Gallego

Procedemento para o reintegro individual de gastos por asistencia a actividades de formación do profesorado non universitario para o ano 2014

Summary: 

Xúntase a Orde do 12 de maio de 2014 pola que se regula o procedemento para o reintegro individual de gastos por asistencia a actividades de formación do profesorado non universitario para o ano 2014.
Gallego

O prazo de presentación de solicitudes será de polo menos 20 días de antelación con respecto á data de comezo da actividade. Para as actividades formativas que comezaron a partir do 1 de xaneiro, así como para aquelas que comecen a partir do día da publicación desta orde e que non poidan cumprir o prazo de solicitude de 20 días de antelación, a solicitude entenderase en prazo sempre que sexa presentada dentro dos 15 días naturais a partir do día seguinte da publicación da presente orde no DOG.

Destinatarios e requisitos:

O persoal docente de carreira que pertenza aos corpos que imparten ensinanzas das establecidas na Lei orgánica 2/2006, do 3 de maio, con destino en centros docentes públicos en que exerza docencia directa co alumnado, equipos de orientación específicos, postos de asesoría dentro da estrutura administrativa da Consellería de Cultura, Educación e Ordenación Universitaria e na Inspección Educativa.

Os solicitantes non poderán percibir outro tipo de axudas para a asistencia á actividade solicitada e non poden ter recibido reintegro individual nas dúas últimas convocatorias (anos 2012 e 2013).

Documentación necesaria

  • Solicitude segundo modelo do anexo I da convocatoria.
  • Orixinal ou fotocopia da convocatoria da actividade para a cal se solicita o reintegro.
  • Certificación da dirección do centro na cal se xustifique que a persoa solicitante exerce actualmente nel e se especifique a disciplina, área, ciclo ou especialidade que imparte.
  • Orzamento dos gastos de matrícula e desprazamento. En ningún caso se farán constar gastos de mantenza e aloxamento.
  • Memoria explicativa dos motivos polos cales se desexa asistir á actividade e repercusión da asistencia a esta na función docente.

Máis información

Mail: reintegros.fprofe@edu.xunta.es
Tl.: 981 546.515/ 981.546.513
Servizo de Formación do Profesorado
Dirección Xeral de Educación, Formación Profesional e Innovación Educativa
Consellería de Cultura, Educación e Ordenación Universitaria

reintegro

Día Internacional do Libro e dos Dereitos de Autor

Summary: 

Como cada ano, celebramos no 23 de abril o Día Internacional do Libro e dos Dereitos de Autor coincidindo coa conmemoración da morte, en 1616, dos escritores Miguel de Cervantes, William Shakespeare e Inca Garcilaso de la Vega
Gallego

Imaxe representativa dos 50 anos de MafaldaComo cada ano, celebramos no 23 de abril o Día Internacional do Libro e dos Dereitos de Autor coincidindo coa conmemoración da morte, en 1616, dos escritores Miguel de Cervantes, William Shakespeare e Inca Garcilaso de la Vega.
E tamén, como cada ano, publícase a mensaxe da Directora Xeral da UNESCO, Irina Bokova: “A historia da palabra escrita é a historia da humanidade”.
A UNESCO escolleu a Mafalda, personaxe de banda deseñada creada por Quino, como símbolo desta celebración cunha exposición,na súa sede en París, sobre "a célebre nena pacifista e contestataria" aos seus 50 anos.
Outras iniciativas da UNESCO nesta data serán a presentación da publicación "Reading in the Mobile Era" sobre a lectura e os dispositivos móbiles. E a presentación do concurso "Debuxar a portada do teu libro” destinado a estudantes con idades comprendidas entre os seis e os 13 anos.
Port Harcourt, cidImaxe representativa da declaración da cidade nixeriana Port Harcourt como cidade mundial do libro 2014ade nixeriana do delta do Níxer, en Nixeria, será a Capital Mundial do Libro por un ano.

