"Precisabamos animar ao sol a saír. Precisabamos animar á choiva a saír. Eu pensei que chorando... Mais era preciso cantar como ela o facía..."

LOIS PEREIRO
1958-1996

Se queres máis información sobre a vida e obra de Lois Pereiro clicade aquí e se a queres escoitar, clica aquí.

Tamén podedes ver a exposición ou interactuar co traballo elaborado polo Seminario de Galán

Blog sobre Lois Pereiro da biblioteca do CPI San Vicente

Por fin chegou o magosto, un clásico nas nosas celebracións. Promovido polo Equipo de Dinamización da Língua Galega do colexio e respaldado por todos, conseguimos ano tras ano poñer en escena unha das tradicións máis antigas do noso territorio. Unha vez máis satisfeitos pola resposta de toda a comunidade educativa, tanto pola asistencia como pola participación activa: castañas, leña, recipientes decorados ata o último detalle, etc. Botádelle unha ollada as fotografías clicando na imaxe.

, Aquí temos O Magosto, que viva a festa rachada,  os rapaces desta escola, faremos, o día 12, a castañada

O venres, 12 de novembro, celebraremos unha das festas máis tradicionais de Galicia: O MAGOSTO. Empezaremos asando as castañas no lume, ben asadiñas, para comelas quentiñas. Ás 12,30h reuniremos para facer a foliada.  Ah!!!, que ninguén se esqueza de traer:unha manchea de castañas picadas,unha pouca de leña e un cartón baldeiro de leite, zume... para botar as mondas.

Din os vellos que na fogueira do Magosto non se pode cuspir, nin botar casca de ovos. Tampouco se pode apagar de súpeto, hai que deixala morrer pouco a pouco, para que siga ardendo pola noite e poidan quentarse as “ánimas¨.

O día 2 de novembro celebramos a festa do Samaín. Foi, un ano máis, un éxito de participación e unha mostra máis de superación por parte de todos os participantes, alumnos e familias. Unha exposición que destacou pola orixinalidade das cabazas realizadas, e pola tarde, pola masiva afluencia de alumnos e o que resulta máis significativo e gratificante, acompañados de moitos familiares, o que indica un alto grado de implicación. E como non, agradecer as nais do ANPA e  a AVV IAR a súa especial colaboración.

Acceso ás fotografías 

Díptico elaborado polo EDLG 

O pasado venres 12 de febreiro celebramos o tradicional festival de entroido. Nesta ocasión o motivo serían os distintos paises do mundo, complementando o proxecto da biblioteca escolar "A volta o mundo en 365 libros".

Podedes ver unha mostra da celebración nos seguintes vídeos:

1º. Chinitos de Infantil

2º Mexicanos de primeiro

3º Indios americanos de segundo

4º. Hindúes de terceiro

5º. Árabes de cuarto

6º. Masais de quinto

7º. Hawaianos de sexto

Por útimo se queredes podedes Ver fotos da celebración