Ola, ola! Xa estamos de volta coa entrada de abril. Algúns estaredes pensando que fai moito tempo que non subimos unha entrada de aula. O motivo é que o mes pasado o profe tivo un problema co seu teléfono e perdeu todas as fotos... Pero non pasa nada! Porque como di o título da entrada, abril foi un mes que valeo por dous, e se non o credes, aquí tedes as probas!

Continuamos coidando o invernadoiro, asegurándonos que as nosas cebolas tivesen sempre auga suficiente para medrar ben fortes. Pero iso non foi todo, pois agora tamén estamos coidando das plantas aromáticas da entrada, encántanos axudar a ter un cole máis bonito!

Fixemos ademáis os experimentos de marzo e de abril; no primeiro fixemos vermes de escuma; e no segundo, mesturamos cola con mentos para comprobar que sucedía. Foi moi interesante e divertido, e dentro de moi pouco poderedes ver o último experimento do curso na páxina do cole. Así que atentos as nosas publicacións!

Coma sempre, o calendario levounos a facer actividades tan variopintas como pintarnos a cara como aborixes americano, aprender máis sobre as comunidades autónomas do noso país, figuras tridimensionais, as manchas dos guepardos... e moito máis!

Pero non todo é traballar, os xogos están moi presentes na nosa aula, e cada semana introducimos un novo. O uso destes xogos e importantísimo, pois non só son unha oportunidade de pasar un bo rato en grupo, senón que aportan unha enorme cantidade de aprendizaxes. De feito ese é o obxectivo, aprender xogando!

E tras unha larga espera, xa estamos traballando a tope a temática dos planetas. Tan só queda un trimestre, así que nos puxemos as pilas e este mes fixemos de todo: decoramos a porta acorde a temática, repartimos os planetas que cada neno e nena van investigar, fixemos carnets de astrónomos, buscamos fotos dos planetas en internet, rexistramos as prendizaxes, falamos sobre exoplanetas, fixemos a Terra con filtros de café e Saturno aprendendo as mesturas de cor que resultan en distintos tonos de marrón... Incluso tivemos unha visita moi especial dos nosos compañeiros e compañeiras de primeiro e segundo para aprender máis sobre as capas da Terra. Todo isto, grazas a colaboración dos profes Jose Luis, Zaira e Marta que nos axudaron a que moitas destas actividades sairan adiante a perfección.

Pois si, os nenos e nenas de EI1 son uns expertos en planetas. E por se tiñades algunha dúbida, aquí os tedes compartindo algúns dos seus traballos:

Entre todos os frentes que temos abertos, hai unha constante que traballamos todos os días: a lectoescritura. Dende lecturas curtas no recreo, a rexistros de diverso tipo e outros usos funcionais; usamos calquer oportunidade que se presenta para practicar. Todos e todas avanzaron un montón, e o máis importante, o fan ao seu ritmo, respetando sempre o punto no que se atopan neste proceso.

E por se fora pouco, mentres todo isto sucede o Porco Espín Serafín non deixa de facer das súas! Cada semana a mochila viaxeira agardanos na biblioteca, cunha nota de Serafín e moitas sorpresas dentro da mochila.

Seguimos descubriendo as letras e os seus olores, aínda que a estas alturas do curso, poucas hai que non coñezamos. Unha actividade sinxela e divertida coa que buscamos traballar dende un enfoque sensorial e manipulativo ao mesmo tempo.

E por suposto, unha das nosas actividades favoritas, o menú saudable da semana. Xa levamos feitos tantos que empezan a ter moi boa pinta... imos ter que empezar a poñer avisos de que son de plasti e non se poden comer!

Outra constante e o traballo artístico, e este mes destacamos unha actividade que desfrutamos moito. Utilizando papel estampado, e baseándonos en obras de outros pintores, fixemos os nosos propios "cadros" usando formas e distintos tipos de estampado. O resultado saiu tan ben como a actividade, seguro que a repetimos!

En alternativa tampouco paramos de crear, e nesta ocsión traballamos con papel de seda, siluetas de animais e augas. Non vos imaxinades o rápido que pasou a hora que o fixemos, tanto é asi que... mirade que caras de concentración teñen os nenos nas fotos!

Tamén incorporamos a Jane Goodall e Clara Campoamor ao noso mural de "Revolucionarias", acompañando esta incorporación para profundizar na vida destas mulleres e distintas habilidades prácticas e coñecementos. Xa temos unha boa colección de imaxes acumulada, e isto non remata aquí.

E xa para rematar, tamén tivemos tempo para animar aos nosos compañeiros e comapañeiras de 3º, 4º, 5º e 6º durante o deporte escolar. Incluso aproveitamos para xogar co material que o profe Paulo deixou preparado para que tamén tiveramos unha xornada chea de movemento.

Xa avisei que traballamos un montón, e preparádevos para maio, porque pensamos exprimir os últimos meses de cole ao máximo!

Ola, ola, ola! EI1 está de volta coa súa entrada correspondente ao mes de febreiro. A pesar de ser o mes máis curto do ano escolar, na nosa clase sacámoslle moito partido e estivemos facendo de todo. Comezamos!

Este mes xuntáronse moitas actividades moi especiais, entre elas está a elaboración dun conto para o Salón do Libro. Coa a axuda do profe para parte da escritura e o debuxo da porta; os nenos e nenas da clase elaboraron o conto pintando a portada e contraportada, escribindo as palabras do interior e gravando efectos sonoros que incorporamos no conto a través de Códigos QR. Pasámolo super ben facéndoo, e o resultado fixo que mereza a pena todo o traballo. Se queredes saber máis desta actividade, podedes botar unha ollada aquí.

Estamos en febreiro, falando de actividades feitas durante o mes; pero os e as que pasads habitualmente por aquí, sabedes que na nosa clase calquer día do ano e bo para falar de igualdade, dereitos das mulleres e visibilizar mulleres das que os libros de historia moi convenientemente "esquecen". Pois ben, este mes continuamos avanzando co noso proxecto de igualdade "Revolucionarias", pero ademáis engadimos traballo extra para unha actividade moi especial que estamos a traballar no cole. Queredes saber cal é? Pois estade atentos, porque moi pronto a publicaremos na nosa páxina web e redes sociais.

Por suposto, seguimos a "caza" das letras tan rebeldes coas que convivimos na aula. É unha locura, cada vez que chegamos os luns, algunha colle a maleta e vaise por ahí a pasar o fin de semana fóra. Por sorte, os nosos nenos e nenas son moi observadores e sempre son capaces de atopar onde se agochan. Por suposto, complementamos esta aprendizaxe con actividades de lectura, escritura e conciencia tanto fonolóxica coma silábica e léxica a través de distintos soportes.

Tamén seguimos engadindo días ao noso calendario de aula, e con cada día, un xogo e actividade nova. Este mes, entre moitas outras cosas, exploramos e bailamos coa radio, cazamos Pokemon usando os nosos coñecementos sobre as letras, fixemos un Sonic de papel con tesoiras e pegamento, creamos robots, ampliamos coñecementos sobre os reloxos e as horas...

Entre as moitas celebracións deste mes, estivounha adicada a unha das mulleres máis lidas da nosa terra, Rosalía de Castro. Por suposto, quixemos colaborar o máximo posible nesta conmemoración que implicou a todo o cole, polo que pintamos e recortamos unhas letras moi chulas que  foron parte do mural que elaborou a escola en conxunta. Se queres saber máis sobre esta actividade, podes botar unha ollada aquí.

Outro dos momentos máis agardados da nosa semana, é o luns, pois é o día que o Porco Espín Serafín responde aos nosos escritos na mochila viaxeira, e prepara o material para entregar a mochila a un neno ou nena. Por iso as visitas á biblioteca os luns son obligatorias, e bueno... xa aproveitamos a viaxe e quedamos por alí lendo e xogando co material tan chulo que a profe Zaira sempre prepara para nós con moito agarimo.

Este mes non tivemos tanto tempo como quixeramos para os xogos motrices con plasti, pero aínda así, atopamos un pouquiño de tempo para poñernos mans a obra e facer un xogo onde traballamos o concepto "metade" e usamos coitelos e as mans para facer churros e moitas outras formas seguindo consignas.

O noso invernadoiro está de volta! Este mes plantamos cebolas, e agora ben a parte que máis tempo require, a de coidalas. Todos os luns e todos os mércores, os nenos e nenas da nosa clase imos ir a regar os nosos vexetais, de xeito que a finais de curso poidamos ter unhas deliciosas cebolas que levarnos a casa!

Os xogos tampouco faltaron, temos unha chea de xogos novos que estabamos desexando estrenar. E iso e precisamente o que fixemos este mes: explicamos como utilizalos, establecemos un sistema de turnos e normas de uso... E a xogar! A verdade e que é unha maravilla ver as creacións que os nosos nenos e nenas fans cando lles damos o material e deixamo voar a súa imaxinación.

Pero se algo fixemos este mes, iso foi arte. Pintamos, moldeamos, fixemos autorretratos, coñecemos a obra de moitos autores novos, experimentamos con novos materiais... Foi unha auténtica locura, pero ao mesmo tempo foi divertidisimo. Estamos a crear en conxunto un dossier de arte digno do mismísimo Picasso (do que falamos este mes), e para quen o dubide, aquí tedes algunhas das fotos do proceso de elaboración do noso traballo.

Fixemos o experimento deste mes que, nesta ocasión non gravamos, pois foi o turno dos nosos compañeiros e compañeiras de EI2. Aceite e colorante foron as protagonistas deste divertido experimento, que podedes ver explicado aquí.

E en medio de todo isto tivemos o Entroido. Viñemos disfrazados ao cole seguindo as intruccións do Porco Espín Serafín, elaboramos os nosos disfraces de domadores e domadoras coas familias; e o pasamos xenial ensaiando o noso baile. A nosa ecola converteuse nun auténtico circo (literalmente) e se non nos credes, botade unha ollada aquí para ver a que liamos.

Na hora de alternativa a relixión, onde se xuntan nenos das dúas aulas, seguimos traballando motricidade e arte. Nesta ocasión o fixemos cun árbol moi especial con forma de corazón, que pintamos usando os dedos. O resultado foi moi chulo, pero o realmente especial foi o proceso, onde o pasamos xenial xogando coa pintura, os materiais, a auga para lavar as mans e moito máis!