En conmemoración desta data a Asesoría de Bibliotecas Escolares, da Consellería de Cultura, Educación e Ordenación Universitaria publica un pequeno marcapáxinas para lembrar esta data, cun texto inédito de Paco Martín no 30 aniversario da publicación do seu libro As cousas de Ramón Lamote.

Aquí, na nosa terra, destacamos a iniciativa #EngalegoLeo de fomento da lectura en galego organizada pola Asociación de Escritoras e Escritores en Lingua Galega (AELG), a Asociación Galega do Libro Infantil e Xuvenil (Gálix) e a Compañía de Radio e Televisión de Galicia (CRTVG). A participación é aberta a todo o mundo e consiste en compartir na rede social Twitter, mediante a etiqueta #engalegoleo, recomendacións de lectura en galego.

Imaxe para o día do libro 2014 na que Mafalda é o símbolo representativo.
Imaxe para o día do libro 2014 na que Mafalda é o símbolo representativo.
Port Harcourt cidade nixeriana capital mundial do libro 2014
Port Harcourt cidade nixeriana capital mundial do libro 2014
50 anos de MAfalda
Imaxe representativa dos 50 anos de Mafalda

Novo MOOC de Educalab: Aprendizaxe baseada por proxectos

Gallego

O curso “Aprendizaxe Baseada en Proxectos (ABP)” ofrece unha oportunidade de desenvolvemento profesional a través da participación nunha rede de aprendizaxe masiva e en liña e grazas ao deseño dun proxecto de aprendizaxe nun ambiente colaborativo.

Participar nesta experiencia permitiranos coñecer proxectos de referencia, analizalos, deseñar os nosos propios proxectos e entrar en contacto con outros docentes, profesionais ou persoas interesadas na educación con quen non só debateremos sobre esta metodoloxía senón que tamén serán o noso principal apoio e os nosos compañeiros e compañeiras para o desenvolvemento dos nosos proxectos.

Ao longo do curso poderanse conseguir 3 emblemas dixitais:

  • Ao finalizar a unidade 3: Docente activo

  • Ao finalizar a unidade 5: Docente avaliador

  • Ao finalizar a unidade 7: Docente ABP

Esta modalidade de formación faise de forma experimental sen certificación. Só se entregan os emblemas dixitais mencionados como forma de recoñecemento da aprendizaxe desenvolvida nas actividades do curso e non se certifican “horas de formación”. A estimación de carga horaria (40 h) é só orientativa. Agárdase que a participación no curso teña como principal motivación a aprendizaxe persoal, o desenvolvemento profesional e a colaboración con outros docentes.

As actividades da unidade 1 abriranse o luns 31 de marzo.

ACCESO A TODA A INFORMACIÓN

mooc

Encontros dos centros do Plan de Mellora de Bibliotecas Escolares 2013/2014

Summary: 

Os días 27 e 28 de marzo celebraranse os Encontros dos centros do Plan de mellora de bibliotecas escolares 2013/2014 no Palacio de Congresos de Santiago de Compostela
Gallego

Como cada ano, reuniranse nesta última semana do mes de marzo en Santiago, os responsables das bibliotecas escolares dos centros acollidos ao Plan de Mellora de Bibliotecas Escolares de Galicia. Os Encontros compartirán o lema elixido pola Asesoría de Bibliotecas Escolares para este curso 2013/2014, LER CIENCIA NA BIBLIOTECA ESCOLAR.

Fotografía de Inés MiretFotografía de Luis Miguel Cencerrado
O primeiro día, no que se congregarán os representantes dos centros que se incorporaron ao PLAMBE na última convocatoria, iniciarase coa conferencia ¿Reinventarse? Retos para a biblioteca escolar do século XXI, a cargo da relatora Inés Miret Bernal, Coordinadora do grupo de expertos en lectura e bibliotecas da OEI e directora do equipo que elaborou o estudio LAS BIBLIOTECAS ESCOLARES EN ESPAÑA. DINÁMICAS 2005-2011, realizado pola  Fundación Germán Sánchez Ruipérez, en colaboración co Ministerio de Educación, Cultura y Deporte. A  Asesoría de Bibliotecas Escolaresfará a presentación do  Plan de mellora de bibliotecas escolares para os novos integrantes. Presentaranse  3 experiencia de boas prácticas e pechará o día a conferencia de Luis Miguel Cencerrado, Sentido e alcance da colección da biblioteca escolar en tempos de cambio. Fotografía de Jorge Mira

