Linguas estranxeiras | Page 12 | Consellería de Cultura, Educación e Universidade

Obradoiros para a elaboración de probas de certificación de EOI

Enviado por jose.a.perez a Xov, 24/04/2014 - 11:01

Summary:

Datas de celebración: 26 de abril e 10 de maio de 2014 Lugar: Escola Oficial de Idiomas de Ourense. Asesor responsable da actividade: CALLEJA LAMEIRAS, CARMEN

Idioma Gallego

Obxectivos:

1.Formar aos profesores na elaboración de probas de certificación das EEOOII

Contidos:

1.Selección de documentos por tarefas para probas de certificación de comprensión oral e escrita.

2.Estandarización de probas.

Datas de celebración: 26 de abril e 10 de maio de 2014

Lugar: Escola Oficial de Idiomas de Ourense

Relatores:

LAGO LEIS, JUAN JOSÉ
RAMOS ESCUDERO, JOSÉ ANTONIO
RODRÍGUEZ RODRÍGUEZ, CRISTINA
RODRÍGUEZ SEOANE, MARÍA SOL

Asesor responsable da actividade:

CALLEJA LAMEIRAS, CARMEN

Ligazón:

Ligazón aula virtual

CFR Ourense

Linguas estranxeiras

Novo MOOC de Educalab: Aprendizaxe baseada por proxectos

Enviado por portalcafi a Mar, 25/03/2014 - 11:26

Idioma Gallego

O curso “Aprendizaxe Baseada en Proxectos (ABP)” ofrece unha oportunidade de desenvolvemento profesional a través da participación nunha rede de aprendizaxe masiva e en liña e grazas ao deseño dun proxecto de aprendizaxe nun ambiente colaborativo.

Participar nesta experiencia permitiranos coñecer proxectos de referencia, analizalos, deseñar os nosos propios proxectos e entrar en contacto con outros docentes, profesionais ou persoas interesadas na educación con quen non só debateremos sobre esta metodoloxía senón que tamén serán o noso principal apoio e os nosos compañeiros e compañeiras para o desenvolvemento dos nosos proxectos.

Ao longo do curso poderanse conseguir 3 emblemas dixitais:

Ao finalizar a unidade 3: Docente activo
Ao finalizar a unidade 5: Docente avaliador
Ao finalizar a unidade 7: Docente ABP

Esta modalidade de formación faise de forma experimental sen certificación. Só se entregan os emblemas dixitais mencionados como forma de recoñecemento da aprendizaxe desenvolvida nas actividades do curso e non se certifican “horas de formación”. A estimación de carga horaria (40 h) é só orientativa. Agárdase que a participación no curso teña como principal motivación a aprendizaxe persoal, o desenvolvemento profesional e a colaboración con outros docentes.

As actividades da unidade 1 abriranse o luns 31 de marzo.

ACCESO A TODA A INFORMACIÓN

Artística e deportiva

Bibliotecas escolares

Científico e tecnolóxica

Científico, tecnolóxico e social

Formación, innovación e internacionalización

Formación Profesional

Organización escolar e Diversidade

Educación dixital

Mindmeister

Enviado por portalcafi a Mar, 18/03/2014 - 13:29

Seguindo a filosofía de "Dálle un peixe e comerá un día, ensínalle a pescar e comerá toda a vida", MINDMEISTER é un mapa que vai máis alá de recursos para desenvolver a competencia lingüística a través das catro destrezas básicas. Inclúe tamén ferramentas TIC e o modo de integralas nas clases de linguas. Asemade é tamén unha fonte de material AICLE/CLIL para distintas áreas. Resulta de grande interese porque ademais cada temática hipervincula a webs que ofrecen un abano grande de posibilidades de gran utilidade para todos os niveis educativos. En definitiva, é un recurso interdisciplinar, holístico e que fomenta a iniciativa e a creatividade por parte dos docentes.

