5º Curso

No curso escolar 2022-2023, despois do éxito de cultivar a horta no CIFP Portovello e intentando que todo o alumnado do colexio poida plantar os seus produtos, decidimos facer 4 pequenas hortas.

Nas seguintes imaxes teredes acceso ao traballo desenvolvido neste curso:

EDUCACIÓN INFANTIL	1º CICLO
2º CICLO	3º CICLO
CIFP PORTOVELLO

Aquí deixamos como deseñamos e construímos a nosa horta con 4 parcelas para que todo o alumnado poida cultivar diversos produtos dentro dunha economía sostible.

Os pasos que demos foron os seguintes:

DESEÑO

• Buscamos o lugar máis soleado e máis resgardado para que o cultivo sexa o máis produtivo posible.
• Pensamos e deseñamos o tamaño e cantidade de bancais. Neste caso 4 bancais: 1 para o alumnado de Educación Infantil, 1 para o alumando de 1º e 2º de Educación Primaria, 1 para o alumando de 3º e 4º de Educación Primaria e 1 para o alumando de 5º e 6º de Educación Primaria. O tamaño é de 1 metro de ancho por 4 metros de longo e 0.25 metros de alto cun volume de 1 metro cúbico por bancal.  
• Marcar o lugar con cordeis.

CONSTRUCIÓN

• Retirada de herbas e facer rego para atopar o firme e así poder asentar o bloque.
• Colocación do bloque.
• Cubrir de terra para o cultivo.

Nas últimas semanas de abril o alumnado das diferentes aulas comezou a plantar na súa horta produtos como: leitugas, coles, cabazas, framboesas, pepinos, cenorias, tomates,...

Os nenos e nenas de 6º de Educación Primaria, ademais de cultivar a nosa horta escolar, seguimos colaborando co mantemento da horta situado no CIFP Portovello.

 DEGUSTACIÓN DOS PRODUTOS DA NOSA HORTA

As tormentas do mes de maio e xuño fixeron estragos na nosa colleita.

O mércores, 12 de abril de 2023, o alumnado do CEIP Plurilingüe Manuel Sueiro, visitou a instalación do CNP (Corpo Nacional da Policía) sita no barrio de As Lagoas.

A visita encádrase dentro do programa Plan Director e grazas a ela puidemos percorrer diferentes dependencias da Comisaría como: o control de entrada no que nos ensinaron as diferentes cámaras de vídeo vixilancia; a oficina de denuncias, na que nos indicaron cales son as dúas funcións e como redactan as denuncias; o museo no que puidemos observar diferentes elementos da historia do CNP como traxes, instalacións, instrumentos usados para a identificación de pegadas,,,; heliporto no que puidemos observar a altura do edificio e lugar onde aterran os helicópteros; zona de tiro no que nos amosaron os instrumentos de traballo e como fan as prácticas de tiro e por último o estacionamento de vehículos no que nos amosaron as motocicletas e un vehículo policial.

A visita foi espectacular... xa estamos desexando poder repetila o curso que ven xa que nos quedaron moitas preguntas sen facer,

O 30 de abril visitounos unha patrulla da Policia Nacional de Ourense co obxectivo de pór en valor o traballo que están a realizar na nosa cidade.

Todo o alumnado do centro participou nesta activiade e puido observar in situ e, incluso, manipular os diferentes materiais e aparellos que a Policia Nacional emprega no seu traballo diario.

Foi unha experiencia moi positiva xa que se logrou mudar o pensamento xeralizado da maioría do alumnado que pensaba que o único traballo deste corpo de seguridade era perseguir ás persoas delincuentes.

O alumnado do CEIP Plurilingüe Manuel Sueiro realizou tres visitas ao supermercado GADIS no centro comercial Pontevella dentro do programa Alimentes.

A visita estivo estruturada 7 zonas nas que mostraron a noso alumnado as características dos alimentos, o seu empaquetado, a distribución e a súa importancia para unha dieta saudable.

A primeira das zonas consistiu nunha explicación da importancia da roda dos alimentos nos que nos amosaban os cinco apartados máis importantes para unha dieta saudable: vexetais (froitería), froitas (froitería), cereais (panadería), carnes, peixes, legumes, ovos e froitos secos (carnicería, peixería e estantes dos supermercados) e auga.

A segunda das paradas foi na froitería na que nos ensinaron produtos de proximidade con diferentes formas e sabores nos que destacamos as froitas como as laranxas, peras, mazás, pomelos,... e hortalizas.

A terceira das paradas foi a panadería na que observamos os diferentes tipos de pan como o tradicional (pan de Cea) ou o elaborado (pan de molde en bolsa).

A continuación fomos a peixería na que nos amosaron os diferentes peixes sabendo diferenciar o peixe branco do azul e algún peixes que nunca víramos como as raias. O que máis nos sorprenderon foron os polvos.

Despois da peixería foron a charcutería no que descubrimos a grande cantidade de produtos elaborados que non deberían estar na nosa dieta.

A sexta das zona foi a carnicería na que puidemos aprender a diferencia entre carnes vermellas e carnes brancas.

A última das zonas foi a zona das bebidas nas que descubrimos a “Kombucha” ou fungo do te, sendo unha bebida fermentada feita a base de te cuxa fermentación se obtén a través do cultivo de bacterias e lévedos. A bebida máis importante para o noso organismo e a mellor para unha dieta saudable é a auga.
O supermercado GADIS agasallounos cunha mochila cunha mazá e unha botella de auga. 

A visita foi xenial... e como sempre despois dun bo traballo rematamos cunha boa merenda e na zona de xogos.

VISITA DE EDUCACIÓN INFANTIL

VISITA DE 1º, 2º e 3º de Ed. PRIMARIA

VISITA DE 4º, 5º e 6º de Ed. PRIMARIA

O xoves 23 de marzo de 2023 o alumnado de 6º de Educación primaria celebrou o Día da Meteoroloxía centrado no tema  O futuro do tempo, o clima e a auga a través das xeracións.

A actividade comezou coa proxección do vídeo https://www.diainternacionalde.com/ficha/dia-meteorologico-mundial#resTit_1, destacando o tema central para o ano 2023: O futuro do tempo, o clima e a auga a través das xeracións. Con este tema preténdense destacar os avances tecnolóxicos pasados, o progreso actual e o futuro.

Pero Que se entende por meteoroloxía? A meteoroloxía é unha ciencia que se encarga de estudar todos os fenómenos que ocorren na atmosfera da Terra como o clima, os ventos, a choiva, entre outros.

A meteoroloxía e o cambio climático. Nas últimas décadas ocorreu un incremento dos fenómenos meteorolóxicos como furacáns, tormentas eléctricas, secas, incendios forestais, inundacións, entre outros, que representan unha gran ameaza para a vida do home no planeta. Todo isto provocou un cambio climático de gran envergadura, que causou a desaparición de moitas especies, grandes ecosistemas mariños e terrestres e a morte de millóns de seres humanos.

Por que é importante celebrar o Día Meteorolóxico Mundial? O motivo principal para celebrar o Día Meteorolóxico Mundial é crear conciencia entre os homes e os distintos gobernos do mundo, do papel que ten o coidado e preservación do clima e do medio ambiente, para a preservación da vida na Terra.