Jorge Mira Pérez, Director do departamento de física aplicada da Universidade de Santiago de Compostela e responsable do programa ConCiencia de divulgación científica, abrirá a xornada do  venres 28 de marzo coa conferencia A emoción do descubrimento científico: unha porta cara ao hábito lector reflexivo

O venres haberá dúas sesións con actividades simultáneas: pola mañá, mesas de experiencias;  e reunións temáticas pola tarde. Cada participante deberá escoller aquela mesa de experiencias ou aquela reunión temática que sexa do seu interese.

Antonio Rodriguez de las Heras, Director do Instituto de Cultura e tecnoloxía da Universidade Carlos III de Madrid, fará a conferencia de clausura, O lugar da biblioteca na sociedade tecnolóxica.


PROGRAMA

. Fotografía de Antonio Rodríguez de las Heras

 

Encontros PLAMBE
Montaxe de imaxes para representar os Encontros do PLAMBE
Inés Miret
Fotografía de Inés Miret, Coordinadora do grupo de expertos en lectura e bibliotecas da OEI
Luis Miguel Cencerrado
Fotografía de Luis Miguel Cencerrado
Jorge Mira
Fotografía de Jorge Mira
Antonio Rodríguez de las Heras
Fotografía de Antonio Rodríguez de las Heras

Convocatoria do primeiro ‘Concurso de Traballos por Proxectos’

Summary: 

Convocatoria do "Concurso de Traballos por Proxectos" por parte da Dirección Xeral de Centros e Recursos Humanos
Gallego

Esta convocatoria do primeiro ‘Concurso de Traballos por Proxectos’ enmárcase no Plan LÍA 2010-2015 (Lectura, Información, Aprendizaxe) de Bibliotecas Escolares da Consellería de Cultura, Educación e Ordenación Universitaria. Os centros interesados en participar deberán enviar a súa solicitude acompañada dunha pequena memoria do proxecto á Consellería, cun prazo que remata o 30 de xuño de 2014.
Este novo certame ten como obxectivo estimular, mediante o recoñecemento de boas prácticas, o deseño e desenvolvemento de proxectos de carácter interdisciplinar ou de proxectos de investigación baixo a coordinación do equipo da biblioteca escolar ou co apoio desta, realizados en centros non universitarios durante o presente curso 2013/2014.
Esta  iniciativa vén apoiar propostas de proxectos interdisciplinares que favorezan o uso dos recursos informativos e a elaboración de traballos de investigación documental, e axudar ao profesorado a que desde as súas respectivas materias reforce estas aprendizaxes.
Recoñécese con esta convocatoria o papel das bibliotecas escolares no desenvolvemento das competencias básicas, nos procesos de innovación  e de mellora da calidade educativa.
A biblioteca escolar é imprescindible para o desenvolvemento das competencias; especialmente para as de tratamento da información e competencia dixital, aprender a aprender, autonomía e iniciativa persoal, cívica e cidadá, comunicación lingüística en todas as áreas.

CONVOCATORIA

Concurso_proxectos

Día de Rosalía de Castro

Summary: 

Cada 24 de febreiro celebramos en toda Galicia o "Día de Rosalía"
Gallego

Como cada ano, celebramos este 24 de febreiro o Día de Rosalía.rosalia2

En toda Galicia prográmanse actividades conmemorativas. Centros educativos, bibliotecas escolares e públicas, a CRTVG, concellos e institucións dedican este día, ou semana, a lembrar a persoa e a figura literaria máis sobranceira da cultura galega.

O recoñecemento do seu papel a prol da lingua e a cultura é o que induce á Real Academia Galega, o 28 de abril de 1963, a declarar Día das Letras Galegas o 17 de maio de cada ano, conmemorando así a publicación da súa obra Cantares Galegos.

