Baixo o lema "LER PARA VER" celebraranse os días 9 e 10 de novembro, no Pazo de Congresos de Santiago de Compostela, as IV Xornadas de bibliotecas escolares de Galicia, organizadas polo CAFI en colaboración coa Asesoría de Bibliotecas Escolares, da Dirección Xeral de Centros e Recursos Humanos e dedicadas, esta vez, á educación medíatica ou educación para o uso dos medios de comunicación, á lectura das distintas linguaxes dos medios audiovisuais e o mundo dixital.

No programa están previstas varias conferencias plenarias a cargo de Fabio Tropea, Tíscar Lara, e Luis González) e mesas de experiencias sobre temas como: audiovisuais, cine, videoxogos, cómic, arte, prensa, radio, etc. con expertos do tema e responsables de bibliotecas escolares.

É unha oportunidade de formación e para coñecer ás experiencias das bibliotecas dos centros escolares galegos arredor da lectura en distintos soportes e cos medios de comunicación en tempos de mudanzas tecnolóxicas.

O prazo de inscrición está aberto ata o 12 de outubro na aplicación fprofe co código de referencia: G1202009.

Blogs de Bibliotecas: primeiro premio, peonza de oro: O Recanto de Leo do CEIP A LAMA de Pontevedra, que tamén foi 1º premio de Boas Prácticas en Bibliotecas Escolares do MEC no ano 2011.

Os nosos parabéns para o profesorado para o CEIP A Lama, en particular para Cristina e Rafa, así como para tódolos blogues de bibliotecas dos centros educativos.

• Gañadores 2012: Premio Espiral Edublogs 2012
   
• espiraledublogs.org

Para o día da nai... un poema e algunha recomendación de lectura.

Co aceite poñiamos segredos,

palabras, conversas,

e a pota reventaba fervendo de impaciencia.

Mais a vida seguía

despois do aceite o allo, a cebola, o pemento

(mellor se for vermello)

e sempre remexendo o garfo de madeira.

E así un día e outro foron facendo costra,

tixolas, cazos, potas,

non houbo nunca auga que arrastrara eses anos,

nin xabón que varrera tanto empeño diario.

Marta Dacosta (1998) Setembro.

Outras lecturas recomendadas:

O LIBRO DOS PORCOS

Autor e ilustrador: ANTHONY BROWNE

Tradución ao galego: XOSÉ MANUEL GONZÁLEZ

Editorial Kalandraka

O señor Porcón vivía cos seus fillos,Miguel e Antón, nunha bonita casa cun bonito xardín, e cun bonito coche, nun bonito garaxe. Dentro da casa estaba a súa muller.

http://vimeo.com/21285638

http://www.slideshare.net/bibliobeade/o-libro-dos-porcos

MIÑA NAI É FANTÁSTICA

Autor: Nick Butterworth,

Traductor: Víctor Barcia

Edicións Xerais de Galicia

Reinvindica o papel das nais como mulleres activas e capaces que fan cousas inimaxinables para procurarnos benestar, confianza e sobre todo moito amor.

http://www.tacobooks.com/libro/mina_nai_e_fantastica

Propostas do CEIP Víctor Sáenz de Antes, Mazaricos

En InnovArte Educación Infantil, teñen tamén propostas para o día da nai:

Dende o Departamento de Bibliotecas Escolares do CAFI queremos celebrar o día internacional do libro compartindo con todos vós estes dous poemas:

A POESÍA É VERDADE (Celso Emilio Ferreiro)

Un procura a verdade
por tódolos camiños, baixo as pedras,
nas raigames escuras das olladas,
máis alá das escumes e os solpores.
Busco a verdade en tí, rexa poesía
dos homes que laboran,
tacto real das cousas
que están e son, anque ninguén as vexa.

Home total,
que vas e ves sen sombra polas rúas
e tes a túa verdade nos curutos
do mundo, no profundo da historia,
na experiencia dun día calisquera,
e non ves os paxaros nin as nubes
nin as lonxícoas maus do vento dondo
que acariñan o mundo dende sempre.

Investiga a verdade do teu tempo
i alcontrarás a túa poesía.

No blogue de Bibliotecas Escolares  e no enlace http://www.bibliotecasescolaresentransito.com/gl/ están dispoñibles os materiais e os vídeos das sesións do congreso estatal  BET 2011, Bibliotecas Escolares en Tránsito, celebrado en Santiago de Compostela o pasado mes de novembro.

