1º ESO
O Aguiar colaborando na loita contra as velutinas.
Os alumnos de 1º ESO D Sofía Marcote,Nerea Sandá e Daniel Feijoo colgando unha trampa para velutinas nunha camelia do instituto.
Esta trampa forma parte da campaña do concello de Betanzos para a captura de raíñas de velutinas e foinos cedida polo profesor José Antonio Varela García.
Trampa para velutinas feita polas alumnas de 1ºeso D Sofía Marcote de Bernardo e Nerea Sandá Faraldo
Carreira solidaria por BETANZOS. 20.IV.2018
O venres 20 de abril retomamos, teimudos, o que a climatoloxía impedíu ao remate do segundo trimestre.
Convocados polos compañeiros do colexio Vales Villamarín, o alumnado de 1º da ESO partirá disposto a correr por Betanzos nun esforzo físico e de solidariedade.
Nas pistas do Carregal, entre as 12,30 e as 13,30 o noso esforzo para facer de Betanzos un pobo solidario
Diálogos Scratch 2017-2018
Na optativa de Programación de 1º e 2º da ESO traballamos todos os anos un proxecto de diálogo orixinal feito co programa do MIT Scratch. Adoitamos a presentar na web do centro algún dos mellores.
por Lucas Carrera de 1º da ESO
por Manuel Pérez Manivesa 1º da ESO
profeticsbeta@gmail.com
Celebrando, anticipado o Día Internacional da Muller e a Nena na Ciencia
A nosa humilde ( non por ilo menos entusiasta) participación no Día Internacional da Muller e a Nena na Ciencia, consitíu por parte de futuras científicas, na presentación ao resto dos seus compañeiros e compañeiras de pequenos experimentos científicos.
Convivindo con música e máscaras de antroido, a experiencia tivo lugar na Biblioteca durante os recreos do día 9 de febreiro e acompañouse cunha pequena exposición de publicacións alusivas ao tema da muller e a ciencia. Estiveron animadas e coordinadas pola nosa compañeira Chus Santamariña.
O DÍA DA PAZ. Construindo a paz dende as aulas
Cada ano no Aguiar adoitamos sumármonos á proposta mundial de celebrar, aló polo 30 de xaneiro, o Día da Paz. Nos enlaces que incluimos de seguido, poden ollarse algunhas distas iniciativas: 2016, 2015,2015, 2014,
Este ano o equipo da Biblioteca propónnos comezar a construir a paz dende as aulas. Con tal motivo o alumnado de 1º e 2º da ESO participará nun video forum sobre a película "Cobardes".
Nas dúas primeiras horas ocuparán os seus postos no Salón de Actos os alumnos e alumnas de 1º da ESO e moderará o debate Óscar García. Na 3ª e 4ª horas será o turno do alumnado de 2º da ESO i estarán moderados por Carmen Suárez.
Plan Director para a Convivencia e Mellora da Seguridade nos Centros Educativos e na súa Contorna
Un ano máis o IES Francisco Aguiar participa no Plan Director para a Convivencia e Mellora da Seguridade nos Centros Educativos e na súa Contorna .
O alumnado de 1º e 2º da ESO traballará nas súas aulas co apoio de membros da Garda Civil que se desprazarán, como cada ano, ata o noso centro.
O martes 23 de xaneiro será o turno dos pequenos, que reflexionarán e traballarán sobre o tema do acoso.
O xoves 25 serán os alumnos e alumnas de 2º da ESO os que se achegarán á problemática das redes sociais, coas súas posibilidades e os seus riscos.
Plan Municipal de Prevención de Condutas Aditivas. 2018. 1º ESO: "alcohol e tabaco".
Un ano máis, o noso IES, aborda a importante tarea de completar a formación académica con actividades transversais como a que este mes nos vai ocupar.
Trátase do Plan Municipal de Prevención de Condutas Aditivas que, dende hai varios anos, imparte no noso instituto o psicólogo Juan Carlos Prados.
Nos vindeiros días 15 e 17 traballarase co alumnado de 1º da ESO centrando o labor nos temas de alcohol e tabaco.
Premios de fin trimestre
Co remate de trimestre, e no festival que se celebrará no Salón de Actos do noso instituto o xoves 21 de decembro, entréganse tamén varios premios.
É a pequena recompensa polo traballo creativo ou investigador realiazo polo alumnado no primeiro trimestre.
Xa demos conta dos premios relativos aos "haikus contra a violencia de xénero"(enlace) e a Carta a un maltratador(enlace). Hoxe recibirán o merecido galardón
Tamén terán a súa recompensa no citado festival
- Nerea Viqueira Pena. Como gañadora do concurso de Ciencia na biblioteca do mes de novembro recibirá como premio unha película de tema científico.
- Asemade farase entrega dos premios aos Christmas Cards gañadores:
- 1º premio para Tomás Mahía Vázquez ("from Betanzos to the world... merry Christmas")
- 2º premio para Alba Roca Maceira ( flores de papel de nadal)
- 3º Premio para Etienne Sánchez Porta ( co seu reno cantor)
Premios para un fin de trimestre.
Co remate de trimestre, e no festival que se celebrará no Salón de Actos do noso instituto o xoves 21 de decembro, entréganse tamén varios premios.
É a pequena recompensa polo traballo creativo ou investigador realiazo polo alumnado no primeiro trimestre.
Xa demos conta dos premios relativos aos "haikus contra a violencia de xénero"(enlace) e a Carta a un maltratador(enlace). Hoxe recibirán o merecido galardón
Tamén terán a súa recompensa no citado festival
- Nerea Viqueira Pena. Como gañadora do concurso de Ciencia na biblioteca do mes de novembro recibirá como premio unha película de tema científico.
- Asemade farase entrega dos premios aos Christmas Cards gañadores:
- 1º premio para Tomás Mahía Vázquez ("from Betanzos to the world... merry Christmas")
- 2º premio para Alba Roca Maceira ( flores de papel de nadal)
- 3º Premio para Etienne Sánchez Porta ( co seu reno cantor)
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »