CEIP VISTAHERMOSA | Benvidos á páxina web do centro.

Educación viaria

Mar, 2024-02-20 11:33 — cris

Onte as nenas e nenos de Educación Infantil desfrutaron coa actividade "Alavín Alaván, O tranvía da Educación Viaria" organizada polo Concello de Ourense.

Convertíronse en pequenos coches, peóns responsables e incluso policías.

Unha sesión moi interesante onde practicaron e aprenderon normas importantes para a súa vida diaria.

ENTROIDO 2024

Mér, 2024-02-14 18:22 — cris

Xa remata o Entroido e aquí deixamos un pequeno resumo do que aconteceu no CEIP Vistahermosa.

Grazas a todas e todos pola implicación.

#11F día da Muller e a Nena na ciencia

Como contan os ordenadores? O alumnado de 4º 
realizou o obradoiro  "Computando cunha soa man".

Computando cunha soa man de salial

Unha enxeñeira ou científica en cada cole

#11F Día da Muller e a nena na ciencia

A saliva das rás é un fluído Non Newtoniano que pode variar a súa viscosidade en función
da velocidade coa que a ra retrae a lingua. 
As areas movedizas, o xel, o sangue, o iogur, o mel, a pintura... son algúns exemplos de 
líquidos non newtonianos que poden comportarse como sólidos ou líquidos en función da
presión que lle apliquemos.

OBRADOIRO de Física Divertida: Viscosidade de Fluídos

Esta actividade ten como finalidade mostrar o traballo de enxeñeiras e científicas da USC nas disciplinas coñecidas como STEM e o recoñecemento ao papel clave que desempeñan na comunidade científica e na tecnoloxía. Visualizamos os vídeos compartidos pola USC e realizamos varios obradoiros.

11 F día Nena na Ciencia de salial

OBRADOIRO DE XOGOS POPULARES

Mér, 2024-02-07 12:13 — cris

O luns as rapazas e rapaces de 6º puideron disfrutar do XIX Obradoiro de Xogos Populares e Tradicionais ofertado polo CCP Xaquín Lourenzo e a Deputación de Ourense.

Unha actividade na que xa imos participando dende hai anos e que nunca defrauda.

Este ano practicaron con aros, zancos, peóns e outros xogos tradicionais da cultura galega.

TOCA NA IMAXE PARA VER MÁIS FOTOS

OS MANDADOS DO MECO

Ven, 2024-02-02 18:02 — salial

Chega o Entroido a Vistahermosa! E o Meco Manda

1, 2 , 3 ... A CONTAR OUTRA VEZ

O Meco está inspirado e un conto che vai contar,

presta moita atención xa que o vas ter que imitar.

Estes son os mandados do Meco que comezarán a semana que vén (non son acumulativos.)

Moitas grazas pola vosa colaboración familias.

ENCONTROS CO AUTOR

Xov, 2024-02-01 14:54 — cris

O alumnado de 6º de Primaria participou hoxe na actividade "Encontros co autor" pertencente ao Programa de animación á Lectura dinamizado polo Concello de Ourense.

As nenas e nenos leron nestas últimas semanas a obra "Segredos Soterrados" de Xabier Domínguez e Alba de Evan, a quen puideron coñecer hoxe e aprender máis sobre o seu traballo.

Tocade na imaxe para ampliar.

MENU FEBREIRO

Xov, 2024-02-01 11:36 — cris

TOCADE NA IMAXE PARA AMPLIAR

DÍA DA PAZ

Mér, 2024-01-31 14:03 — cris

Onte conmemoramos no cole o Día da Paz:

- Decoración da entrada do cole con cubos de bos desexos e pombas da paz nun enorme e máxico mural

- Lectura dun manifesto por parte dos maiores do cole

- Os nenos e nenas de infantil limparon o centro de malas palabras e desexos feos, acompañados da canción "Varre vasoira" de Fillas de Cassandra.

- Interpretación do Himno da Alegría coas flautas.

- Canción e acompañamento instrumental de "O mundo é grande" coa música de "O reloxo sincopado" de Leroy Anderson.

- Cancións e danzas grupais.

"Garavanciño come saniño"

Ven, 2024-01-26 17:46 — cris

O mércores 24 de xaneiro ás rapazas e rapaces de 1º de Primaria recibiron a visita da nutricionista do Centro de Saúde para realizar a actividade "Garavanciño come saniño".

Tratouse dunha charla e obradoiro de xogos didácticos nos que traballaron a pirámide dos alimentos e a dieta equilibrada.

Toca na imaxe para acceder á galería.