Tamén estivemos a cargo da creación dunha merenda saúdable, como parte de programa Nutriescolas co que colaboramos baixo a guía do profe Paulo. Foi el precisamente quen nos fixo o encargo de preparar esta merenda e... Mans a obra! Tras unha relfexión sobre os alimentos saudables que podemos usar, unha posta en común, selección de xoguetes e moita moita plastilina; preparamos esta deliciosa merenda que podedes ver nas fotos. Bo proveito!

E por se fora pouco, aínda tivemos tempo para escollar o tema que queremo investigar. Sí... levamos moitos meses coa selección, pero e que é moi difícil escoller só un tema! De todolos xeitos, faremos todo o posible por aprender o máximo posible sobre o tema escollido durante os próximos meses, xa veredes o que se ven...

E isto e todo, foi un febreiro moi ben aproveitado... , pero aínda estamos a medio camiño do curso! Así que en marzo non baixaremos o ritmo, estade atentos porque aínda temos moito que ensinar e que aprender!

Quen dixo que xaneiro dura 31 días, minte de forma descarada. Xaneiro dura, como mínimo 300 días, ou al menos iso foi o que pareceu xuzgando por todo o que fixemos o último mes. A continuación, faremos un breve resumo dalgunhas das actividades máis destacadas dende a volta das vacacións da Nadal.

Na nosa clase sempre facemos un oco para a expresión artística e a creatividade, iso si, aplicando distintas técnicas. Este mes creamos inspirándonos en obras de artistas que descubrimos a través do noso calendario de efemérides, o que nos levou a crear con formas, difusores de cores, auga, goteiros, recortes das nosas cousas favoritas... e moito máis!

Non nos podemos esquecer do cumple da nosa compañeira Zahara, que cumpliu 4 anos. Un día tan importante requiriu unha celebración acorde coa sua tarta, a súa camiseta de regalo, a súa coroa para a celebración, a súa festa... O pasamos xenial, e ademáis foi o primeiro cumple de Zahara dende que chegou ao cole, así que seguro que queda no seu recordo con agarimo para moito tempo.

Outra actividade que ocupou bastante do noso tempo, foi a celebración da "II Carreira Solidaria pola Paz", un evento que acollimos con moita ilusión e ganas. Fixemos un inventario das doazóns que recollimos na nosa clase, o cal nos permitiu traballar lectoescritura e conteo ao mesmo tempo; e ademáis axudamos cos numerosos preparativos para celebrar a carreira. Foi super divertido, pois sempre e xenial reunir a toda a comunidade educativa para actividades coma esta.

Este apartado que ven agora é unha mestura de actividades que fixemos como parte do noso calendario tan especial, xogos e demáis situcións que foron surxindo na aula. Como xa sabedes isto é Educación Infantil, e aínda que as semanas e o traballos sempre están programadas, sempre hai espazo para a improvisación e para facer paradas para indagar nos distintos intereses e focos de aprendizaxe de nenos e nenas. Por iso aquí podedes atopar momentos como merendas ao sol, colgantes de flores, xogos de mesa, elaboración de avións de papel, actividades de motricidade... E ollo, que pode ser que grazas a falar de Caroline Herschel como parte de "Revolucionarias", o noso PDI de biblioteca dentro do marco de CPInclúe - Iguala-T, atopasemos a nosa temática para o proxecto deste curso... Podedes adiviñar cal é?

Como na nosa clase vivimos co lema: "Mellor tarde que nunca". POR FIN, comezamos a facer a proposta de temas para o noso proxecto de aula. Durante a votación, xuntamos os nosos calendarios como apoio para propor posibles temas de investigación. Mickey Mouse, os planetas, sillas, gatos... As propostas foron do máis variopintas, agora só nos queda votar para decidir con cal nos quedamos.

Ao mesmo tempo, seguimos traballando a lectoescritura, centrando cada semana nunha letra. Cal? Pois a que desparece da nosa clase, pois aínda que temos o alfabeto colgando do teito, as letras sempre atopan o xeito de escapar, coller a maleta e ir polo cole en busca de aventuras. Por sorte, os nosos nenos e nenas son grandes detectives e sempre atopan as letras desaparecidas, e tamén as súas maletas que poden traer dende laurel ata esencia de vainilla.

Este mes foi o noso turno de facernos cargo do experimento, así que puxémonos mans a obra para descubrir que pasa cando mezclamos auga con pementa, e como actúa o xabón cando entra en contacto con ela. Os resultados foron unha gran sorpresa, pero creo que mellor que a miña explicación, e mellor que vexades como sucedeu todo a cargo de Yara, Zahara e Matías. Por suposto, ao reamatar rexistramos o proceso e os resultados no noso caderno para deixar constancia de todo.

Outras das horas máis divertidas da semana é a hora de alternativa a relixión, onde sempre facemos manualidades moi chulas. Este mes creamos unha nube co arco de vella usando algodóns e paus de madeira, ademáis de pintar un cadro soplando con paxiñas de plástico. Pero isto non é nada, solo agardade a ver o que temos preparado para febreiro...

Na nosa clase hai moitos nenos e nenas maiores que pasan a primeiro, e como as suman xa están máis que entendidas, este mes comezamos a traballalas en papel. O que facemos e relacionar o proceso manipulativo, coa conta plasmada no papel, de xeito que poidamos estar o mellor preparados posible para dar todo en primeiro en primaria! E mentres os maiores introdúcense nas operacións, os máis pequenos traballan a tira numérica e o concepto de número, para dentro de moi pouco facer o mesmos que fan os seus compis de cinco anos.

