Como xa vos fomos contando, no mes de xaneiro sucederon unha chea de cousas na nosa aula:  celebramos o día da paz, experimentamos co bicarbonato, continuamos a traballar cos robots, celebramos os aniversarios do mes, cociñamos pratos de todo o mundo;  e tamén continuamos a  completar o dossier da investigación e preparar a nosa película sobre os Pokemon unha vez rematada a investigación (moi pronto teredes unha entrada explicando como vai este proceso)

Pero de forma paralela a todo isto, a vida na aula continuou coas nosas rutinas e traballos.

Coa chegada do novo ano tivemos que actualizar os nosos calendarios (en papel e online que podes ver no recanto de infantil) para que o encargado de cada día puidese facer un control de asistencia, do tempo que fai cada día, etc... Continuamos tamén coas asambleas diarias nas que compartimos experiencias.

A profe Yolanda continuou a vir á nosa aua unha vez á semana para presentarnos "xogos matemáticos".

Pasámolo xenial destruindo a árbore feita con tapóns polo Nadal. O profe levounos todos a unha ONG que os usarán para axudar a outra xente, tal como falaramos no seu momento.

Entre todos e todas, demos feito o traballo.

Gracias ós nosos carnet QR, continuamos a facer o encargado e a levar libros para casa cada venres.

Anotándoo no noso rexistro individual de préstamos, onde tamén pegamos a portada escribindo o número do libro na aplicación biblioteca online (que podes atopar no recanto de infntil). Cada vez nos resulta máis doado localizar e recoñecer os números de cada libro.

Tamén escribimos, segundo a etapa de desenvolemento lecto-escritor na que nos atopemos, o títuo do libro no rexistro, asi como o noso nome, no caso dos de menor idade.

Fixemos novas bandexas para a merenda, nesta ocasión con letras recortadas das revistas de difrentes tamaños.

Continaumos tamén a encher o noso dicionario xigante con novas palabras e imaxes (que sacamos da aplicación calendario que podes atopar no recanto de infantil).  Cada semana imos escollendo as nosas palabras favoritas que comezan por esa letra, para logo engadilas ó calendario xigante e finalmente no noso calendario individual.

Non te esquezas de visitar as outras entradas publicadas no blogue do recando de todo o que sucedeu este mes.

Tal como xa vos contamos en entradas anteriores, estivemos moi ocupados durante o mes de decembro coa chegada do Nadal:

- (2019-2020) Falamos con Santa Claus e participamos no festival de Nadal con dúas actuacións. Xa podes velas! 

- (2019-2020) Chega o Nadal: decoramos o corredor, cociñamos turrón e enviamos unhas postais ás nosas casas

Pero ademais de todo isto, na nosa aula, sucedeu o seguinte antes de rematar o ano.

Completamos o noso calendario online e os rexistros do encargado cada día, pero ademais fomos "comendo os chocolates" dos calendarios de Nadal que nos regalou a nosa compañeira YAIZA. Cada día tiñamos que buscar o número do día e ir descubrindo que chocolate tocaba.

Asistimos á unha representación teatral en Pontevedra:

A "Lúa e o grilo" encantounos e era moi divertida.

Rematada a obra de teatro, e tras unha merenda rápida, continuamos a visita cunhas actividades nun museo, sobre cadros de liñas, puntos e cores.

Completamos o noso boletín de autoavaliación "as novas a escola", onde contamos ás familias varias cousas das que sucederon na aula ó longo deste primeiro trimestre.

Continuamos a anotar os libros que levábamos para cada os venres na aplicación online da biblioteca, para poder conseguir a portada que usar no noso libro de rexistro xunto ó número, título e data.

Asistimos a un contacontos ideado e levado a cabo polas compañeiras e os compañeiros de sexto de primaria, na biblioteca do centro. Foi moi divertido.

Tal como xa vos contamos en entradas anteriores, despois de todo o que fixemos coa chegada do Nadal, e coa nosa participación no Festival de Nadal remata este primeiro trimestre.

Vémonos o ano que ven, non sen antes desexarvos a todos e a todas un BO NADAL e FELIZ ANO 202O.

Ó longo deste mes de novembro, ademais de celebrar o Magosto, continuar co proxecto de investigación sobre os Pokemon, traballar cos nosos robots, levar a cabo experimentos científicos e continuar a descubrir os diferentes sabores do mundo; tamén sucedu todo isto na nosa aula.

Os novos compañeiros e compañeiras xa levan a cabo as rutinas do encargado con total autonomía, sobre todo usando o calendario online.

As nosas tartarugas continúan medrando grazas ós nosos coidados.

Descubrimos todo o que esconden os libros da nosa biblioteca de aula, que levamos tamén para casa un día a semana anotándoo usando a aplicación online na que, escribindo o número do libro, podemos imprimir a súa portada usando noso carnet QR. 

Exploramos a nosa creatividade coa témpera.

Participamos no vídeo creado polo Concello de Campo Lameiro, polo día da "loita contra o violencia de xénero", e asistimos á súa presentación nun ácto público no Concello.

Contribuímos depositando os nosos restos orgánicos, das merendas, no composteiro do colexio.

Continúamos a engadir as nosas palabras favoritas nun novo Diccionario Xigante.

Xogamos pensar con imaxes ocultas e vídeos, participando en diálogos que fan que desenvolvamos os nosos pilares de pensamento.

Coa profe Yolanda seguimos a descubrir aspectos de lóxica matemática. 

Lembra que podes ver todo o que sucedeu neste mes, ademais do que xa contamos aquí, nas diferentes entradas publicadas neste blogue de infantil 2. 

Como xa vos contamos en entradas anteriores, en Infantil 2, estamos metidos nunha investigación sobre os Pokemons para, unha vez rematada crear un museo e rodar unha películas de animación.

Podes ver os pasos anteriores nas seguintes entradas:

18/10/19: (2019-2020) Eleximos investigar sobre os Pokemon, para crear unha película de animación con Stop-motion.

09/11/19: (2019-2020) Atopamos as primeiras respostas na nosa investigación sobre os Pokemon. 

Entre as preguntas que aínda nos quedaban por respostar esta saber "COMO SE CHAMABAN". Nesta ocasión traballamos todos xuntos e xuntas para ir buscando os nomes dos pokemons, que tiñamos entre a información aportada polas familias.

Coa axuda dun dos vídeos que había no noso recanto da investigación (nesta mesma web no recanto de Infantil), fomos escribindo no mural o nome de cada un dos Pokemons.

Deste xeito fomos completando o mural con todos eles.

Eso si, como algúns non aparecían no vídeo tivemos que buscalos tamén no libro que tiñamos entre a nosa información. 

Pero finalmente demos atopado o nome de todos eles.

Así quedou o noso mural unha vez atopada a resposta a esta pregunta. 

Para respostar á pregunta de QUE ANIMAIS ERAN, optamos por traballar en equipos cooperativos xa que eran moitísimos Pokemons para completar. Para elo o primeiro era acordar quen asumiría cada rol dentro do de cada un dos equipos.

Coa axuda dunhas tablets, onde estaban as fotografías de moitos animais, cada equipo foi localizando aqueles que lles corresponderan, entre a lista de Pokemos que tiñamos no mural.

Unha vez localizado o animal, recortámolo e pegámolo ó lado de cada un dos Pokemons no mural.

Días despois, para rematar a investigación tan só restaban tres preguntas, que decidimos investigar por equipos.

Descubrimos QUE PODERES TIÑAN, QUE ERAN OS CENTRO POKEMON e COMO EVOLUCIONAN.

Plasmando as respostas no mural da investigación que, deste xeito, quedou completo.

Así quedaron as respostas no mural da investigación. 

E deste xeito o mural da investigación unha vez atopadas tódalas respostas. 

Tan só quedaba que cada un dos equipos explicase ó resto de compañeiros e compañeiras, cal fora a resposta que atoparon á pregunta que lle correspondeu.

Rematada a investigación aínda nos queda por elaborar cadanseu dossier persoal e, por suposto comezar a deseñar e planificar a película, na que plasmar todo o que fomos descubrindo.

Como sempre poderedes estar ó tanto neste mesmo blogue en diferentes entradas.

Nas aulas de Educación Infantil levamos a cabo, cada mes, un experimento científico e creamos un vídeo explicándoo.

Nesta ocasión empregaríamos platos, M&Ms e auga. Que poderíamos facer? Que sucedería?. Fomos plantexando as nosas hipóteses imaxinando posibles alternativas.

O primeiro foi separalos por cores e facer un círculo con eles. Logo cando botas auga no centro van aparecendo diferentes cores.

Debatimos un anaco para plantexar teorías de porque sucedía isto, e descubrimos que a parte de abaixo dos M&Ms "se borraba" e pintaba a auga desa cor.