Desde a asesoría de Bibliotecas Escolares do CAFI consideramos conveniente dar difusión e facilitar o acceso de todas as persoas que traballan na educación, particularmente aquelas  implicadas na Biblioteca Escolar, a dous documentos de espacial interés que se presentaron neste congreso:

MARCO DE REFERENCIA PARA LAS BIBLIOTECAS ESCOLARES, da Comisión Técnica de Bibliotecas Escolares e coordinado por Cristina Nóvoa Fernández, Ana I. Bernal Macay e Casildo Macías Pereira.

Este documento desglosa os ámbitos de actuación das bibliotecas escolares, recursos físicos e humanos, equipamento e organización, formación do profesorado, unidades de apoio, redes de colaboración e a súa avaliación e ofrece valiosas orientacións sobre a función da biblioteca escolar no centro educativo.

BIBLIOTECAS ESCOLARES ¿ENTRE INTERROGANTES?  HERRAMIENTA DE AUTOEVALUACIÓN PREGUNTAS E INDICADORES PARA MEJORAR LA BIBLIOTECA 

Autoras: Inés Miret, Mónica Baró, Teresa Mañá e Inmaculada Vellosillo

COORDINACIÓN FGSR: Luis González

ASESORÍA METODOLÓGICA: Elena Martín

EQUIPO ASESOR: Eulàlia Espinàs, Isabel Monguilot, Cristina Novoa, Pilar Sampedro y Olga Serra

Texto publicado pola  Fundación Germán Sánchez Ruipérez, coa colaboración do Ministerio de Educación, a través do portal especializado en lectura LECTURA LAB,   

Este documento pode ser de gran utilidade para facer un diágnostico da situación actual da Biblioteca  e elaborar proxectos realistas de mellora neste ámbito.

No CAFI temos centralizadas 3 MALETAS VIAXEIRAS á disposición das bibliotecas escolares: 

• 1 maleta de POESÍA destinada fundamentalmente a PRIMARIA (CEIP ou CPI):  acceder ao PDF
• 1 maleta con documentación específica sobre lectura e bibliotecas para centros de INFANTIL, PRIMARIA E SECUNDARIA,  para información e formación do profesorado deses centros. acceder ao PDF
• 1 maleta de Banda Deseñada que contén unha selección de cómic e novela gráfica, para coñecer autores e títulos de banda deseñada que están a ser referencia entre os lectores do xénero. Destinada aos centros de ensino secundario. Acceder ao PDF

Cada unha leva un documento coa listaxe de obras que contén, información de interese sobre o tema, enlaces e propostas de utilización. Tamén leva unha libreta para suxestións e comentarios.

Os centros interesados terían que facer unha solicitude, cubrir un impreso e encargarse de recoller e devolver a maleta. Os préstamos son de 15 días (renovables en función da demanda) para cada centro. Ó devolvela haberá que comprobar que está todo, se algún centro estraga algún material, deberá repoñelo. 

A experiencia do curso pasado foi moi positiva. Esperamos que neste curso sigan viaxando para lles tirar o mellor proveito posible.

Podedes consultar a convocatoria do PLAMBE (plan de mellora de bibliotecas escolares) para o curso 2012/2013. Seleccionaranse 55 novos centros. O prazo de presentación de solicitudes remata o 7 DE XUÑO.

Máis información neste enlace

2 DE ABRIL: DÍA INTERNACIONAL DO LIBRO INFANTIL

Desde 1967, O día 2 de abril, que este ano nos pilla en vacacións, celébrase en todo o mundo o DÍA INTERNACIONAL DO LIBRO INFANTIL.

Cada ano, o IBBY (International Board on Books for Young People), organización internacional na que están integrados 58 países, encarga a un escritor e a un ilustrador a redacción e confección dunha mensaxe e un cartel que van dirixidos a todos os nenos e nenas do mundo, nesta data que coincide coa do nacemento de Hans Christian Andersen, nado en Odense o 2 de abril de 1805.

• http://www.oepli.org/desc/pag/DiaInter2012.pdf

• http://gl.wikipedia.org/wiki/Hans_Christian_Andersen

23 DE ABRIL: DÍA MUNDIAL DO LIBRO

O 23 de abril de 1616 morreron os escritores Miguel de Cervantes, William Shakespeare e Inca Garcilaso de la Vega . Esta coincidencia fixo que a UNESCO escollera o 23 de abril como o DÍA MUNDIAL DO LIBRO E OS DEREITOS DE AUTOR.

• http://portal.unesco.org/culture/es/ev.php-URL_ID=5125&URL_DO=DO_TOPIC&URL_SECTION=201.html

Adxúntase un arquivo pdf con recomendacións de lecturas que poden ser de utilidade.