Idioma Gallego

Website:

Tema:

Obxectos Dixitais Educativos

Sección:

Áreas-CAFI:

Formación, innovación e internacionalización

Linguas

Linguas estranxeiras

Lingüística e social

Film English

Enviado por portalcafi a Mar, 18/03/2014 - 13:16

FILM ENGLISH é un recurso especialmente útil para o profesorado de inglés, xa que ten clases preparadas a partir de longa e curtametraxes.

Este recurso foi creado por Kieran Donaghy, docente da UAB Idiomes Barcelona, parte da Universitat Autònoma de Barcelona. Donaghy promove o uso creativo do inglés nas aulas. Todo o plan de estudo xira en torno ao uso do vídeo para o ensino do inglés. Así, promove a cinefilia, o análise da imaxe en movemento, e a cultura cinematográfica coma habilidade do século XXI, necesaria para o alumnado. Tamén se promove o pensamento crítico, así como a reflexión en valores á par que se aprende unha lingua.

Film English é visitado por 80.000 profesores ao mes e ten un total de 2.5 millóns de visitas ao ano. Éxito de crítica, recibiu senllos premios, incluíndo o de Mellor Blog Individual e finalista do Mellor Uso de Vídeo nos Premios Edublog 2011, Mellor Páxina TEFL.net 2011, e o Blog Destacado no British Council Teaching English.

Idioma Gallego

Website:

Tema:

Obxectos Dixitais Educativos

Sección:

Áreas-CAFI:

As nosas letras

Enviado por portalcafi a Mar, 18/03/2014 - 13:07

As nosas letras é un proxecto colaborativo no que se mostran actividades feitas na escola e para a escola con motivo do Día das Letras Galegas.
A iniciativa xorde no ano 2011 cando varios centros (CEIP Nº1 de Tui, CEIP de Guillarei e CEIP Infante Felipe de Borbón de Salvaterra do Miño) intercambian actividades sobre Lois Pereiro, autor homenaxeado aquel ano.
Dende aquel momento, fóronse sumando outros centros da zona (CEIP Marquesa do Pazo da Mercé das Neves, CEIP Nosa Señora dos Remedios de Ponteareas...) para compartir actividades relacionadas con investigacións e traballos das obras de diversos autores en galego.
Hoxe o proxecto está aberto e pode participar calquera docente de calquera especialidade e etapa educativa co seu grupo de alumnos compartindo as actividades que desexe sempre que estean relacionadas coas letras galegas dalgunha forma. Poden ser sobre o autor homenaxeado ou non, sempre que sexan en galego, se traballe algún dos obxectivos propostos no proxecto e sirvan para transmitir a esencia e o coñecemento do Día das Letras Galegas. Caben todo tipo de actividades: bailes, cancións, representacións teatrais, recitados de poemas...

Para coñecer máis sobre a iniciativa visita o blog do proxecto http://letrasgalegas.blogspot.com.es e, para participar, escribe un correo a asnosasletras@gmail.com ou contacta por twitter @asnosasletras

Idioma Gallego

Website:

Tema:

Sección:

Áreas-CAFI:

O1301019 Achegas das novas aplicacións dixitais ás linguas estranxeiras

Enviado por jose.a.perez a Lun, 27/01/2014 - 10:47

Summary:

Esta actividade celebrarase no CFR de Ourense do 3 de febreiro ata o 26 do mesmo mes, en horario de 18 a 21 horas.

Idioma Gallego

Contidos por sesións:

1.- Introdución aos contidos do curso: concepto de ferramentas 2.0

Ferramentas de autor, PLE e Mobile Learning.
Creación dunha conta en Gmail.
Plataformas de blog: Wordpress e Blogger. Características.
Creación dun blog en Blogger.
Configuración do blog: fondos, menús, gagdets…
Creación de entradas: código html, incrustación a través de código embed, imaxes.
Ferramentas de Google

2.- Voki: creación de avatares.

Popplet: creación de liñas de tempo, PLE, mapas conceptuais.
Glogster: creación de murais dixitais.
PixTon: viñeta animada.
Slideshare: presentacións.
Issuu: revistas.
Wordle / Tagxedo: nubes de palabras.
Kizoa: creación de diapositivas, collage, retoques.
Aplicacións móviles: CamScanner,Quizlet, Goggles, …

3.- Da zona de confort á zona de aprendizaxe: reflexión.