Cada un dos equipos foi reproducindo, de forma acordada e coa participación de todos e todas, os diferentes pasos do experimento.

Tódolos equipos acadaron o resultado esperado

Chegaba agora o momento de facer o vídeo, entre todos acodamos que equipo se encargaría nesta ocasión, que diría cada quen e visualizamos un vídeo un experimento do curso pasado, para explicarllo ós compañeiros e compañeiras de tres anos. 

Unha vez creado o panel dos materiais, que logo empregaríamos no vídeo xa estaba todo listo para comezar a rodaxe. 

Así quedou o vídeo unha vez rematado.

Comezamos a completar o noso caderno de campo dos experimentos, onde anotamos o nome do mesmo, os materiais que precisamos para levalo a cabo e pegamos unha fotografía do noso equipo co resultado final.

Xa vos contaremos en futuras entradas moitos máis experimentos que levaremos a cabo. 

Como xa vos contamos en entradas anteriores, en Infantil 2, estamos metidos nunha investigación sobre os Pokemons para, unha vez rematada crear un museo e rodar unha películas de animación.

Podes ver os pasos anteriores nas seguintes entradas:

18/10/19: (2019-2020) Eleximos investigar sobre os Pokemon, para crear unha película de animación con Stop-motion

Despois de ir organizando toda a información que atopamos sobre os Pokemon, chegou o momento de dar comezo á nosa investigación.

Acordamos que a primeira resposta que deberíamos atopar era á pregunta "QUEN OS INVENTOU?", para o que atopamos un vídeo no noso recanto da investigación da web.

Tivemos que escoitalo varias veces, parándoo para "atopar" entre toda a información a resposta que estabamos a buscar.

Así o plasmamos no mural quen os inventou, que o fixo porque os insectos desapareceran no Xapón (pola contaminación e urbanización), para que outros nenos puidedes xogar con eles como el facía de pequeno.

Días despois, decidimos continuar coa nosa investigación, pero nesta ocasión traballando nos equipos cooperativos, de xeito que cada un deles investigase unha das preguntas do mural, para logo intercambiarnos a información.

Cara un dos equipos, antes de comezar, acordou as funcións de cada membro dentro del, anotándoo no seu caderno do equipo.

A medida que ían chegando a acordos, cada un dos equipos escollía cal das preguntas quería investigar, anotando o número da pregunta na táboa dos equipos do mural, para non repetir a mesma pregunta en dous equipos 

Así o equipo JUEGO CONEJITO, acordou investigar "COMO NACEN?", usando os vídeos que había no recanto online do recanto de infantil da web do colexio.

Despois de ver varios atoparon un que falaba do "nacemento dos pokemon", onde descubriron que nacían de OVOS.

Unha vez atopada da resposta acordaron como plasmalo, e onde, no mural da investigación, incluíndo algunha imaxe para  que quedase máis claro. Unha vez repartido o traballo puxéronse mans á obra. 

E así quedou plasmada resposta no mural.

Pola súa banda o equipo "TARTARUGA" optou por investigar "DE QUE CORES ERAN?",  para o que usando un gran libro de pokemons,  foron facendo marcas de cores nun folio a medida que saían Pokemons con diferentes cores. Como sempre respectaron a premisa de que todos os integrantes do equipo tiñan que facer algo.

Para poder plasmalo no mural, foron buscando no ordenador (coa axuda do profe) Pokemons de cada unha das cores que tiñan anotadas, imprimíndoos e escribindo o nome da cor ó lado de cada un deles.

No mural da investigación decidiron organizalos deste xeito.

No caso do equipo CAMALEÓN, que investigaron QUE COMEN?, optaron por bucear entre tódalas fotocopias e papeis que tiñamos, ata que atoparon un no que aparecían as comidas dos Pokemon. 

Pedíronlle ó profes que lles fora lendo o que poñían e, no ordenador, foron buscando cada unha delas, imprimíndoas e poñéndolle o nome para non esquecerse, porque eran moi raros nalgúns casos.

Para deixalo así representado no mural da investigación.

Rematada a investigación destas tres preguntas, chegou o momento de que cada equipo explicase ós demais os seus descubrimentos, porque eles non coñecían as respostas as outras preguntas.

Para o cal cada un dos equipos tivo que planificar como llo ía contar ós demais, acordando de que xeito todos poderían dicir algo.