O principal valor da escritora é, sen dúbida, a súa vixencia tanto nos medios académicos como entre o común dos galegos que sentimos a súa voz como propia e nos enorgullecemos dela como representación da nosa cultura.

A AELG (Asociación de Escritores en Lingua Galega) ofreceuse para recompilar e difundir as actividades organizadas para este día polos centros de ensino; a AELG busca tamén institucionalizar o Día de Rosalía de Castro como unha xornada de celebración da nosa literatura promovendo entre a cidadanía o agasallo dun libro en galego e unha flor.

Outras ligazóns sobre esta celebración:

http://praza.com/cultura/6383/que-a-voz-de-rosalia-ilumine-os-muros/

http://www.sermosgaliza.com/articulo/cultura/selfies-graffitis-da-poesia-cartas-nun-colectivo-dia-rosalia/20140221125537024472.html

http://bretemas.com/onte-856-rosalia-e-castro-imaxe-e-realidade/

Imaxe: Estatua de Rosalía de Castro, de Luís Miguel Bugallo Sánchez (http://commons.wikimedia.org/wiki/File:Rosalia_de_Castro_Padr%C3%B3n.jpg)

 

Rosalia
rosalia2

Deseño, creación e titorización para a formación en rede

Summary: 

Novo curso a distancia ofertado fóra do Plan Anual de Formación ao profesorado.
Pretende formar ao profesorado para a titorización de cursos en rede, en Platega.
Gallego

A implantación da formación do profesorado en cursos en rede esixe dispoñer de creadores de cursos de formación así como de titores que desenvolvan os cursos a través de Platega.  Polo tanto cómpre formar a profesoras e profesores para que sexan quen de crear un curso de formación, por exemplo a través dunha licenza de formación, e titorizalo en Platega.

Destinatarios:

  • Profesorado creador de cursos para a formación en rede.
  • Profesorado titor de cursos en rede, en Platega
  • Profesorado relator de cursos de formación.
  • Profesorado creador de cursos virtuais complementarios do ensino presencial co seu alumando de ESO, Bacharelato, FP...


Competencias e obxectivos:

  • Desenvolver a competencia pedagóxica e didáctica precisa para a planificación, o deseño e a xestión dun curso en rede.

Obxectivos:

  • Manexar cursos a distancia, creados con Moodle.
  • Integrar contidos dixitais e multimedia en paquetes de contidos para os cursos virtuais, creados con eXeLearning.
  • Deseño da avaliación para os cursos virtuais.
  • Respectar a propiedade intelectual e os dereitos de autor e coñecer licenzas de autor para publicar recursos propios.
  • Crear cursos virtuais que respecten a normativa básica sobre accesibilidade.

Contidos

  • Deseño e creación de secuencias didácticas en cursos virtuais (nivel 3 de agregación).
  • Creación de cursos virtuais con Moodle.
  • Creación de paquetes de contidos con eXeLearning para incorporalos en cursos virtuais.

Coñecementos previos necesarios:

  • Manexo básico de Moodle como creador de cursos.
  • Manexo básico de eXeLearning como creador de paquetes de contidos.
  • Non é obxectivo deste curso ensinar o manexo de Moodle ou de eXeLearning, aínda que se facilitará documentación e información sobre eles. Estas dúas ferramentas usaranse para crear cursos virtuais e os seus contidos.

Temporalización e características:

O curso ten unha duración de 60 horas, das cales 53 son en rede e 7 presenciais. Impartirase dende o 11 de marzo ata o 30 de maio de 2014. Para a selección de participantes, teranse en conta os criterios de selección indicados na ficha da actividade en fprofe. Esta actividade ofértase con 100 prazas, estando aberto o prazo de inscrición ata o vindeiro 11/02/2014. Referencia: G1301083

Ligazón á ficha da actividade en fprofe.

