unha das figuras que empregamos na aula para traballar as emocións no PDI de Ed. Infantil.

O alumnado de 3º de Ed. primaria cantoulle as emocións no desenvolvemento do proxecto de competencia emocional que están a traballar, que axuda a formar persoas máis saudables, capaces de afrontar os seus problemas por si mesmos (é dicir, máis autónomos) e de analizar os acontecementos da súa vida.

Decidimos dar unha patada ben forte á SOIDADE, e facernos fortes no grupo, sentindo o apoio, lealdade e orgullo ben entendido de pertenza a un grupo, no noso caso á aula de 6º E.P. da nosa escola.

Tomando como referencia a fundación do Liverpool FC, aprendemos a historia do clube e os valores nos que se fundamenta.

Mighty Red foi o guía no noso camiñar cara a igualdade, inclusión e diversidade. Aprendeunos que a nosa forza está na unidade e o esforzo, e que, co apoio de todos/as nós, ninguén se sentirá so ou soa.

Somos os mellores supporters da grada KOPT. Non hai KOPITE mellor ca nós cando se trata de axudar e acompañar a quen se sinta apartado dalgún xeito.

Porque como di o seu himno,

AT CEIP MANUEL SUEIRO,
YOU’LL NEVER WALK ALONE!

O alumnado de 3º de Ed. Primaria realizou ao longo do mes de abril un proxecto documental sobre a Prehistoria.

Unha vez finalizado o PDI expuxeron na biblioteca os materiais elaborados e, por grupos, explicaron ao resto de compañeiros do cole todas as aprendizaxes adquiridas.

Os/as nosos SUPERHEROES non se conforman con coidar o seu GARDEN no cole. Agora deciden dar un chimpo e plantarse, nunca mellor dito, no CIFP Portovello coas súas tools e vegetables para facer a plantación da spring.

En autumn plantamos e recollemos carrots, en winter plantamos Spanish onions ás que aínda lles queda un pouco para poder recollelas. E agora, en spring, no CIFP Portovello, plantamos tomatoes, lettuce, carrots e chives. Cando recollamos todo, disfrutaremos dunha HEALTHY SALAD.

Moitísimas GRAZAS á comunidade educativa do CIFP Portovello por deixarnos un recunchiño do seu garden e ao profesorado por axudarnos na plantación dos nosos produtos.

Somos os SUPERHEROES, os heroes da saúde, e na nosa teima por coidar a nosa saúde, insistimos na importancia dunha dieta saudable para unha mellora da nosa saúde xeral.

Non esquezades o dito: ONE APPLE A DAY, KEEP THE DOCTOR AWAY!

Uníndonos á programación do P.D.I do CEIP Manuel Sueiro, neste curso escolar 2020-2021 os alumnos e alumnas de Relixión Evanxélica e de Relixión Católica, traballaron as emocións, conxuntamente, ao longo do segundo trimestre.

Aproveitando o Día Internacional da Muller, comezaron realizando un debuxo dunha muller importante nas súas vidas reflectindo tanto a alegría como a importancia da amizade, o amor, a protección e reflexionando sobre o gran esforzo e traballo que realizan esas mulleres tan importantes na súa traxectoria vital.

Con motivo da celebración do Día do Pai, seguiron cunha manualidade para felicitar aos seus familiares. Traballamos as emocións da alegría e do amor, pero tamén a tristeza dalgúns alumnos e alumnas que non teñen aos seus pais preto por diferentes razóns.

Por último, coincidindo cunha data importante para os cristiáns como é a Semana Santa, e seguindo o relato Bíblico da morte e resurrección de Cristo, mediante a visualización dun vídeo analizamos as emocións da amizade cando os discípulos acompañan a Xesús no xardín de Getsemaní, o medo e ira no arresto de Xesús e, ao final do relato, a alegría da resurrección de Xesús e como se mostra o amor de Deus cara aos homes nestes sucesos. Para iso, ao finalizar o vídeo se lle repartiu unha fotocopia con diversas preguntas sobre o mesmo, e ao final desas preguntas, tiña noutras relacionadas cos sentimentos e emocións que espertaron neles o que viviu Xesús ao longo desa semana, algo que puideron expresar tanto de maneira escrita como de maneira oral ao resto dos seus compañeiros e compañeiras.

Foi un trimestre cheo de emocións, de achegamento e coñecemento duns a outros, tanto para o alumnado coma para os mestres, así como de tentar aprender a xestionar as emocións que nos afectan en todos os ámbitos da nosa vida cotiá.