Días despois, chegoulle ó turno a unha das preguntas á que máis discusións dera lugar ó comezo do proxecto. EXISTEN OS POKEMONS?

Agora xa sabíamos que alguén os inventara, pero aínda así os máis pequnos non tiñan clarose existían ou non, porque saían nos móbiles nos xogos "sobre a realidade".

Para aclararo atopamos un vídeo onde explicaba como se "debuxaba un pokemon" e temos debuxalo á vez. Tamén comprobamos como o que "aparecía no xogo do móbil" non estaba na realidade, incluso ó noso lado.

Así o plasmamos o mural da invesgación, incluíndo un código QR que leva ó vídeo de como se debuxan os Pokemon.

De momento o noso mural da investigación xa vai tendo varias preguntas, pero aínda quedan algunhas por descubrir, antes de poder comezar a preparar o noso museo e a crear a nosa película de animación.

Como sempre poderás seguir a evolución desta investigación en seguintes entradas deste mesmo blogue. 

Ó longo deste mes de outubro, ademais de celebrar o Samaín, iniciar o primeiro proxecto de investigación sobre os Pokemon, traballar cos nosos robots, visitar o PAAR e continuar a descubrir os diferentes sabores do mundo; tamén sucedu todo isto na nosa aula.

Asistimos a unha charla sobre compostaxe, do que por certo xa somos uns expertos.

Participamos na celebración do día internacional das bibliotecas, comentando como sería a nosa biblioteca escolar. 

Continúamos a engadir as nosas palabras favoritas nun novo Diccionario Xigante.

E por suposto, tamén completamos o noso dicionario individual. 

Tal como figuraba no noso calendario online, chegou o outono neste mes e exploramos a natureza no patio do centro, observando os cambios que se produciron.

Creamos, con materiais da natureza, e traballando en equipos cooperativos, uns Land-Art fantásticos.

Todas as composicións feitas con elementos atopados na natureza.

Xa de volta na aula creamos os nosos "cuadros" coas fotografías das nosas creacións.

Acordando e escribindo un título para cada unha delas.

Así de fantásticas están agora expostas no corredor.

Cada venres continuamos a levar un libro da biblioteca de aula, anotándoo usando a aplicación online na que, escribindo o número do libro, podemos imprimir a súa portada usando noso carnet QR. 

Usamos a portada para anotar o libro no rexistro individual de préstamo de libros. 

Xogamos a pensar descubrindo imaxes ocultas, a través de diálogos que permiten desenvolver a nosas habilidades de pensamento. 

Todo esto sen esquecernos de coidar ás nosas tartarugas: RAYO e EVAN. Cada día o encargado é responsable de darlles de comer.

No mes de novembro espérannos moitas aventuras interesantes, como sempre poderedes estar ó tanto neste mesmo blogue. 

Desde que comezara esta curso estabamos desexando comezar a investigar... pero o primeiro era decidir o tema da investigación.

Despois de diálogos e de escribir diferentes propostas, quedámonos con catro posibles ideas das que fomos propoñendo, e con todas elas fixemos unha votación.

Cada quen tiña que "rodear" o tema dos propostos que máis lle gustaba, e por turnos introducir na "urna" os nosos votos, baixo a atenta mirada de YAIZA, quen revisaba que cada quen trouxera o seu carnet. Marcaba ademais o seu nome nunha lista para evitar que alguén puidese votar máis dunha vez.

O momento do reconto foi moi emocionante, porque dúas das propostas estaban empatadas: AS MOMIAS e OS POKEMON.

O reconto final deu como resultado que os POKEMON eran os gañadores. Xa tiñamos tema para a nosa primeira investigación deste curso!!!

Xa co tema elexido, comezamos a preparar o noso mural da investigación, escribindo o título e incluíndo alunha imaxe identificativa.

Tivemos que debatir novamente un anaco para decidir, que podíamos facer con todo o que descubriríamos... finalmente chegamos a un consenso, e decidimos facer un "museo" e unha "película de animación" (con Stop-motion) onde saían os Pokemon.

Así o anotamos no noso panel da investigación.

Anotamos tamén todo que que xa sabíamos, ou críamos saber, sobre os POKEMON...

... e por suposto tamén as preguntas do que queríamos descubrir, e que investigaremos ó longo da investigación.

Xa tiñamos lista a primeria parate da planificación, pero aínda faltaba por decidir onde buscaríamos as respostas ás nosas preguntas. 

