Premio Nacional de Literatura Infantil e Xuvenil 2009

O escritor Alfredo Gómez Cerdá gañou o Premio Nacional de Literatura Infantil e Xuvenil outorgado polo Ministerio de Cultura co seu libro titulado Barro de Medellín, unha obra que, ademais de retratar as duras condicións de vida de moitos rapaces que viven en ambientes marxinais no mundo, representado por este neno dunha miserable bisbarra de Medellín en Colombia, recolle a esperanza de futuro que lle supón o contacto coa lectura e a literatura. 

Este libro, editado pola editorial Luis Vives no ano 2008, xa recibiu o Premio Ala Delta que convoca a editorial.

Foi froito dunha viaxe que realizou o escritor en 2007 á cidade colombiana de Medellín e está cheo, como explicou o autor nalgunha ocasión, de personaxes "con sentimentos, que viven unha existencia dura e, en apariencia, con poucas esperanzas, ao límite entre o todo e a nada".

Na nosa biblioteca o atoparás para lelo e disfrutalo; así como outros dos libros máis salientables do mesmo autor.