Se pensades que isto e todo, estades moi equivocados! Pois o cole esta cheo de maxia e sorpresas, e o Porco Espín Serafía tamén fai das súas cando os nenos e neas están en clase. O que fai, e levar a mochila, escribir un mensaxe para os nenos e nenas na libreta viaxeira e ademais decide quen leva a mochila esa semana, personalizando sempre o material en función de quen leva a mochila.

Unha nova actividade que comezamos este mes, é o deseño do menú saudable. Cada clase encárgase de propor un menú equilibrado para a semana. Neste caso, nos fixémonos cargo de crear unha cea saúdable. Así que usando o prato onde repartimos os distintos tipos de alimentos, os recortables que preparou o profe Paulo e con moita imaxinación, deseñamos unha ensaladamariñeira deliciosa. Os nenos e nenas escolleron os ingredientes que querían usar, e os profes demoslle unha pequena volta para darlle sentido. E unha vez decidido, plasmámos o menú en plastilina que, non é por nada, pero tiña un aspecto moi apetitoso.

Antes fixemos mención de "Revolucionarias", o Proxecto Documental Integrado que levamos traballando dende principio de curso. Grazas a él, este mes resolvemos misterios con Agatha Christie, descubrimos os planetas con Caroline Herschel, cruzamos o mar con Ellen MacArthur, coñecemos outras culturas con Indira Gandhi, soñamos con Hedy Lamarr... E ao mesmo tempo coñecemos como, a pesar de ser invisibilizado durante anos, o rol das mulleres na historia foi fundamental para os avances sociais, científicos e políticos dos últimos séculos.

Puidemos rascar tamén algo de tempo para xogar con plastilina, tanto libremente como de forma dirixida. Destacou por canto lles gustou, un xogo para traballar a motricidade fina que fixemos con plastilina, pasta e contas de facer pulseiras. Sen duda repetiremos esta actividade moi pronto.

E xa para rematar, os globos tamén estiveron presentes estemes, pero acompañando un tema no que non paramos de facer fincapé: A igualdade. Iso é, falamos de igualdade a través dos deberes da infancia, pois un destes é tratar ben as persoas, sen discriminar por xénero, etnia, posición social... pero dun xeito divertido, pois tivemos liberar os deberes do interior dos globos usando dardos. Se queredes saber máis sobre esta actividades, podedes consultar esta entrada.

E con isto nos despedimos ata o mes que ven, que por sorte xa vai durar un pouco menos que este xaneiro eterno!

Este mes non temos claro quen traballou máis, se Papa Noel ou os nenos e nenas de EI1. Foron 21 días que deron para moitísimo... Non o credes? Pois seguide aquí, porque a continuación explicamos algunhas das moitas actividades que fixemos este mes.

En primer lugar, preparamos unha obra de teatro moi chula titulada "A Patrulla Canina salva o Nadal". Tivemos que preparar o decorado, estudar o guión, preparar o escenario, acordar o reparto de tarefas... Foi un traballo complicado, longo, pero moi satisfactorio. O resultado ao final foi o de menos, pois o realmente importante foi todo o que aprendemos durante o proceso. Se queredes ver a obra, podedes facelo aquí.

Pero non só estivemos na zon de usos múltiples, estivemos facendo cousas ao longo de toda a escola. Pasamos moito tempo na biblio, lendo contos, debuxando, xogando... pero tamén aprendendo con materiais como a oca para coñecer Galicia ou a escalada de montañas cun dado e un lapis. Ao final imos pasar máis tempo alí que na clase!

Unha actividade da que as familias estaredes enteradas, foi a decoración de colas de Nadal, pois para esta iniciativa, contamos coa colaboración dos pais e das nais. Os nenos e nenas levaron a base acasa, e con axuda fixeron elementos decorativos tan chulos como os que poidedes ver nas fotos. Logo decidimos exactamente onde queriamos colgala. Foi xenial!

E co curso avanza tamén o calendario, así que cada día temos que abordar unha temática nova. E claro, como nun día pasan moitas cousas, o que aprendemos vai variando moito según a dara. Rosa Parks e a discriminación racial, o coidado do medio ambiente, o analisis de obras de arte... Todo pode pasar cando abordamos o noso traballo de calendario.

Tamén fixemos o experimento do fluido non newtoniano. Pero a falta de unha, o fixemos duas veces... Por qué? Moi sinxelo, porque o profe equivocouse coas medidas (perdoádeo, é de letras). Así que tivemos que poñer aschaquetas, e ir a tenda a mercar máis maicena. Deste xeito fixemos o experimento por segunda vez (esta vez ben feitos), e o resultado deixounos coa boca aberta.

Pero tamén tivemos tempo para xogar, e moito. Este mes comezamos a estrear algún dos xogos que nos chegaron a a aula; ademais de disfrutar de aqueles que máis nos gustan como e o xogo coa area, con crebcabezas, con bloques lóxicos... e moitas cousas máis.

Na nosa clase tivemos de aniversario a Yara, e por suposto, non podiamos esquecernos de prepararlle unha celebración como merece. Así que cunha camiseta de unicornio, unha coroa chea de estrelas e unha deliciosa tarta con moito chocolate; montamos unha super festa para os homenaxeados!

