O pasado mércores 22 de novembro, asistimos ao Cross escolar organizado pola Asociación Deportiva Terra de Montes. Nela participaron centos de nenos/as de diferentes centros da contorna (Campo Lameiro, Cerdedo, Soutelo, Tenorio, Ponte Caldelas, A Lama, Fornelos, etc.); e como non, os alumnos/as do CEIP Pedro Antonio Cerviño non podías faltar a esta cita tan esperada. Correron os nenos/as de 3º, 4º, 5º e 6º nas categorías mixtas de benxamín, alevín e infantil respectivamente. Despois de moito pospoñelo por mor da climatoloxía, quedounos unha bonita xornada na que disfrutamos da práctica deportiva e tamén da competición.

Antes de comezar tivemos que recoñecer o noso percorrido.

Primeiro fixemos un bo quencemento

Fixemos piña e charla motivacional antes de comezar

Turno para os de 3º e 4º!!!

E agora tócalles aos nenos e nenas de 5º e 6º!!

Pero tamén houbo tempo para repoñer forzas!!

Para o ano máis!!!

Como cada ano por estas datas, buscamos fomentar a práctica de xogos populares entre o noso alumnado. Nesta ocasión presentámoslles os birlos, a petanca, os trompos, as canicas, as chapas, os aros e a comba. 

Para o ano máis!

A comezos deste curso propuxémonos poñer un rocódromo horizontal nun patio do centro. Non foi un traballo doado, posto que había que limpar, deseñar e pintar a parede. Logo, tivemos que pedir autorizacións e presupostos para materializar todo o traballo previo. Despois de meses de moito traballo, por fin puidemos desfrutar do noso rocódromo, ben sexa durante o recreo e nas clases de E.F a través de diferentes retos. 

Que ben o pasamos!

Presentamos o resumo anual do proxecto Recreactiv@s, un proxecto gamificado que busca fomentar a alimentación saudable no horario lectivo. Por cada merenda saudable, os nenos/as van gañando puntos (gomets de cores asociados a cada alimento) e vendo o seu progreso ao longo dos meses e trimestres. Ao final de cada trimestre, aqueles alumnos/as con máis merendas saudables, verán recompensado o seu esforzo por medio dun agasallo. A entrega dos premios é o momento máis esperado, posto que se reparte material deportivo e de ocio para que poidan xogar no recreo e no seu tempo libre. 

Este curso houbo moita participación e, vemos como ano tras ano, o alumnado vai afianzando o hábito de traer alimentos saudables para as merendas do recreo.

Ademais, tamén levamos a cabo un programa de xogos, retos e competicións nos recreos do curso escolar. Cada día día da semana ían probando diferentes xogos, materiais de deportes en diferentes patios do centro, co obxectivo de incrementar o tempo de práctica motriz e a práctica de diferentes actividades deportivas.

Ola a todos e todas! Como xa é tradición para despedir o curso, dende o cole (e cun gran traballo por parte do noso mestre de educación física) organizamos unha xincana. Pero este ano, foi unha xincana moi especial... Queredes saber porqué?

En primer lugar, este ano o cole ao completo subimos a San Antoniño. Os compañeiros e compañeiras de infantil estiveron con nós e experimentaron esta actividade por primeira vez. Pero o mellor de todo foi a temática, pois este curso fixemos a xincana das emocións. Tivemos que pasar por todo tipo de probas onde puxemos en práctica todo o que aprendemos, ao mesmo tempo que superamos desafíos que puxeron a proba a nosa capacidade física.

Non resultou nada sinxelo. Tivemos que poñer a traballar a cabeza, os músculos pero tamén o corazón; xa que as emocións estiveron presentes en todos os aspectos. Aprendendo deste xeito, que ao final o benestar é unha combinación de sentirnos ben no noso corpo a través do exercicio, pero tamén coidando sempre como nos sentimos.

O pasado venres 2 de xuño asistimos á última xornada do deporte escolar. Nesta ocasión desprazámonos ata o circuíto da Madalena de Montes (Soutelo) para asistir á entrega de medallas e trofeos do curso 2022/2023. 

Foi unha xuntanza multitudinaria na que participaron tódolos centros da comarca de Terra de Montes. Despois de organizar todo, fomos chamando aos participantes por centro e categoría para proceder á entrega de medallas individuais.

Depois da entrega de medallas asistimos a unha sesión de baile organizada pola mestra Antía. Que ben o pasamos!

Xa para rematar, procedemos á recollida dos trofeos por categorias, despois de propoñer a un capitán en cada clase.

Agora hai que pensar onde colocamos os trofeos. A desfrutalos!!! Para o ano máis!

E chegou a última xornada do deporte escolar do curso 23/24. Despois das complicacións dos últimos anos, por fin puidemos realizar tódalas xornadas programadas dentro do Proxecto deportivo de centro. Un ano máis cheo de experiencias positivas, práctica deportiva e momentos compartidos con nenos/as doutros colexios da zona de Terra de Montes. A última das xornadas tivo lugar no noso centro, entre o pavillón municipal e pista de baloncesto. 

Os primeiros en xogar foron os nenos/as de 5º/6º, que desputaron un emocionante partido de fútbol cheo de ocasións e goles.

Logo foi o turno dos compañeiros/as de 3º e 4º, desputando os partidos de fútbol e balonmán.

Xa para rematar a xornada, todos/as asistimos aos partidos de baloncesto que se xogaron na cancha exterior. 

Próxima parada: xornada de clausura con entrega de medallas e premios

O pasado martes 25 de abril, fomos ata o colexio de Tenorio para celebrar a 2ª xornada do deporte escolar.

Unha vez alí, puidemos practicar diferentes deportes como baloncesto, balonmán  e fútbol sala.

Partidos vibrantes e intensos ata o último minuto, onde os nosos alumnos/as desfrutaron, competiron e intercambiaron experiencias con outro nenos/as.

Próxima parada: Soutelo

O pasado xoves 20 de abril, os alumnos/as de 6º asistiron a unha sesión de piragüismo en "dragóns" no encoro do Pontillón do Castro, en Verducido. 

Antes de comezar había que coñecer as instalacións e atender ás explicacións dos monitores sobre a actividade

O seguinte paso era facer un bo quencemento das articulacións implicadas na actividade, así como coñecer os aspectos técnicos máis importantes para poder remar axeitadamente.

Xa preparados no noso dragón, puxemos rumbo á outra punta do encoro, onde puideron desfrutar das vistas e ata botar algunha que outra carreira contra o outro dragón.

Xa de volta, tocaba repoñer forzas e comentar as anécdotas da xornada. 

Mentres os de 6º remaban, os de 5º foron facer unha pequena ruta de sendeirismo arredor do encoro. Polas instalacións andaba Teresa Portela, ca que puideron falar un pouco e sacar unhas fotos.