PDI

Obradoiro de teatro

Obradoiro de teatro

Durante o curso 16-17, o PDI do centro tivo como lema: “O Sueiro: onde a lectura é arte”. Os alumnos e alumnas de cuarto traballaron nun obradoiro de Teatro.

Adquiriron vocabulario relativo ao teatro, utilizaron a linguaxe corporal e oral para comunicarse, favoreceuse a relación grupal apoiándose os uns aos outros, exercitaron a memoria na aprendizaxe dos textos, utilizaron a expresión corporal (xestos, ton, voz,…) de xeito magnífico e sobre todo disfrutaron e fixeron disfrutar aos que viron as súas representacións:

  • A primeira que fixeron coincidiu co día da biblioteca, onde representaron un guiñol titulado: “La aventura de los molinos”.
  • O 20 de decembro, na celebración do festival de nadal, representaron a obra: “Comerei dous”. Dita obra obtivo bastante éxito e acordouse levala ao encontro de teatro de Bande.
  • O día 27 de xaneiro participaron no día da paz, homenaxeando a Gloria Fuertes cun dos seus poemas: “Poema ao non”.
  • O último venres de febreiro, participaron no desfile do Entroido disfrazados de “O teatro do soños”.
  • O 27 de marzo celebrouse  o Día do teatro e representaron: “Frases de nais”.
  • O 28 de abril, conmemorando o Día do libro, representaron unhas “Regueifas”.
  • Por último, o día 16 de maio, representaron de novo en Bande a obra: “Comerei dous”.

 

Vincent Van Gogh

Os nenos e nenas de cuarto e quinto de Educación Infantil fixeron un proxecto sobre Vincent Van Gogh, facendo actividades ao longo de todo o curso. Resultou  moi bonito e con  moito colorido adaptándose moi  ben a  súa idade e os dous niveis da aula.

  • No primeiro trimestre  falamos de quen era este pintor, vimos láminas e coñecemos un pouco da súa vida e obra consultando un libro da biblioteca “Me llamo Vinent Van Gogh” de editorial Parramón.
  • Decoramos a porta da clase cun mural feito con retratos de Vincent Van Gogh e estampados de flores de cor azul inspirado no cadro dos lirios, resultando moi vistoso no que colaboraron todos estampando cada un varias flores.
  • Sobre un retrato ampliado do pintor eles punteárono con rotuladores de distintos cores quedando moi vistoso.
  • No segundo trimestre axudaron a confeccionar o disfrace  de Xirasol  inspirado no cadro dos xirasoles de Van Gogh. Os nenos e nenas colaboraron recortando os pétalos, pegando..etc 
  • No terceiro trimestre estamparon, cada neno/a, sobre a súa cartolina flores azuis para facer unha composición inspirada no cadro "Los lirios".
  • Por último envolveron o regalo do día da nai cun lirio estampado no papel de regalo.

 

Escultura ao longo da historia

O alumnado de 6º de Ed. Primaria, en equipo de dous, realizou unha investigación sobre a escultura ao longo do tempo.

Para reflectir as súas pescudas empregaron Google presentacións o que lles permitiu traballar na bilbioteca e nas súas casas de forma colaborativa.

Unha vez rematado o seu traballo, presentaron de xeito maxistral, na biblioteca do cole, todas as diapositivas realizadas.

Parabéns polo traballo realizado!!

Preme na imaxe para ver a presentación

Galería de imaxes

 

Un viaggio a colori

O 10 maio foi a data que escollemos para presentar todos os nosos traballos en relación a Italia e como colofón ao noso proxecto de biblioteca deste ano : "O Sueiro onde a lectura é arte".

Para tal ocasión, estaba previsto que o Cónsul de Italia, Sr Francesco Milani, presidise o acto, pero, por motivos de saúde, non foi posible a súa asistencia ao mesmo.

O programa de actuacións foi o seguinte:

  • Traballo realizado polo alumnado de 3º curso de Ed. Primaria sobre a Ópera, centrándose na obra de Donizetti "L'Elisir de amore".
  • Os nenos e nenas de 2º de Ed. Primaria, coa colaboración  dalgúns extras de 3º, representaron o conto de Carlo Lorenzini: "Pinocho".
  • O alumnado de Relixión expuxo o seu traballo sobre a Capilla Sixtina.
  • Os máis pequenos do cole desprazáronse ata a cidade das canles: "Venezia" para coñecer o seu Entroido.
  • O alumnado de 6º de Ed. Infantil viaxou ata Vinci para para pescudar sobre a "Mona Lisa" e o seu autor, Leonardo.
  • E para rematar, os compañeiros de 1º, 2º e 3º de Ed. Primaria presentáronnos o "Viaggio a colori" que lles tocou vivir en Siena coa interpretación da canción "Io sono un bambino".

GALERÍA DE IMAXES

Exposición filatélica: "Coñecemos a Ópera"

O alumnado de 3º de Ed. Primaria realizou, ao longo deste curso, un obradoiro de filatelia en relación ao proxecto documental integrado que están a desenvolver "Coñecemos a ópera", como xa fixeran o ano pasado co "Camiño de Inverno a Santiago".

O traballo realizado consta de 16 láminas, baixo o título de "Opera", nas que reflicten como esta arte está presente na filatelia española e mundial. Esta compilación de selos representará ao noso colexio na Exposición Nacional de Filatelia Juvenil "JUVENIA", que este ano se celebrará na cidade asturiana de Avilés durante o mes de maio.

