O polifacético escritor Fran Alonso adicounos nas VII Xornadas de bibliotecas escolares de Galicia que se desenvolveron no mes de novembro en Santiago de Compostela, o último dos seus traballos destinado ao público infantil: "Poemas birollos para ler cos ollos".

O alumnado de 6º curso, como mostra de agradecemento pola súa atención, dedícalle un poema recitado desde o recanto de lecer da nosa biblioteca... esperamos que lle guste.

Nova na páxina de Edicións xerais

A editorial Xerais publicou na súa web unha nova sobre a interpretación que fixemos do poema de Fran Alonso.

• https://blog.xerais.gal/2017/o-alumnado-de-6o-de-primaria-do-ceip-manuel-sueiro-de-ourense-elabora-unha-cancion-composta-a-partir-dos-libros-de-poesia-infantil-de-fran-alonso/

O alumnado de cuarto curso de educación primaria realizou unha Caza do Tesouro (entrar como convidado dúas veces para acceder) sobre a Lenda da Lagoa de Antela que traballou durante a Hora de ler. Como produto final realizou un cartaz con realidade aumentada.

Facédevos seguidores da conta de Aurasma do cole abrindo o código QR co móbil ou tablet e poderedes ver o que esconden os seus cartaces:

 GALERÍA DE IMAXES DA ACTIVIDADE

AUDIO GRAVADO PARA A REALIDADE AUMENTADA

No CEIP Manuel Sueiro estamos experimentando coa realidade aumentada e buscándolle aplicacións educativas a estas apps que calquera pode descargar no seu móbil.

As imaxes que teñen realidade aumnetada na nosa web, e nos corredores do centro, levan no pé da imaxe unha  . Se queredes descubir o que hai detrás destas imaxes teredes que seguir os seguintes pasos:

• Descargar a APP de Aurasma no voso móbil ou tablet e crear unha conta.
• Enfocar cun lector de códigos QR o seguinte código e premer en "Follow". Así seredes seguidores do CEIP Manuel Sueiro e poderedes ver o que teñen escondido as nosas imaxes.
• Estes pasos fanse unha vez e xa queda a App lista para sempre.

Para ver como funciona a realidade aumentada, probade a enfocar coa aplicación Aurasma do voso móbil as seguintes imaxes.

Parece máxico!!

 Celebración do Día da biblioteca 2016 

Exposición de calacús no Samaín 

O xoves 27 de outubro celebramos o Día das bibliotecas escolares, con tres días de retraso sobre a súa data oficial, para unificar a celebración co Samaín.

Programa de actividades:

• O alumnado de cuarto curso representou na biblioteca un guiñol titulado "La aventura de los molinos" facendo participar aos espectadores no súa posta en escena "cuasi" profesional.
• A continuación o alumnado da aula de apoio recitou, con gran acerto, a poesía de Carmen Gil "La biblioteca escolar".
• Entregáronse as carpetas dos carnés da biblioteca ao alumnado de 1º curso de Ed. Primaria.
• Entregáronse os carnés aos novos lectores do Sueiro.
• Entrega de mochilas viaxeiras ás titorías de 1º, 3º e 5º cursos de Ed. Primaria.
• Para rematar fíxose entrega de diplomas a todos os participantes na exposición de calacús.

Imaxe con realidade aumentada (Pasos a seguir)  

O venres, 7 de outubro, tivemos o privilexio de contar na nosa biblioteca coa poetisa murciana Mariángeles Ibernón Valero, grazas á colaboración do Círculo Poético Ourensán.

Os nenos e nenas do centro déronlle a benvida cos poemas "El sol perezoso" e "Helado de turrón" e cun elaborado por nós mesmos que chegou a emocionar á autora e a moitos dos presentes no acto ao soar a música de fondo do seu amigo Moy Gomar.

Durante o encontro, Mariángeles respondeu amablemente á morea de cuestións que o alumnado lle prantexou relacionadas coa súa vida e obra que previamente traballaran nas aulas. Ademais das moitas cousas que xa sabiamos dela, descubrimos que lle gusta o mar, pero que non sempre foi así... que a súa cor favorita é o azul... que comezou a escribir desde moi nova grazas ás ensinanzas da súa nai... o motivo polo que ás súas sobriñas lle chaman Tata chula... que o seu primeiro poema foi "La sirena"... que lle gusta a poesía de Quevedo... que estudou arquitectura, aínda que só exerceu para facer a súa casa...e o máis importante que se sinte moi feliz e non sabría vivir sen "as letras"...

Coa súa axuda, recitamos varios poemas do seu poemario "Me dibujas un verso". Como remate final do encontro, deixounos un encargo lírico que pronto vos mostraremos nesta web.

GALERÍA DE IMAXES

Mariángeles deu os "Buenos días" no seu Facebook dándonos as grazas pola acollida recibida na nosa biblioteca.

O venres 7 de outubro a poetisa Mariángeles Ibernón Valero visitou a nosa biblioteca grazas á colaboración do Círculo Poético Ourensán.

