O alumnado de 4º de Ed. Infantil comprobou de forma experimental unha das propiedades físicas da auga: a capilaridade, grazas á cal a auga móvese por pequenas canles. Este experimento científico axúdalles a comprender moito mellor este concepto e tamén nos serviu para explicar como se forman as cores secundarias (neste caso violeta, laranxa e verde).

Os materiais que empregaron foron os seguintes son: vasos con auga, vasos baleiros, colorante alimentario vermello, amarelo e azul e papel de cociña.

Pasárono xenial sentíndose científicos!!

Ao longo da última semana de marzo celebramos no cole a semana da ciencia que organizou o EDL do centro en colaboración co equipo de biblioteca. Os experimentos son un recurso marabilloso para que os nenos e nenas aprendan xogando, se sorprendan, descubran, teñan curiosidade, pensen, usen o razoamento, sigan investigando, sirvan de base para futuros coñecementos químicos... Son super!,,, ao tempo que promovemos e facilitamos o uso da palabra a través do diálogo, a reflexión, o debate, a exposición, a lectura en voz alta. Estas propostas son oportunidade para que o alumnado "tome a palabra" e avance no dominio da linguaxe e da lingua que lle é propia.

Nas seguintes ligazóns podedes observar parte dos traballos realizados nas aulas:

Ao longo da semana da ciencia na aula de apoio realizamos diversos experimentos:

Con este sinxelo experimento conseguimos romper a tensión superficial. Que é a tensión superficial? É unha propiedade da auga que fai que as moléculas da superficie se xunten para formar unha "pel" que axuda a que determinados obxectos floten sobre ela.

O leite que contén graxa garante que os colorantes non se disolvan e permanezan concentrados.

O efecto prodúcese cando o xabón entra en contacto co leite, rompendo así a tensión superficial e separando rapidamente as cores e disolvéndoas. Por unha banda, o xabón é un repelente de graxas e, por outra, disólvese en auga, xa que os colorantes adoitan conter graxas animais, repelea unha e outra vez.

O alumnado de 3º comprobou de forma experimental como é o funcionamento dos pulmóns.

Galería de imaxes do experimento

Realizamos o lapbook sobre o experimento para a exposición da biblioteca

O 15 de marzo, o alumnado de 5º e 6º de Educación Primaria, chegou a  praza do Trigo, situada enfronte da Catedral de Ourense, para realizar a actividade que leva por título “O segredo dos franciscanos”.

A actividade comenzou cunha visita inesperada, na que Xoana a lavandeira, contounos que estaba a punto de casar con Manolo, o carniceiro, o cal tiña a súa tenda na rúa Dos Fornos, pero precisaba arranxar co franciscano para casar. Ao pouco apareceu o franciscano Frei Xan o Farrapeiro o arquiveiro do convento dos Franciscanos.

Frei Xan e Xoana conducíronnos a través das diferentes lugares da cidade na que tiveron influencia os franciscanos como son a Praza do Correxidor e a actual Praza da Estrela para rematar chegando ao actual arquivo histórico antigo convento franciscano.

A ultima das actividades consistiu nunha busca do tesouro na que os capiteis e as columnas do claustro de San Francisco foron o eixo central.

O 10 de marzo tivemos a inmensa honra de falar cos membros da XXXV Campaña Antártica en Illa Decepción nunha videoconferencia na Subdelegación de Defensa.

Tivemos contacto directo coas mulleres e homes da Base Gabriel de Castilla que desenvolven un labor inmenso a prol do medio ambiente nas persoas do Brigada Ferrer da área de comunicacións da Base e da científica Rosa Martín responsable da vixilancia sísmica.

Amosáronnos o seu lugar de traballo e onde viven, responderon amablemente ás nosas preguntas e agasallámolos do mellor xeito que sabemos os nenos e nenas de 3º E.P.: Recitando unha poesía adicada a eles e elas e cantando unha versión moi nosa da canción “Héroes de la Antártida”.

A visita é a continuación do proxecto iniciado o curso anterior “SI FUERA FÁCIL, LEERÍAN OTROS”, no que coñecemos e puxemos en valor o traballo alí desenvolvido. O curso pasado, por mor do proxecto, apadriñamos un pingüino, o SUEIRIÑO, e este curso apadriñamos un máis, a SUEIRIÑA. Co apadriñamento deixamos constancia do noso compromiso a prol do coidado do medio ambiente.

Agradecemos ao Coronel Xefe da Delegación de Defensa da provincia de Ourense Sr.  D. Gustavo Doncel o seu recibimento, xestión e atención para que esta videoconferencia fora posible, así como aos demais membros da Subdelegación de Defensa que tan amablemente nos recibiron.