Parabéns polo traballo.

 

Pescudando sobre Leonardo da Vinci

O alumnado de 6º de Ed.Infantil estivo pescudando, ao longo deste curso, sobre a vida e obra de Leonardo da Vinci para contribuir ao traballo desenvolvido no PDI "O Sueiro, onde a lectura é arte".

O "Home de Vitruvio" e a "Mona Lisa" foron as obras nas que centraron maior esforzo, e foron quen de trasladar a súa clase en máis de 500 anos no tempo.

Foi un traballo moi motivador para todo o alumnado. Cando empezamos pareceunos un pouco serio o traballo, pero a medida que avanzamos vimos que cada vez o alumnado se sentía máis motivado. O que máis lles gustou foi facer o cadro de Mona Lisa, da que aprenderon moito...en que museo está, porque foi pintada, como fora roubada...

Outra cousa que lles chamou a atención é que o Home de Vitruvio aparecese nas moedas de euro italianas. Buscamos en internet distintos euros para poder comparar.

Na galería de imaxes podemos observar parte do traballo realizado...

PARABÉNS!!

GALERÍA DE IMAXES

Siena, riding colours

O alumnado de 1º., 2º e 3º de Ed. primaria está desenvolvendo un PDI centrado na ciudade italiana de Siena.

Unha viaxe polas cores das "contradas" de Il Palio, na cidade de Siena, levounos a coñecer unha parte da arquitectura da Piazza del Campo, coa Torre del Mangia e a Fonte Gaia. Tamén soubemos da historia da súa fundación como cidade da man de Senius. Situámola en Tuscany, Italy, en Europe e a súa relación con Spain e the UK.

O proxecto enmarcado nas seccións bilingües da área de plástica, ampliou as linguas nas que se desenvolve o proxecto, galego, castelán e inglés, para coñecer algunhas palabras de italiano. Deste xeito, foron quen de presentar as súas "contradas", cantar unha canción, Io sono un bambino e recitar un pequeno poema sobre a chuvia, La Pioggia  para conmemorar o día da poesía.

E non podíamos rematar o noso proxecto sen disfrutar dun postre tradicional da Toscana, os Cantuccini.

Foi un traballo cooperativo no que todos os nenos e nenas participaron no proceso de creación, desenvolvemento e interese por mostrar o seu traballo aos demais compañeiros da escola.

Bravo bambini !!!

Siena, riding colours.

La Pioggia.

GALERÍA DE IMAXES

 

 

Día da árbore

Ao longo da semana do 20 ao 24 de marzo o alumnado de 2º, 3º e 6º de Ed. Primaria participou na III Semana Escolar da Árbore e da Auga que promoveu a Deputación de Ourense.

Durante toda a semana, na hora de ler, traballamos o conto de "O amor eterno de Rozabales" e realizamos tres murais sobre a árbore e o conto, onde o protagonistas foron os castiñeiros.

O último día, o alumnado participou na plantación dun castiñeiro, no patio do cole, ao que bautizamos co nome de "Croqueiro" despois dunha axustada victoria entre máis dunha ducia de nomes candidatos.

Para rematar, entonamos o Himno de Ourense de Manuel de Dios.

 Himno de Ourense

Obradoiro de plástica con Baldomero Moreiras

Este ano, en sexto de Ed. primaria, estamos a desenvolver un proxecto documental titulado “Da man de Baldomero, pintura e escultura imos coñecer”. Con este traballo estudaremos distintos materiais e técnicas plásticas, así como estilos pictóricos e escultóricos.

A principios de febreiro, realizamos un obradoiro de plástica, dirixido polo prestixioso pintor ourensán Baldomero Moreiras. Con el realizamos un collage de pombas zurita e polipava.

No mes de marzo volverá a ensinarnos máis cousas

Asemade, aproveitamos para facerlle esta entrevista. .

ENTREVISTA BALDOMERO MOREIRAS


P. Cando comenzaches a pintar?
R. De neno , na escola, o mestre dábame xices  de cores e pintaba e debuxaba no encerado  de cor negro que tiñamos en clase.

P. Inspíraste sempre en algo concreto?
R. Si sobre todo en Galicia, a natureza, os animais, os cabalos…

P. De non ser pintor. Que serías?
R. Pois... pintor.

P. Por que fixeches as bolas de neve?
R. Porque son dun personaxe sacado do libro de Merlín e familia de Álvaro Cunqueiro

P. Que opinas de que na escola aprendamos cousas con cadros de pintores famosos?
R. Paréceme moi ben, é unha idea estupenda.

P. Das bolas de neve que fixemos nós, cal che gusta máis?
R. A que máis me gusta e a das pombas  da Paz.

P. Paréceche tempo suficiente unha sesión de plástica á semana en Ed. Primaria?
R. Coido que deberiades ter polo menos tres horas semanais, pois a pintura e o debuxo son cousas moi boas.

 

Premiados polo Ministerio de Agricultura

O profesorado do CEIP Manuel Sueiro, grazas á colaboración do alumnado de 6º curso de Ed. Primaria, vén de obter o recoñecemento polo traballo realizado "Aventúrate en el paraiso", dentro do PDI da biblioteca "Galicia arrecende a aventura" do curso pasado, ao ser os gañadores do concurso "100 años de Parque Nacionales, conservando la naturaleza juntos".

Relación de gañadores nas distintas modalidades:

 Ligazón á nova na web do Ministerio de Agricultura:

 

Distribuir contido