Vocaroo: creación de podcast.
Lyricstraining: exercicios de escoita sobre cancións.
Soundcloud: repositorio de podcasts.
Audacity: ferramenta de audio para PC.
Aplicacións móbiles: TinyVox, Podomatic, Shazam, Sounds.
Curación de contidos: Scoop It, Pinterest.

4.- Youtube: edición de vídeo, listas de reprodución, subscrición …

Vídeos interesantes para aula de lingua estranxeira.
Blubbr: creación de quizzes sobre vídeo.
DotSub: creación de subtítulos.
Windows Movie Maker: ferramenta de vídeo para PC.
Aplicacións móbiles: Trimmer.

5.- SmartNotebook: deseño de actividades, galerías, exemplos.

Elaboración de contos con SmartNotebook.
SmartExchange.

6.- Edmodo: Red social para o profesorado.

Dropbox: disco duro virtual. Compartir documentos e arquivos.
LIM: Creación de actividades. Exportación e publicación en blog

7 e 8.- Moodle na clase de linguas estranxeiras

Relatores:
María Isabel Blanco Pumar
Alejandro González Quintana
Coordinadora:
Carmen Calleja Lameiras (Asesora de formación)

Máis información

CFR Ourense

Linguas estranxeiras

Deseño, creación e titorización para a formación en rede

Enviado por portalcafi a Dom, 12/01/2014 - 21:56

Summary:

Novo curso a distancia ofertado fóra do Plan Anual de Formación ao profesorado.

Pretende formar ao profesorado para a titorización de cursos en rede, en Platega.

Idioma Gallego

A implantación da formación do profesorado en cursos en rede esixe dispoñer de creadores de cursos de formación así como de titores que desenvolvan os cursos a través de Platega. Polo tanto cómpre formar a profesoras e profesores para que sexan quen de crear un curso de formación, por exemplo a través dunha licenza de formación, e titorizalo en Platega.

Destinatarios:

Profesorado creador de cursos para a formación en rede.
Profesorado titor de cursos en rede, en Platega
Profesorado relator de cursos de formación.
Profesorado creador de cursos virtuais complementarios do ensino presencial co seu alumando de ESO, Bacharelato, FP...

Competencias e obxectivos:

Desenvolver a competencia pedagóxica e didáctica precisa para a planificación, o deseño e a xestión dun curso en rede.

Obxectivos:

Manexar cursos a distancia, creados con Moodle.
Integrar contidos dixitais e multimedia en paquetes de contidos para os cursos virtuais, creados con eXeLearning.
Deseño da avaliación para os cursos virtuais.
Respectar a propiedade intelectual e os dereitos de autor e coñecer licenzas de autor para publicar recursos propios.
Crear cursos virtuais que respecten a normativa básica sobre accesibilidade.

Contidos

Deseño e creación de secuencias didácticas en cursos virtuais (nivel 3 de agregación).
Creación de cursos virtuais con Moodle.
Creación de paquetes de contidos con eXeLearning para incorporalos en cursos virtuais.

Coñecementos previos necesarios:

Manexo básico de Moodle como creador de cursos.
Manexo básico de eXeLearning como creador de paquetes de contidos.
Non é obxectivo deste curso ensinar o manexo de Moodle ou de eXeLearning, aínda que se facilitará documentación e información sobre eles. Estas dúas ferramentas usaranse para crear cursos virtuais e os seus contidos.

Temporalización e características:

O curso ten unha duración de 60 horas, das cales 53 son en rede e 7 presenciais. Impartirase dende o 11 de marzo ata o 30 de maio de 2014. Para a selección de participantes, teranse en conta os criterios de selección indicados na ficha da actividade en fprofe. Esta actividade ofértase con 100 prazas, estando aberto o prazo de inscrición ata o vindeiro 11/02/2014. Referencia: G1301083

Ligazón á ficha da actividade en fprofe.