“DO SUEIRO A DECEPCIÓN”

Ao longo da semana do Día da Muller realizamos no cole diversas actividades educativas que buscaban pór de manifesto a loita das mulleres pola igualdade e o recoñecemento e exercicio efectivo dos seus dereitos na busca dunha igualdade real.

O equipo de biblioteca realizou unha exposición de fondos que abordaban dalgún xeito esta temática. Asemade, organizouse a elaboración dun gran cartaz no que a comunidade educativa fixo unha homenaxe ás mulleres máis importantes na súa vida, aportando carteis cos seus nomes e imaxes desas mulleres. O resultado podédelo ver na galería de imaxes, na presentación de máis abaixo e na imaxe do cartaz.

O alumnado, tamén reflexionou sobre as mulleres máis importantes da súa vida e a maioría coincidiu e que foi a na súa nai. As nenas e nenos de 2º de E.P, para facerlle un pequeno agasallo, fixeron un banderín debuxando o retrato delas e escribíndolle algo que lle saíra do corazón. Na hora de ler, escolleron o conto ¡Vivan as uñas de cores! Unha historia real que serviu de inspiración ás escritoras e unha bandeira literaria para falar de igualdade.

Preme aquí para ver a pantalla completa

A nosa pinga pirata xa viaxa no seu barco cara a aqueles lugares nos que a falla de auga potable non deixa espazo para unha vida digna.

Todos aqueles que quixeron, nenos e nenas, mestres e mestras, mestras en prácticas, auxiliar de conversa, coidadoras, conserxe, ..., todos nós demos forma ao libro “A PINGA SUEIRIÑA”, plasmando os nosos pensamentos e mellores desexos para acadar un mundo máis xusto e sostible.

En galego, castelán, inglés e francés, A Pinga Sueriña transporta ese valioso tesouro que é a AUGA.

O libro físico, elaborado por todos e todas nós, xa vai cara ao Comité UNICEF en Galicia. Este non é o fin do proxecto que iniciamos coa exposición “AGUA, CADA GOTA UN TESORO”, facilitada por UNICEF, e seguemos coa conmemoración do día internacional contra o cambio climático. É o rumbo que leva o noso barco pirata coa Pinga Sueiriña ao seu timón.

QUE OS VENTOS NOS SEXAN PROPICIOS!

PREME PARA VER O LIBRO A TODA PÁXINA

Se seguistes as nosas andanzas o curso pasado, as messages in the bottles que enviamos ao mundo chegaron moi lonxe. E como o sabemos? Porque recibimos resposta.

Unha resposta que chegou desde MOLOKA, “The friendly island”. E ben lonxe que está, en HAWAII!

Desde alí, NEHELE e KAILANI escribíronnos unhas mensaxes que nos encheron de ledicia. Tamén enviaron uns libros para coñecer mellor o arquipélago de HAWAII, e uns bonecos que practican o seu deporte favorito, SURF.

Pois xa temos o noso proxecto en camiño. Non perdades a nosa estela no mar.

O 15 de outubro conmemoramos o Día Mundial da Alimentación 2021, que tamén coincide co Día Mundial do Pan, celebración promovida pola Organización das Nacións Unidas para a Alimentación e a Agricultura (FAO), co claro obxectivo de reducir a fame no mundo, un propósito tamén buscado pola Axenda 2030 dos Obxectivos de Desenvolvemento Sostible (ODS) co seu obxectivo de "fame cero".

O obxectivo do Día Mundial do Pan é dedicar un día a un dos alimentos máis tradicionais do mundo, así como dar a coñecer o seu valor nutricional e a súa importancia na dieta diaria dos seres humanos.

O pan que coñecemos hoxe remóntase ás culturas máis antigas que habitaron a Terra. Dende os tempos antigos este alimento elaborábase con fariña de trigo, aínda que existe unha gran variedade de pans elaborados con diferentes cereais como o millo, o centeo ou a espelta. De todos eles tivemos a oportunidade de degustar en todas as aulas do cole como actividade final á realización das unidades didácticas que elaborou o EDL sobre un dos pans máis famosos e mellores do noso país, como é o pan de Cea.

Unidades didácticas sobre o Pan elaboradas polo ED e equipo de biblioteca do noso centro para traballar no Día da alimentación:

•  Unidade didácticas sobre o pan de Cea. (Para modificar)
• Unidade didáctica sobre a elaboración do pan. (Para modificar)
• Unidade didáctica para Ed. Infantil. (Para modificar)