Ah, e unha cousa máis, revisade os buzóns nos vindeiros días. Pois estes últimos días de trimestre estivemos preparada unha sorpresa para as familias... E aquí o imos a deixar, que ao final arruinamos a sorpresa.

E xa para rematar... Recordades os xogos que preparamos en colaboración co Parque Arqueolóxico de Campo Lameiro? Pois ben, este mes o Porco Espín Serafín preparou un calendario onde, cada día, unhadas clases do colexio abría un agasallo elaborado por outra clase. Foi super divertido, e permitiu seguir traballando no noso proxecto de convertir un cole con relacións máis sólidas e menos conflictos, pois na escola somos unha gran familia.

E con isto despedímonos ata o ano que ven. Grazas por outro ano cheo de experiencias e de aprendizaxe; e preparádevos, porque o 2024 ven repleto de moito que facer e moito que aprender!

Menudo mes de novembro! Entre a celebración do 25N, o Magosto, a elaboración dos xogos rupestres, as rutinas, a búsqueda das letras... e moitas outras cousas máis, o mes pasou voando. Vamos a intentar facer un resumo, pero seguro que se nos queda algo atrás. Comezamos!

Este mes terminamos de buscar as vogais, o que significa que podemos comezar coas consoantes. Como podedes ver nas fotos, as letras poden aparecer en cada curruncho da escola. Pero iso non e toda, pois traen consigo toda clase de olores e sabores novos e coñecidos que son todo un reto adivinar. E por suposto, complementamos este traballo do gusto e o olfato, tamén co oído, pois cada semana aprendemos unha canción nova para afianzar o aprendizaxe de cada letra.

Outra das celebracións deste mes, foi a do "Día Mundial da Infancia" o día 20 de novembro. Cada clase elaborou un globo onde describimos os distintos dereitos da infancia. Esta actividade supuxo unha charla sobre os mesmos, e unha posta en común de toda a escola, onde aprendemos sobre aquilo ao que temos dereito polo feito de ser nenos e nenas. Podedes ver máis sobre esta actividade aquí.

Nas clases de alternativa a relixión, continuamos a expresarnos artísticamente con distintos materiais. Entre outras actividades, unha das nosas favoritas foi esta, na que pintamos un fantasma con témpera e pompóns. Foi moi divertido, e por suposto puxémonos ata arriba de pintura.

Para os que vichedes a entrada do blog do mes pasado, sabedes que estivemos a preparar uns xogos rupestres para o calendario de advento do Parque Arqueolóxico. O mes pasado elaboramos o puzle, e este mes nos centramos en outros dous xogos. Un deles era un xogo de abalorios rupestres, así que usando barro, moldes e rodillos; fixemos unha réplica de pezas para facer collares imitando o efecto de prata, ouro e bronce. Por outraparte, tamén fixemos un xogo de estampado, para facelo pintamos follas e as estampamos para facer un debuxo nunha camiseta. O resultado foi chulísimo, estamos desexando que os nosos compañeiros e compañeiras poidan velo.

Tamén celebramos o cumple de Mario, que cumpliu 5 anos. Como podedes ver nas fotos, pintamos unha camiseta de Chase como agasallo e preparamos unha deliciosa tarta que desfrutamos na súa festa de cumple. Para máis fotos da celebración podedes consultar a entrada que dedicamos aos cumples do mes de novembro aquí.

Tamén incorporamos unha nova rutina as tarefas de encargado, e consiste en sumar e restar. Cando realizamos o conteo da cantidade días de sol, choiva, nubes... que levamos ao longo do mes, escollemos dous deles para tomar de referencia para sumar. Para facelo máis visual, apoiamonos dun xogo para facilitar a comprensión destas operacións simples.

Por suposto o calendario segue a sorprendernos cunha chea de xogos tan divertidos como o mahjong ou o aforcado; actividades de manexo do rato; a exploración de distintas rexións do noso mundo... En resumo, cada vez que traballamos o calendario, nos levamos unha sorpresa co que sexa que esconde. E por suposto non nos podemos olvidar das nosas "Revolucionarias", pois a estas alturas de curso xa coñecemos a vida de máis de quince mulleres que cambiaron o mundo.

Tamén incorporamos unha sesión semanal ao xogo sensorial con area; e tamén ao traballo con puzles. Unha forma divertida de estimulación sensorial, e tamén do desenvolvemento do razonamento lóxico. Pouco a pouco ampliaremos con máis actividades para traballar ambos aspectos, aínda que por agora parece que a area chega para quedarse, a todos os nenos e nenas encántalles!

Para os habituais do noso blog, sabedes que a pintura é obligatoria todas as semanas. Tanto podemos colorear un cadro de un artista, como podemos poñernos o mandil, ou a chaqueta, e expresarnos artísticamente con diferentes soportes. Este mes experimentamos moitos, e ademais de pintar cos "sticks de témpera", tamén pintamos con sal, continuamos traballando a técnica do collage e o recortado; e como xa teredes visto os que nos seguides en Instagram; fixemos unha actividade de Land-Art que foi todo un éxito.

