Responder ao comentario

AO LONGO DESTA SEMANA ESTIVO MOI PRESENTE A FESTIVIDADE DE SAN MARTIÑO, QUE ADEMAIS É MOI FESTEXADA NO NOSO CONCELLO, TEO, DENDE ANOS ATRÁS, NA SONADA CARBALLEIRA DE FRANCOS.

- PROXECTO CONTA COMIGO: ESTA SEMANA TIVEMOS A SORTE DE QUE DANIELA, A IRMÁ DA NOSA COMPAÑEIRA OLIVIA, QUIXO VIR A CONTARNOS UN FERMOSO CONTO, "LINA, LA MARIQUITA SIN PUNTITOS".

ÁS CRIANZAS GUSTOULLES MOITO, POIS ADEMAIS TOD@S FORON COLABORADORES DA CONTACONTOS COLOCANDO MANCHAS NA MARIONETA E TAMÉN FIXERON UN XOGO INTEGRADO, COA PROPIA PROTAGONISTA " LA MARIQUITA", COLOCANDO MANCHAS NO ANIMAL DA COR INDICADA NO DADO. TAMÉN LLES AGASALLOU CON PEGATINAS DE CORES E CUN DEBUXO DA MARIQUITA PARA QUE LLE DERAN COR AO GUSTO DE CADA QUEN. GRAZASSSS DANIELA POLA COMPAÑÍA E COMPARTIR CON NÓS ESA LECTURA E O TEU INTERESE.

- QUE XOGUETE HAI DENTRO DA CAIXA?

COA AXUDA DE VARIAS PISTAS, INTENTÁBASE PRESENTAR O TROMPO, MÁIS NON ERA UN XOGUETE COÑECIDO PARA AS CRIANZAS, AÍNDA DESPOIS DE ABRIR A CAIXA E MOSTRALO.

TIVEMOS A AXUDA DA MESTRA BERENA QUE NOS ENSINOU A BAILAR OS TROMPOS E TAMÉN COMO SE CHAMAN AS SÚAS PARTES. LOGO APROVEITAMOS A FACER TRABALLO DE LECTOESCRITURA, TRATANDO DE IDENTIFICAR A PALABRA BUSCADA, FIXÁNDOSE NAS LETRAS INICIAIS E FINAIS (NO CASO DA PIOLA E PIRUCHO QUE COMEZAN IGUAL)

PARA SORPRESA D@S PEQUES, HABÍA UN BAILARETE PARA CADA UN, QUE DECORARON COMO MÁIS LLES GUSTOU. NESTE CASO, POLA DIFICULTADE QUE SUPÓN O MANEXO DA PIOLA PARA LANZAR A BUXAINA  E FACELA BAILAR, ERA MELLOR O BAILARETE PORQUE O BAILABAN MÁIS FACILMENTE COA AXUDA DOS DEDOS FURABOLOS E MATAPIOLLOS.

E FALANDO DE TROMPOS, TAMÉN TRABALLAMOS ARREDOR DO REFRÁN "POLO SAN MARTIÑO TROMPOS AO CAMIÑO". EXPLICAMOS O SEU SIGNIFICADO E ORDENAMOS O TEXTO, TRABALLANDO POR PARELLAS, E TENDO O PROPIO REFRÁN COMO APOIO, CO OBXECTIVO DE FAVORECER A CAPACIDADE DE IDENTIFICAR E RECOÑECER AS LETRAS.

- FIXEMOS A DEGUSTACIÓN DE FROITOS CARNOSOS DE OUTONO. PREVIAMENTE, ADEMAIS DE XOGAR A RECOÑECELOS, FORON EMPREGADOS PARA FACER OBRAS ARTÍSTICAS, NESTE CASO, A PARTIR DO VISIONADO DA OBRA "OTOÑO" DE ARCIMBOLDO; PREVIAMENTE FOMOS VENDO O CADRO, POUCO A POUCO, COMEZANDO DENDE ARRIBA E ÍAN COMENTANDO QUE SE PODÍA VER, QUE SERÍA, POR QUE SE CHAMABA CON ESE TÍTULO,... E LOGO CADA CRIANZA COA BASE DO SEU RETRATO, MONTOU A SÚA CREACIÓN

- FESTEXO DO MAGOSTO: CONTAMOS AS CASTAÑAS QUE XUNTAMOS TODA A AULA FACENDO GRUPOS DE 10 (DECÍAN "HAI MOITAS VECES 10"), PROBAMOS AS CASTAÑAS COCIDAS, FIXEMOS XOGOS NOS QUE A CASTAÑA ERA PROTAGONISTA (COME CASTAÑAS, TRASLADO CON CULLER E A CASTAÑA POR DETRÁS) E DEGUSTAMOS CASTAÑAS ASADAS. PARA AMENIZAR A FESTA TIVEMOS O SON DA GAITA, DO TAMBOR, DAS PANDEIRETAS, DOS UQUELELES TOCADOS POR ALUMNADO DO COLE. E NESTA OCASIÓN, PUIDERON VIR AS FAMILIAS COMPARTIR ALGO DA XORNADA "CASTAÑEIRA" CON NÓS.

    VIVA O MAGOSTO!!!