Escolares, 1º Curso, 2º Curso, 3º Curso, 4º Curso, 5º Curso, 6º Curso, Ed. física, Ed. infantil, Idioma estranxeiro, Ed. Musical

O mércores, 12  de novembro, o alumnado do 1º Ciclo de Ed. Primaria participou no "Cocido Sinfónico" que resultou ser un espectáculo innovador de teatro, música e humor, dirixido a un público infantil onde ás portas dun peculiar restaurante, ábrense dispostas a ofrecerlles aos comensais as músicas máis saborosas, acompañadas dos pratos máis suculentos e novidosos.

Tanto o alumnado como o profesorado disfrutou das aventuras representadas no escenario por Os tres tenedores.

O alumnado de 5º e 6º curso de Ed. Primaria participou no 1º Concurso de animación á lectura. Foi unha actividade lúdica proposta como tarefa final á lectura do libro "El largo verano de Eugenia Mestre" que tivo lugar ao longo do mes de outubro no tempo destinado á Hora de ler. A súa lectura tiña como finalidade principal inculcar no lector valores tan importantes como a xenerosidade, tolerancia, xustiza e amizade.

Os lectores e lectoras demostraron o seu coñecemento das vivencias de Gene e Goyo, protagonistas da historia, respostando directamente ás diferentes preguntas que o moderador lles ía facendo ou acertando por rebote as que os seus compañeiros non eran quen de adiviñar. Varios grupos demostraron que prepararan moi ben a lectura do libro. Ao final resultou gañador o equipo que máis preguntas acertou: o equipo C.

Gañadores do concurso

Os participantes quedaron moi satisfeitos co desenvolvemento do concurso e xa están desexando rematar a lectura do próximo libro que traballaremos no Club de lectura, "El laberinto de los números romanos", incluído como recomendación no Plan anual de lectura e en relación ao PDI da biblioteca "Megúllate nun mar de números".

Galería de imaxes do cocurso

Para ir entrando en materia, un ano máis o equipo de Normalización Lingüística  convocou o concurso de postais e poesías de Nadal. As obras de arte estiveron expostas no centro e finalmente as postais gañadoras  felicitaron as festas a toda a comunidade educativa, como xa tiveron ocasión de comprobar.

A medida que avanzaban os días o  aspecto do centro ía cambiando… grilandas, debuxos con motivos navideños, árbore de Nadal co Papá Noel e, por suposto presidindo o vestíbulo: o Belén. Cómpre sinalar que a totalidade das pezas foron realizadas por nenos e nenas de cursos anteriores. Ver fotos do Belén na galería.

Os pequechos de infantil practicaron a súa panxoliña ao pé da árbore de Nadal. No vídeo podedes mirar que ben o facían.

Ver vídeo

O xoves 19, celebrouse no IES das Lagoas o festival de Nadal. O instituto cedeunos as súas instalacións para así  poder dar maior cabida ás familias e  gozar comodamente das actuacións. Desde o centro agradecemos a presenza , case se pode dicir multitudinaria, das familias e destacamos que foi un fermoso espectáculo palpar no ambiente os nervios e ilusión dos nenos e nenas xunto co orgullo dos papás, avós etc. 

Fai click aquí

Fai click aquí

A guinda púxoa a ANPA o último día de clase. Despois de varias negociacións conseguiron que os Reis Magos se achegaran ata o noso cole! Tiveron o detalle de ir pasando por tódalas aulas recollendo as cartas cheas de ilusión dos pequenos  e dándolles un adianto cun agasallo.

Logo destes momentos tan intensos un chocolate con churros e bica esperábanos no comedor para clausurar o 1º trimestre e comezar as vacacións cun delicioso sabor de boca.

O Concello de Ourense cada ano convoca un concurso de postais. Esta vez participaron os nenos e nenas de infantil. Quedou demostrado que temos uns artistas no noso colexio, pois unha vez máis o premiado saiu das nosas aulas.

O 18 de decembro veu unha representación do Concello ao noso centro para facer entrega ao gañador do concurso cun estupendo premio.

A postal gañadora foi creada polo neno de infantil de 3 anos:

• Diego Urbina Estrada

Ademais do agasallo para el, a súa postal foi a que empregou o Concello para felicitar as festas de Nadal.

O día 6 de decembro, no Auditorio de Ourense, entregáronse os premios aos gañadores e gañadoras do concurso sobre  a Constitución que se convoca tódolos anos. No noso centro, CEIP Manuel Sueiro, tivemos a sorte de contar con catro gañadores, como xa se informou fai uns días nesta páxina web. Noraboa a todos/as !

Aquí deixamos as obras mestras do noso alumnado! A continuación podedes ver as fotos que saíron no periódico La Región sobre o acto.

(Fonte: La Región)

(Fonte: La Región)