Non nos olvidamos doutra data importante, o 25N ou "Día Internacional da Eliminación da Violencia contra as Mulleres", onde levamos a cabo a actividade "Poesía por e para elas" (podedes ver en que consistiu esta actividade aquí). Pero antes de actividade, nos decidimos reunirnos para compartir as nosas poesías e falar sobre a violencia,e porque as mulleres son as principales víctimas desta problemática. Sen dúbida un momento de reflexión que nos permite entender que o cambio está nas nosas mans.

Tamén atopamos tempo para afianzar os aspectos de conciencia léxica, silábica e fonémica; e o fixemos con xogos tan chulos como estes. Educación Infantil e o momento perfecto para sentar as bases, e deste xeito chegar a Primaria cunha boa base para a lectoescritura. Así que dende a clase, imos traballando de acordo ao nivel de cada neno e nena para chegar ao seu máximo potencial neste aspecto.

Outra actividade que surxiu, foi a de aprender máis sobre o noso corpo. O fixemos coa canción de Migallas sobre o noso esqueleto, un filtro de Tiktok e unhas tesoiras. Puidemos aprender máis sobre como é o noso corpo por dentro, e o mellor e que o fixemos da forma máis divertida que hai, cantando e bailando!

Fixemos varias visitas a biblioteca, como xa é costume, para ler, debuxar e incluso participar en algún que outro xogo de reforzo da lóxica-matemática. Ademáis de retomar a mochila viaxeira que, semana a semana, o Porco Espín Serafín prepara con moito agarimo xunto a unha resposta aos mensaxes que lle deixamos na súa libreta.

E por último pero non por iso menos importante, temos o Magosto. Unha das nosas festas favoritas, para as cales preparamos as nosas cestas de castañas, recollimos follas, trouxemos castañas, participamos en toda clase de xogos... Un día moi divertido, sobre o que podedes ver máis fotos en esta entrada.

Sen dúbida un mes do máis completo. Recordade que se queredes ver máis fotos, as podedes atopar na galería fotográfica da escola. Ata a próxima vez!

Rematou outubro. A uns podeu pasarlle rápido, a outros lento, a outros indiferente... e logo estamos nós, que o pasamos traballando un montón. O curso acaba de comezar, pero non temos tempo que perder, pois temos moitas ideas e pouco tempo para levalas a cabo. Así que, ao igual que facemos na clase, toca poñernos mans a obra cunha nova entrada do blog! Esta vez, faremos un breve resumo de todo o que fixemos en outubro. Recordade que estas fotos son só unhas mostras, se queredes ver todas as fotos das actividades do mes podedes facelo AQUÍ.

Comezamos co máis típico do mes de outubro, o Samaín. Supoño que xa todos e todas teredes vista a entrada correspondente a todo o que fixemos para esta celebración. Os que aínda non tivestes a oportunidade, podedes botar unha ollada AQUÍ. Preparamos a decoración coa axuda dos maiores nalgunhas ocasións, pintamos un castelo xigante, e ata compuxemos (os nenos e nenas a historia e o profe a rima) e escribimos un poema en conxunto co que conseguimos un dos premios do concurso de poesía terrorífica.

Este mes comezamos tamén unha nova actividade, a búsqueda das letras. Todos os lunes, as letras do abecedario se esconden por todo o cole para que as busquemos. Xa atopamos a A, E, I e O; pero o curioso é que estas letras levan con elas unha maleta. E isto se debe a que as letras non só sirven para ler... Tamén teñen cheiro! E cada vez que atopamos unha, tentamos adiviñar a que cheira cada letra. Xa descubrimos que a letra "A" cheira a albahaca, que a letra "O" cheira a orégano... En conclusión, comezamos a semana a tope buscando estas letras tan viaxeiras.

Celebramos o "Día da Non Violencia" cunha asamblea onde falamos das consecuencias e alternativas a violencia, ademáis de preparar e xerar uns carteis que repartimos por toda a escola para amosar que na nosa escola non toleramos ningún tipo de violencia.

Tamén retomamos o traballo cos nosos diccionarios xigantes e pequenos. Os maiores xa son uns expertos, así que estamos traballando de forma coperativa, de xeito que os maiores titoricen aos seus compañeiros e compañeiras pequenas en canto a como facer este traballo. Por agora está funcionando moi ben, seguro que dentro de nada os máis pequenos e pequenas xa o poderan facer por si mesmos.

Pero o movemento no para nin cando os compañeiros e compañeiras teñen clase de relixión. Durante a hora de alternativa estamos facendo toda clase de actividades artísticas. Pintamos con espuma, con moldes de plastilina, con esponxas... Ata pintamos cos pés! Sen duda unha das horas máis divertidas de toda a semana.

No que se refire as letras, non só as buscamos e as cheiramos, tamén xogamos moito con elas (os pequenos cos maiúsculas, e os maiores coas minúsculas). Deste xeito, reforzamos aspectos como a identificación, os sons e os trazos; e deste xeito afianzamos un proceso de lectuescritura máis sólido. E por suposto, o pasamos xenial aprendendo!

E como xa somos bastante maiores, as clases non se reducen ao espazo de aula, senón que nos imos movendo por todo o cole. Un dos nosos espazos favoritos e a biblio, que ademais de usar para ler contos, tamén visitamos para buscar información, pintar, aprender... Sempre coa axuda da profe Zaira, que sempre nos fai todo moito máis sinxelo.

