VIG VALISSE.
BIG VALISE. 2ª PARADA DA VIAXE.
Coa intención de que todas e todos nos sentíramos implicados nesta proposta, ademais da realización conxunta do noso caixonciño da maleta, cada un trouxo un obxecto significativo da casa ou da contorna próxima para crearmos por grupos de traballo a nosa propia obra plástica colaborativa.
De momento un avance deses queridos obxectos persoais coa explicación da elección.
BIG VALISE. A MALETA VIAXEIRA DE EDUCATHYSSEN.
No Obradoiro de Arte tamén atopamos varios agasallos de Nadal, 
como libros para a nosa biblioteca de Arte e mais unha grande sorpresa: unha maleta enorme e preciosa enviada polo Museo Thyssen.
Preme na foto ou aquí para ver o proceso desta viaxe.
A BIG VALISE, estivo connosco ata o 26 de xaneiro, data na que partiu a outro centro educativo. Esta maleta foi deseñada como un proxecto intercentro que comezou a súa andaina en Vigo en novembre do 2016 e rematará viaxe en xuño do 2017, logo de percorrer 10 centros educativos de toda España.
O obxectivo desta iniciativa é coñecer a obra de dous artistas, Kurt Schwitters e Joseph Cornell, traballando conceptos como a obra colaborativa, museo portátil, territorio, pertenza, metamorfose ou o obxecto cotidiano.
MIRADE QUE CHULO NOS QUEDOU!