Deseño, creación e titorización para a formación en rede

Felicitación navideña da Rede de Formación do Profesorado de Galicia

Summary: 

A Rede de Formación do Profesorado de Galicia deséxavos felices festas e próspero 2014
Gallego
felices festas

Miguelanxo Prado, Premio Nacional de Cómic 2013

Summary: 

Miguelanxo Prado foi galardoado co Premio Nacional de Cómic que concede o Ministerio de Cultura, pola súa novela gráfica Ardalén, editada por Patito Editorial.
Gallego

Miguelanxo Prado foi galardoado co Premio Nacional de Cómic que concede o Ministerio de Cultura, pola súa novela gráfica Ardalén, editada por PatitoEditorial.migueanxo

O autor, debuxante e guionista de cómic, ten publicado mais de 30 álbumes, traducudos a moitos idiomas. No eido da animación o seu traballo para a TVG como creador do personaxe principal do Xabarín Club e da súa posterior serie introduciulle no mundo da animación no que destaca a súa participación na serie norteamericana "Men in Black" producida por Steven Spielberg e a película De profundis.

Coma divulgador, Miguelanxo Prado ven sendo o director do salón Viñetas desde o Atlántico que ten lugar anualmente no mes de agosto na Coruña, desde 1998.

ardalenArdalén, a obra premiada, recoñecida coma Mellor Obra de Autor Español do último Salón do Cómic de Barcelona, é, segundo o seu autor, “unha historia en torno á memoria persoal. A memoria como esencia da nosa existencia, da percepción da nosa propia vida, da nosa identidade.”

O xurado recoñeceu "o carácter poético da súa obra, que mestura a realidade co soño, a memoria e o esquecemento, e a súa mestría técnica no uso da cor".

Ligazón a un interesante vídeo da presentación do libro na librería Kómic, no que o autor fala da xénese da obra e describe o proceso creativo que sigue unha obra.

http://youtu.be/CtdlxZp7YBM

Miguel
Ardalen
Miguelanxo
Pedro e o lobo

Día Internacional da Biblioteca Escolar

Summary: 

O día internacional da biblioteca escolar é o momento oportuno para dar difusión ao estudo elaborado polo Ministerio de Educación e a Fundación Germán Sánchez Ruipérez: Bibliotecas escolares en España. Dinámicas 2005-2011.
Gallego

 

O Día Internacional da Biblioteca Escolar foi establecido pola IASL (International Association of School Librarianship / Asociación Internacional de Bibliotecas Escolares con sede en USA: www.iasl-slo.org) no ano 1999, está dentro do período lectivo tanto no hemisferio norte coma no hemisferio sur, polo que pode realizarse ao tempo en todo o mundo. 

 

A biblioteca pública de Pontevedra fai unha entrada Cartel e pregón de Laura Gallego para o "Día de la Biblioteca 2013"

O día internacional da biblioteca escolar é o momento oportuno para dar difusión ao estudo elaborado polo Ministerio de Educación e a Fundación Germán Sánchez Ruipérez: Bibliotecas escolares en España. Dinámicas 2005-2011. Destaca esta investigación como as bibliotecas escolares están a se converter en indicadores de innovación metodolóxica e da calidade pedagóxica dos centros, verdadeiros centros de recursos e espazos para o desenvolvemento das competencias fundamentais. É na biblioteca escolar onde o alumnado aprende a manexar estratexias de busca de información, a seleccionar, tratar e interiorizar a información, a contrastar fontes, utilizando as TIC.

 

No contexto das actuacións do PLAN LÍA de bibliotecas escolares (Lectura, Información e Aprendizaxe) da Consellería de Cultura, Educación e Ordenación Universitaria, a Asesoría de Bibliotecas Escolares elixiu para este curso 2013/2014, o lema LER CIENCIA NA BIBLIOTECA ESCOLAR, para dar relevancia á lectura de textos de carácter científico, de textos divulgativos ou de textos literarios que tratan temas relacionados coa ciencia.

DIA DA BIBLIOTECA
BANER DIA BIBLIOTECA
BIBLIOTECAS ESCOLARES EN ESPAÑA
LER CIENCIA NA BIBLIOTECA
CARTEL BIBLIOTECA
fileteame 2p2