Nos pouxos ratos que temos libres, continuamos desenvolvendo a percepción sensorial con materiais de distintas texturas. Por agora estamos traballando con plastilina, area de cores e pasta de letras. Nalgúns casos xogamos de forma libre, outras con obxectivos marcados e outras simplemente ocurren cousas tan chulas como o día que conseguimos facer todas as vogais en maiúscula e minúscula con plastilina! Estes rapaces e rapazas están feitos uns campeóns!

Por suposto, o noso proxecto anual de claendario xa está en marcha tamén. Con esta actividade diaria traballamos os números, a temporalidade, historia... en realidade é difícil resumir todo o que facemos cando abrimos o calendario porque as actividades poden variar tanto como facer un cadro con circunferencias, resolver un crucigrama, elaborar o noso propio periódico coa técnica do collage, escoitar a historia dalgún personaxe histórico importante... e este curso, por encima de todo, dar visibilidade as mulleres non sempre visibilizadas, pero si fundamentais para avanzar hacia unha sociedade onde a iguladade sexa unha realidade.

Por se isto non fose pouco, tamén nos metimos de cheo nun proxecto colaborativo co Parque Arqueolóxico de Arte Rupestre de Campo Lameiro. A nosa clase é encargada de facer tres xogos: un crebacabezas rupestre, un set de estampado con follas e uns abalorios para elaborar collares rupestres. No caso do estampado e os collares estivemos practicando antes de poñernos a traballar, o crebacabezas por outra parte xa esta feito e listo para a sorpresa que estamos preparando para decembro.

Os pais e nais dos nenos e nenas de EI1 xa o saberedes porque o teredes na casa, pero tamén fixemos o noso propio horario da semana con recortes. Deste xeito podemos anticipar que faremos cada día e planificarnos mellor no día a día. Quedou chulísimo (casi tanto como traballo costou facelo).

Por suposto retomamos un clásico xa en infantil, que son os nosos xogos de lóxica-matemática. Iso si, como este ano somos un pouco máis maiores, o grado de dificultade aumentou un pouco, de xeito que non quede outra que poñer a cabeza a funcionar as máximas revolucións.

E por suposto, elaboramos as nosas normas. Como xa as acordamos nunha asamblea en septembro, agora solo nos quedaba plasmalas e poñelas nun lugar visible da nosa aula. En verde o que se pode facer, e en vermello o que non; acompañado de fotos que representan cada norma. Xa non hai excusa para non portarse ben no cole!

Tal e como imos facer agora neste blog, que parece que nunca acaba, tivemos tamén algún que outro parón para descansar e xogar ao noso aire porque... hai que admitilo, o profe é un pouco pesado e hai que aproveitar os momentos nos que se pode desconectar e xogar a... a... Todavía non sabemos ben a que estaban xogando nas fotos, así que aceptamos suxerencias sobre que credes que están a facer nas fotos!

Como parte do CPInclúe, na súam odalidade Iguala-T que comezamos este curso, aproveitamos o noso calendario de aula para visibilizar as mulleres destacadas na historia, tal e como vos falamos antes. Así que cada vez que celebramos unha data importante relacionada cunha muller, preparamos unha pequeña lámina-resumo da súa aportación, escribimos o seu nome, e o compartimos fora da aula para dar a coñecer cantas heroínas descoñecidas hai na historia da nosa sociedade.

E xa por último, celebramos os aniversarios de outubro. Na nosa clase estivo de cumple Miguel Ángel, e por suposto lle prpearamos unha camiseta e unha coroa de regalo, ademais de unha deliciosa tarta que se comeron entre todos, mentres os pobres mestres limpaban os pratos. Xa veredes xa cando cheguen os nosos aniversarios...

E con isto rematamos! Se chegaches ata aquí, parabéns. Foi unha entrada moi larga, pero tamén o foi este mes. E non vóos digo nada de outubro, aina temos moito por facer e por aprender, así que estade atentos porque pronto volveremos con máis!

Benvidos e benvidas de novo ao blog de EI1! Estamos de volta para dar inicio ao curso 2023/24. Este curso vai estar cheo de novidades e de sorpresas, e a través destas publicacións poderedes seguir cada unha delas. Outras vías polas que podedes seguir as nosas publicacións, é o noso Facebook e tamén o noso Instagram: @ceippedroantoniocervino

O primeiro, e unha das cousas máis importantes este mes, é que recibimos a novos compañeiros e compañeiras. Así que os primeiros días de clases, dedicámonos a ensinarlles o cole, axudarlles a sentirse como en casa, explicarlles como funciona o colexio... E por suposto, xogar en grupo!

Para descubrir os diferentes espazos do colexio, fixemos unha búsqueda de pezas dun crebacabezas moi especial por toda a escola. Todos os días apareceron unhas pegadas nas portas das nosas aulas, que nos levaban a aulas distintas onde se agochaban algunhas das pezas que buscabamos. Foi moi divertido, e ademais de pensar para resolvelo, puidemos ver como aínda que todos e todas somos diferentes, como pezas dun crebacabezas, podemos encaixar perfectamente.

Fixemos tamén outras actividades de benvida, coma elaborar un marco de fotos onde lucir a foto que nos sacamos o primeiro día de clase. Para facelo utilizamos cartulinas, purpurina (tranquilidade, nese momento era legal), pasta, cola blanca, cores... En resumo, un pouco de todo. Inlcuso fixemos unha visita ao supermercado para escoller o tipo de pasta que queríamos usar!