Nace en Cehegín, Murcia, no ano 1967. Poeta, editora e xestora cultural.

Comezou a escribir sendo moi nena, sentada á beira da súa nai enferma de cangro, enfermidade que marcou a súa vida xa que quedou orfa moi nova e perdeu una irmá.

Autora do poemario “Susurrando palabras”, libro dedicado á súa irmá e que donou a beneficio da AECC; do libro de poemas infantís “Me dibujas un verso?”, poemario solidario cuxos fondos van destinados a un orfanato da India. A súas últimas publicacións son “69 huellas eróticas” e “Siempre es tiempo de cerezas”, este último dedicado ao seu pai.

Deuse a coñecer na revista dixital “Acantilados de papel”. Despois foi fulgurante a súa incorporación ás letras en revistas e libriños anuais.

Coordina na actualidade “Café con versos” en Murcia e a revista literaria “Con luz y poesía”.

Tamén imparte obradoiros de poesía a nenos, “Saca el poeta que llevas dentro”, introducíndoos á imaxinería poética.

Diariamente danos os bos días cun dos seus poemas, ela di que ao levantarse o seu primeiro pensamento é unha poesía.

• Encontro coa autora na nosa biblioteca
  
  

MATERIAL PARA TRABALLAR EN CLASE

• Presentación en ppt.
• Presentación en pdf.
• Presentación en Slideshare.
• Poemas:
• El sol perezoso.
• Helado de turrón.
• Saúdos do alumnado.

Os nenos/as de 1º e 2º E.P. transformáronse este curso en fieis discípulos do pintor Pablo Picasso.

Prepararon a súas  white T-shirts con blue stripes e as yellow palettes deron pason ás blue guitars que tocaron de xeito maxistral ao ritmo de Counting Crows.

Celebraron o Picasso´s  birthday con cards and a party, pasearon e disfrutaron coas Picasso´s bags.

E a tarefa central:

“El niño que mordió a Picasso”
“The boy who bit Picasso”

Paso a paso, seguindo a lectura deste libro, sacaron o artista que todos eles/as levan dentro: a dish, a doveof peace, mum´s sillouethe, Picasso´s map, Maya with a boat, a sculpture (monkey con cabeza de car).

O alumnado do CIFP Portovello representou, no teatrillo de guiñol, unha adaptación, feita por eles mesmos, do conto "A cebra Camila", escrito por Marisa Núñez, ilustrado por Ocar Villán i editado por Kalandraka.

O público infantil, e non tan infantil, foi cutivado pola historia que lle aconteceu á cebra Camila, e disfrutou da fantástica posta en escena deste precioso conto.

Camila é unha cebra moi traste que desobedece a súa nai  e non se abriga. Un día, ao saír de casa, o vento levoulle as raias do vestido. Ela chorou bágoas de pena, polas raias perdidas. Nesta historia acumulativa, Camila foi recuperando as súas raias a medida que ía atopando personaxes polo camiño (unha araña, unha serpe, o arco da vella, un pato, un caracol,...) que lle axudaron co que puideron, sen esperar nada a cambio, logrando, con cada agasallo, que Camila chorara menos e esquecera a súa pena...

A cebra Camila é un conto que fala sobre a importancia que teñen na nosa vida o resto de persoas e a axuda, o afecto, o respecto... que nos poden facilitar para ser felices.

Este conto é moi adecuado para traballar as emocións, a solidariedade e a amizade.

Moitos parabéns para o alumnado do CIFP Portovello pola súa elección e  representación.

GALERÍA DE IMAXES

Como remate, desta actividade de animación á lectura, divertímonos bailando e imitando os movementos das personaxes que apareceron na historia...

Pasámolo xenial!!!

Este ano as Letras Galegas rendiron homenaxe ao lugués Manuel María Fernández Teixeiro.

Ao longo do mes de maio o alumnado do noso centro traballou cos recursos recopilados polo EDL. Asemade, ao longo da semana das Letras galegas realizamos unha Caza do Tesouro cos cartaces do CEIP de ... no que gran cntidade de alumnos e alumnos foron quen de atopar as rspostas a todas as preguntas prantexadas.

O 18 de maio realizamos un recital de poesia na biblioteca do centro no que participaron todos os cursos coas seguintes poesías: (se premedes na ligazón veredes o vídeo da actuación).

• Caracol. 4º e 5º de Ed. Infantil.
• O meu barco. 6º Ed. Infantil.
• Inverno. 1º de Ed- Primaria.
• Teatro de guiñol. 2º de Ed. Primaria.
• O sol. 2º de Ed. Primaria.
• O bando. 3º de Ed- Primaria.
• Galicia. 4º de Ed. Primaria.
• O vento. 5º de Ed. Primaria.
• O río. 6º Ed. Primaria.

Para rematar o alumnado de segundo e cuarto presentaron os seguintes vídeos con poemas rapeados de Manuel María:

O ARCO DA VELLA

GALICIA

GALERÍA DE IMAXES