Que debuxarías se o teu profe che pedise que debuxaras o mellor lugar do mundo?

A protagonista desta historia está preocupada pois non sabe que debuxar, sen embargo ve como todos os seus compañeiros si o saben. Así que non lle queda máis remedio que pensar e pensar nelo…  E pensando, pensando, de repente teno moi claro: debuxará sen dúbida o mellor lugar do mundo para ela, pero cal será ese sitio?

Porque, quen dixo que as relacións familiares non son marabillosas?

Este libro axúdanos a recordar Canto nos quere a nosa familia!  e  Canto lles queremos nós!

Na galería de imaxes están recollidos os debuxos que realizou sobre esta lectura o alumnado de 6º de Ed. Infantil na "Hora de ler".

Como non podía ser doutro xeito, este ano tamén celebramos o Día do Libro no noso centro coa realización de diversas actividades. O tema central de case todas elas foi a figura de Cervantes e a súa obra principal, xa que se conmemoraba o IV Centenario da súa morte. Na galería de imaxes encontraredes os minilibros, manualidades, cadernos, poemas, cartaces ... que realizamos ao longo deste mes.

O 22 de abril, por caer en sábado o Día do Libro, realizamos os actos principais desta conmemoración coas seguintes actividades. Todas elas, podédelas observar nas ligazóns ao material multimedia que achegamos a continuación:

• Presentación do Día do Libro polo alumnado de 3º de Ed. primaria.
• Breve biografía de Cervantes por Lúa de 4º Ed. primaria.
• Adiviñas sobre Don Quijote polo alumnado de 6º de Ed. Infantil.
• Recitado de poemas Quijotescos por 4º e 5º de Ed. infantil.
• "Sobre molinos y gigantes" polo alumnado de 5º e 6º.
• Presentación do libro "O camiño de inverno" de 2º de Ed. Primaria.
• "Nun libro", canción interpretada polo alumnado de 3º de Ed. primaria.
• Vídeo " E ti por que les"

Galería de imaxes das actividades realizadas ao longo do mes de abril.

A finales do mes de marzo o alumnado de 6º curso de Ed. Primaria participou nunha nova sesión do Concurso de animación á lectura que realiza este consolidado club de lectura.

O libro traballado nesta ocasión foi "O fío vermello" da escritora viguesa An Alfaya. Coa lectura do mesmo o alumnado traballou os seguintes temas e valores: O amor fraternal, o proceso de duelo ante unha perda, a amizade e a curiosidade intelectual.

Resumo argumental

Carlo está moi unido ao seu irmán maior Nicola e, por iso, o bota moito en falta agora que este tivo que marchar. Segundo a familia, Nicola ausentárase porque quería ser bombeiro, pero a realidade é que Nicola se fixo soldado e desapareceu nun conflito no estranxeiro.
Melchor e Margarita, os pais, están a pasar unha época de grande tristeza e depresión con continuas viaxes para falar cos mandos do exército sobre o caso do seu fillo. Carlo, en sinal de protesta pola ausencia do irmán, decide pecharse na terraza da casa e non saír máis ata que Nicola regrese. A aparición de Elisabeta na casa do rapaz, unha compañeira de clase coa que nunca falara, comeza a mudar as cousas. A nena aparece cunha tartaruga e convértese na única ponte entre Carlo e o resto do mundo. Natividade, a avoa de Carlo, entende a oportunidade e, dado que os dous nenos pasan o tempo resolvendo xeroglíficos, encrucillados e observando o firmamento (afección que Carlo compartía co seu irmán Nicola), a avoa fálalles da existencia dun estraño libro de astronomía escrito polo seu pai, o bisavó de Carlo. O plan de Natividade para convencer o neno de que saia da terraza consiste en organizar a busca do libro por toda a casa, e resolver o feito de que Carlo poida facelo sen rachar a promesa de non saír que lle fixera ao seu irmán, sería atarlle un fío de la vermella unido a un nobelo que quedaría na propia terraza.
Natividade, Elisabeta e Carlos rexistran a casa, pero o libro non aparece. Finalmente será o pai de Carlos, Melchor, quen o atope, descubríndolle ao mozo todo un mundo novo. Carlo, que por medio de Natividade coñece xa a verdade do paradoiro do seu irmán, deposita todas as súas esperanzas nunha sorte de intuición: a crenza de que no libro do bisavó hai unha pista que lle axudará a que Nicola regrese.
Finalmente, a pista aparece. No libro menciónase a noite das Perseidas, ou as bágoas de San Lourenzo, e un xeito misterioso e non probado de emitir mensaxes a través do reflexo da luz nas estrelas fugaces. A noite das Perseidas, Elisabeta e Carlos levan a cabo o que di o libro cunha mensaxe destinada a Nicola. Poucos días despois, unha chamada dos mandos do exército anuncia a Margarida e Melchor que Nicola fora encontrado. Pouco tempo máis tarde, Nicola regresa á casa, e Carlos, por fin, volve a ver o seu irmán.