Pouco a pouco, tamén retomamos as rutinas do día a día na aula. Neste aspecto, os alumnos e alumnas de 6º de EI tiveron un papel moi importante, pois axudaron aos más pequenos a comprender e participar en todas é cada unha delas. Dentro de nada, xa o terán máis que controlado.

Tamén estamos a elaborar o noso horario semanal con miniaturas de cada unha das actividades que facemos cada día no cole. A elaboración aínda está en proceso, pero moi pronto poderedes telo en casa para saber o que toca facer cada día!

Outra actividade en proceso, é a elaboración de normas da aula. O primeiro, e máis importante, foi reunirnos para acordar cales serían e que é o que sucede cando non se cumplen as normas. Agora, unha vez dramatizadas, pasaremos a escribilas para colgar na nosa aula.

Por suposto, xogamos moito coa plastilina, unha das mellores actividades para mellorar a motricidade fina dos máis peques; ao mesmo tempo que lles damos a oportunidade de expresarse de xeito creativo.

Tamén celebramos o primer cumple de este curso, o cumple da nosa compañeira Carlota. Aquí xa non importaba canto tempo leva cada un no cole, todos o pasaron xenial elaborando a tarta e colaborando para organizar a festa de aniversario.

Pintamos moito, moito, moito con témpera; de feito ata o profe ten as lavadoras que non dan feito con tanta roupa manchada de cores. Pero como podedes ver, non nos podemos resistir cando temos a oportunidade de crear con este material.

Fixemos varias visitas a biblioteca, onde o profe le contos aos nenos... pero ollo! Que tamén se fai de forma autónoma, de feito todas as semanas facemos debuxos dos nosos contos favoritos para decorar este espazo.

Elaboramos as bandexas para a merenda, escollendo cada neno e nena a foto que máis lle gustaba. Os temas favoritos foron os zombies e os raposos... Medo me da o proxecto que van a escoller este ano!

Non deixamos a lectoescritura de lado, e para ir aterrizando pouco a pouco, empezamos con algúns xogos sobre as vocais. Deste xeito, presentamos a temática aos nosos compañeiros e compañeiras novas, e ao mesmo tempo serviu de repaso para os maiores.

E con isto remata a entrada de setembro! Outubro ven ben cargado de traballo e cousas que facer, así que estade atentos ao blog e as nosas redes sociais porque as sorpresas so acaban de comezar.

Por fin chegou xuño! O que significa que  terminamos coas entradas do blog ata o curso que ven. Así que non perdemos máis tempo, e imos cun breve resumo de todo o que estivemos facendo este último mes de cole.

Este mes nos puxemos especialmente artistas, e ademais de sacar moito o pincel a relucir; tamén pintamos sobre distintas superficies. Cartulina, platos, cartóns... Rematando de aprender diferentes técnicas de expresión artística para a actividade que imos amosar a continuación.

Para rematar os nosos proxectos artísticos, levamos a clase todo tipo de material: témpera, recortables, rotuladores, revistas, ferramentas de estampado...e as combinamos para pintar o noso primer cadro. Así que coa única norma de que no hai ningunha directriz que seguir, cada un creou o seu cadro ao seu gusto. Aquí tedes algúns dos resultados.

Este último mes, reforzamos o traballo de lateralidade e aprendemos a identificar a dereita e a esquerda dun xeito moi divertido. Por suposto, grazas a profe Zaira, trouxemos un Twister a clase que nos deu moito xogo e co que nos rimos un montón.

Tamén celebramos os cumples de xuño e do verano, polo que podedes imaxinar a festa que montamos. Os compañeiros e compañeiras: Julia, Manuel, Breixo, Germán e Matías apagaron as velas, e todos xuntos zampamos a deliciosa tarta que preparamos o día anterior.

Outro momento que nos encantou, foi a visita dos nenos e nenas da Galiña Azul á escola. Preparamoslle de agasallo un marco cunha foto que nos sacamos ese mesmo día, e os levamos a explorar o colexio e o noso patio. Estamos deseando que chegue septembro para compartir clase con eles e elas!

Rematamos de coidar o invernadoiro, de feito podedes ver que foi un auténtico éxito. As cenorias creceron un montón, e aínda que podían estar un tempo máis, ao final poidemos levar a casa un bo puñado delas!

Repartimos as papeletas de voto para o noso concurso de fotografía do arco da vella, que se celebrou durante o Cervifest organizado polos compañeiros e compañeiras de 5º e 6º. Ao final, tras un reconto moi reñido, a gañadora foi a nosa compañeira Julia. Moitas grazas a todos por participar!

Os últimos días de cole, tamén se organizaron no cole unha serie de obradoiros. Como parte dos mesmos, a nai de Matías e Lara visitounos para contarnos un conto, fixemos chaveiros, pintamos utilizando limpiacristais, fixemos xogo motores... Foi super divertido!

Tamén participamos nunha xincana para atopar un tesouro en San Antoniño. Foi dificil, tivemos que andar un montón, pero o resultado valeu a pena, xa que ao final conseguimos atopar o cofre co noso premio correspondete. Somos expertos no arco da vella, pero tamén exploradores profesionais.