Iniciar sesión: Accede co teu contrasinal

Celebracións e saídas

(2019-2020) Visita á Lonxa e Praza de Abastos de Portonovo

A semana pasada tivemos unha excursión para visitar a Lonxa e a Praza de Abastos de Portonovo. Esta saída estivo encadrada dentro do proxecto de centro "Eco-Bio-San", que pretende afondar nos hábitos de vida saudables, e en especial, nos hábitos alimenticios relacionados cos produtos que nos ofrece o mar. Con esta actividade buscamos que o alumnado coñeza de primeira man cales son os procesos polos que pasan os produtos que comen ata chegar á súa mesa, ademais de poder degustar pratos elaborados con produtos do mar.

Despois da presentación inicial, as guías da actividade fixéronnos unhas cantas preguntas para ver canto sabíamos sobre o mar...

A continuación pasamos á zona de subastas para coñecer en primeira persoa como funciona unha subasta real.

Xa no exterior da Lonxa, acercámonos aos diferentes utensilios de pesca para coñecer os seus nomes, as súas funcións e tamén para facer unhas cantas preguntas.

Cando chegamos á Praza de Abastos puidemos analizar as diferentes especies, os seus prezos e comprobar as etiquetas da zona de captura, tal e como nos dixeran na Lonxa.

Despois dunha mañá tan movida tocaba repoñer forzas con receitas elaboradas con produtos do mar. Que ricas estaban!

E para rematar...a foto de grupo cos nosos agasallos

(2019-2020) [VÍDEO] Festival de Nadal 2019

Podes ver de seguido o vídeo completo do Festival de Nadal 2019, celebrado no centro o 20 de decembro.

 

(2018-2019) Visita á exposición de Paneis sobre a Igualdade de xénero no Concello

 

O pasado 1 de abril asistimos no Concello a unha exposición de Paneis sobre a Igualdade de xénero...

A exposición "Rompe, xoga en igualdade " chega a Campo Lameiro para concienciar sobre a necesidade de romper coa violencia machista.Trátase dunha exposición itinerante creada por Isabel Blanco e Irene Silva, con fotografías de Noemí Chantada, nesta ocasión estiveron acompañadas polo alcalde, Julio Sayáns.

A boneca elexida foi a Barbie, por ser a máis famosa e coa que xogan moitas nenas/os.Nestes paneis amósannos distintas situacións de desilgualdade, violencia e discriminación que están a sufrir moitas mulleres...

 

 

 

 

 

(2018-2019) Teatro "De los cuentos a las cuentas" e visita a Lourizán

O pasado martes 30 de outubro, acercámonos ata A Fundación en Pontevedra para asistir a unha interesante obra de teatro que trataba sobre a fantasía, as viaxes e a importancia de alcanzar os nosos soños.

Posteriormente, e como este curso imos realizar un proxecto de centro relacionado ca flora, e en especial ca prantación e cultivo de sementes, aproveitamos para facer unha visita guiada aos xardíns botánicos de Lourizán. A pesar do mal tempo, os nenos/as pasaron un rato moi agradable aprendendo a diferenciar especies e as súas peculariedades. 

 

 

(2018-2019) Celebramos o Magosto!!!

Ao igual que o ano anterior, o pasado 22 de outubro, celebramos o Magosto na área recreativa de San Antonio. Debido ao éxito do ano anterior, decidimos repetir a xornada neste entorno excepcional, xa que reúne as características perfectas para pasar un día moi divertido. 

Comezamos a xornada cunha fermosa ruta de sendeirismo polo monte. A pesar que de que había algunha que outra pendente, os nenos/as camiñaron enérxicamente ata o alto de San Antonio.

Unha vez chegamos a área recreativa, deixamos un ratiño ao alumnado para que xogasen pola súa conta mentres preparabamos o circuito de xogos populares e asabamos as castañas.

Posteriormente realizamos un circuito de xogos populares dirixido polos alumnos/as de 6º curso, o cal foi todo un éxito debido a súa boa labor.

Despois de xogar tamén tivemos tempo para repoñer forzas e degustar as soborosas castañas!

Para rematar a xornada, volvemos camiñando todo o centro pola mesma ruta, pero neste caso "costa abaixo". 

Para o ano repetimos!

(2017-2018) UN ENTROIDO DE CINE

O equipo de Biblio en colaboración co equipo de Dinamización, organizou" Un entroido de cine", baseado no proxecto que estamos a levar a cabo dende o Centro.

Para visualizar a reportaxe completo de fotos pincha Aquí

De seguido podes ver un pequeno vídeo do noso desfile polas rúas do concello:

(2017-2018) Creamos un lazo dourado xigante para a asociación "Bicos de papel"

Todo o centro participamos na elaboración dun lazo dourado xigante, dentro dunha actividade organizada pola asociación "Bicos de papel", na que participaron centros de toda Galicia.

 

Pintamos un lazo enorme estampando as nosas mans con témpera dourada.

 

Así de fantástico nos quedou o lazo que usará a asociación para crear unha presentación con tódolos centros participantes.

 

Máis información en:

https://bicosdepapel.org

 

 

 

 

ABRACADABRA...CHEGOU A MAXIA!!!!

 

Todo preprarado para que dé comezo o espectáculo!!!!

Ábrese o telón e aparece un mago. As nosas caras eran de total expectación...

 

Sacaba moedas das nosas orellas, facía desaparecer pañuelos de cores, arrancaba pelos e convertíaos en moedas...

 

 

 

Pero o máis impresionante foi cando sacou dúas pombas dun pañuelo...

 

Aquí escoitouse un" OHHHHHHHHHHHHHHHHHH..."

 

E quedamos coa boca aberta...Pero aberta de par en par. 

Entón aplaudímoslle moito...

 

Coma todos os magos, necesitou axudantes...

Mirade que caras cando ao abrir a man apareceron unha morea de bolas de cores...

 

 

Ou cando a pobre Cris tivo que suxeitar todo aquel mundo de cousas...

 

Ou cando a Lara lle tocou meter aquelas agullas polos  da caixa sin tocarlle ao globo que estaba dentro...

 

Pero houbo moito máis...

 

 

E, daquela caixiña tan pequena sacou una variña máxica xigante

 

E aquí rematou o espectáculo...unha mágoa porque poderiamos estar vendo maxia toda a mañá...

Porque a maxia é o que ten...E, o que ten maxia non necesita trucos...

Ata a próxima!!!!!!!!

 

 

Distribuir contido