O equipo gañador do concurso foi o formado por Iván, Uxía e Yazkra.

O poeta Carlos Ruvalcaba, na visita que nos fixo no mes de outubro, deixounos unha poesía inacabada titulada "La ranita mudita".

Durante a semana previa ao Día da poesía todo o alumnado do centro participou na elaboración de estrofas para completar dito poema. De forma encadenada, cada curso foi engadindo estrofas ao poema, comezado por Carlos Ruvalcaba.

Con todas as estrofas do poema, elaboramos un libro que achegaremos ao poeta mexicano. O Día da poesía, cada curso recitou as súas estrofas diante da fantástica exposición de traballos relacionados coas rás que realizaron os alumnos coa axuda das súas familias.

Galería de imaxes

Vídeo do poema

Para rematar esta festa da poesía, toda a comunidade educativa participou na interpretación da canción popular infantil "La rana cantaba debajo del agua".

A semana da Prensa na escola axuda aos alumnos a comprender o universo da prensa. Favorece o exercicio da lectura comparada das informacións e desenvolve o espírito crítico.

Tamén se contribúe ao reforzo da lectura e da escritura.

O mesmo tempo, ao largo da semana, trátase de mostrar a gran variedade dos medios de información: prensa escrita, cotiá ou revistas, estacións de radio públicas ou privadas, canles de televisión nacionais ou rexionais, novas redes de información e a prensa realizada polos mozos.

Traballar coa prensa na escola supón unha serie de obxectivos, entre os que destacamos:

• Fomento do espíritu crítico do alumnado.
• Descubrir a diversidade de medios de comunicación aos que temos acceso cun só "clic".
• Acostumarse a contrastar e comparar informacións.
• Ser quen de crear un proipio xornal de aula ou centro.

A clase de 5º realizou unha visita moi especial ao Museo de "El Prado": Percorreron as salas do museo nunha tarde de treboada e algo máxico ocorreu na sala 55.

Sen saber como, atopáronse diante do cadro de Robert Campín,  “Santa Bárbara”.

Pero iso non foi o raro, non!. O estraño do caso foi a conversa que mantiveron coa protagonista do cadro, a mesmísima Santa Bárbara.

Saltaron á comba, cantaron con ela, falaron do tempo, dos avós, das bibliotecas, dos libros, de cadros, de museos,…

Que non o cres? Mira o vídeo e comprobarás todo isto e … alguna outra sorpresa máis.

Na primeira semana do mes de febreiro o alumnado de 6º curso de Ed. Primaria realizou un novo concurso de animación á lectura sobre a obra de Breogán Riveiro titulada "Tonecho de Rebordechao".

Esta obra recibiu o Premio Raíña Lupa 2004 da Deputación da Coruña. O libro conta as aventuras dun neno: Tonecho, o único pequeno da súa aldea. Rebordechao é unha aldea que queda alá por...chegando á... O certo é que non é doado atopar Rebordechao, nen sequera aínda que a busques. Neste lugar perdido vive Tonecho, o neno máis bo e máis guapo, o mellor de to dos, porque en Rebordechao... non quedan máis nenos ca el.

O desenvolvemento do concurso foi moi igualado ata o final do mesmo, debido ao amplo coñecemento que os lectores tiñan da obra. Ao final, os gañadores resultaron ser a parella formada or Uxía e Ivan que recibiron como agasallo un exemplar da obra de An Alfalla "O fío vermello" que se traballara na Hora de ler ao longo das próximas semanas.

GALERÍA DE IMAXES

Ao longo da semana do Día da Paz traballamos nas aulas con recursos educativos compilados polo equipo de biblioteca.

O alumnado de 5º e 6º curso traballou sobre o exilio e as diferenzas culturais a través da unidade didáctica "La pequeña Carlota"de ACNUR. O alumnado de 2º traballou sobre o respecto, a educación e a tolerancia. O alumnado de 3º e 4º volveu a traballar sobre a historia de Malala e a súa defensa da educación para todo o mundo.

Unha das actividades centrais foi a interpretación da canción BLOWIN IN THE WIND de Bob Dylan polo alumnado de 1º,2º,5º e 6º na biblioteca do centro.

Leo dálle moitos parabéns aos mellores lectores do primeiro trimestre.

Espero verte no próximo trimestre nesta imaxe!!