Escribimos tamén unha nota para pedir información ás nosas familias.

Deste xeito, ós poucos días comezamos a traer as primeiras fontes de información, ben impresas ou por e-mail recibidas en infantilcampolameiro@gmail.com.

O noso recanto da información comeza xa a ter a primeira información dispoñible.

Nos vindeiros días continuaremos a recibir información e, moi pronto comezaremos a buscar as respostas ás nosas preguntas.

Como sempre poderedes estar ó tanto de todo o que suceda nas diferentes entradas que iremos publicando no noso blogue.

Ademáis do que xa vos contamos en entradas anteriores, na na nosa aula suceu tamén todo isto antes de rematar o mes:

Completamos o noso "horario semanal" que levamos para casa, de modo saibamos antes de vir "ó cole" quen virá a nosa aula ese día.

Comezamos a levar libros da biblioteca de aula para as nosas casas. Cada venres anotámolos na aplicación online (que podes atopar no recanto de infantil), para poder imprimir a portada e completar o noso rexistro en papel... e todo por por parellas de forma autónoma ;) 

Na aplicacion, para poder imprimir a portada, temos que escribir o número do libro e logo "pasar o noso carnet QR"... encántanos facelo :)

Escollemos, xunto ós compañeiros e compañeiras de EI1,  as cancións qeu sonarán nas entradas e saídas da vindeira semana.

Lembras como che contamos que fixemos a nosas normas da aula?... pois tamén as "fixemos en pequeno" para levar para a nosa casa.

Comezamos a explorar a nosa creatividade pintando con "témpera".

Arranxamos os nosos contenedores de reciclaxe da aula, lembrando e explicándolle ós novos compañeiros e compañeiras, en que contenedor había que depositar cada un dos restos. Fixémolo cun dos nosos xogos favoritos.

E, por suposto, tamén fomos depositando os restos orgánicos no composteiro do colexio. 

Coa profe Yolanda traballamos, unha vez á semana, algúns aspectos lóxico-matemáticos, a través duns xogos chulísimos ;)

E finalmente "destruímos o Dinosaurio Xigante" que fora o resultado da investigación do curso pasado, para deixar todo listo de cara á nova investigación que comezaremos nunhas semanas, e da que daremos cumprida conta neste blogue.

Podes ver as entradas anteriores, de todo que sucedeu no mes de sembro, de seguido:

04/10/19: (2019-2020) Xa temos os primeiros equipos cooperativos do curso... queres coñecelos. 
04/10/19: [Infantil xuntos] (2019-2020) Participamos no Día europeo do deporte Escolar 
20/09/19: (2019-2020) Queres coñecer que normas acordamos e como fixemos o seu panel? 
20/09/19: (2019-2020) Así foron os primeiros días deste curso en Infantil 2 
11/09/19: (2019-2020) Xa estamos de volta!... con compañeiros novos. Queres coñecelos?

Pasadas as primeiras semanas de curso, nas que nos fomos adaptando ás rutinas da aula, tra-las vacacións, chegou o memento de preparar os nosos equipos cooperativos, para poder empregalos den diferentes tarefas nas vindeiras semanas.

O primeiro foi descubrir con quen estaría cada quen no  equipo, e acordar como se chamarían. Para elo tiveron que dialogar e chegar ó seu primeiro acordo.

EQUIPO TARTARUGA:

EQUIPO CAMALEÓN:

EQUIPO JUEGO CONEJITO:

Xa co nome decidido, nalgúns casos con máis debate que outro ;), cada un dos equipos acordou onde pegar a foto do equipo, no panel.

Como sempre, e tal como foron descubrindo os novos compañeiros e compañeiras, todos os integrantes do equipo tiveron que participar dalgún xeito no proceso.

Usando o ordenador, cada un dos equipos escolleu unha imaxe "representativa" para o seu panel.

Do mesmo xeito cada un deles acordou a cor para escribir no ordenador o nome elexido para, posteriormente pegalo no seu panel, organizando o espazo do que dispoñían cos elementos que tiñan que figurar. 

Así de fantásticos quedaron os paneis dos equipos unha vez rematados. 

Rematado o traballo, chegou o momento de facer a primeira "auto avaliación" do noso traballo en equipo.

Xa estamos preparados para usar os nosos equipos en próximas tarefas, como por exempolo, no proxecto de investigación que iniciaremos nos vindeiros días, e dos que teredes cumprida información neste mesmo blogue.