Enviado por admin o Mar, 07/05/2024 - 17:29
O último luns do mes de abril, tivemos a nosa cita mensual co Club de Lectura. E que mellor forma de celebrar o Día do Libro que visitar a librería do noso barrio e poder compartir gustos literarios tan diversos coa nosa rapazada.
A nosa próxima cita lectora será co libro A sonrisa perdida de Paolo Malatesta.
Enviado por admin o Lun, 06/05/2024 - 19:56
Dentro do proxecto de mobilidade internacional KA171, os membros do departamento de Informática Roberto Pérez García e Nuria Canle Casares, visitamos 3 centros de ensinanza universitaria en Sousse, Túnez, entre os días 22 e 26 de abril.
Durante a nosa estancia, o coordinador de relacións internacionais da University of Sousse, Hichem Romdhani, mostrounos o funcionamento administrativo da universidade, así como os estudos que alí se ofertan e as competencias que traballa o alumnado. Tamén coñecemos aos membros do departamento de informática de dita universidade, da man da súa coordinadora, así como os campos de investigación aos que dedican os seus esforzos.
Ademais, visitamos tamén a Ecole National D’Ingénieurs de Sousse, da man do seu presidente Ali Douik, que nos amosou as súas instalacións e o equipamento e maquinaria dos que dispoñen, co que o alumnado traballa ao longo dos seus estudos. Trátase dunha escola moi ben dotada e cun nivel de preparación do alumnado moi elevado, onde as carreiras contan cunha maioría de alumnado feminino.
Por último, tamén visitamos o Institut Supérieur d'Informatique et des Technologies de Communication onde, malia ser un centro máis pequeno, se imparten carreiras técnicas, entre elas, enxeñería informática, e contan con varios grupos de investigación e traballo onde o alumnado pode buscar a área na que desexe desenvolverse.
En tódolos casos mostráronnos a súa dedicación e interese por proporcionarlle ao alumnado o maior nivel de aprendizaxe posible para que se desenvolvan persoal e profesionalmente, co que conseguen profesionais ben formados e solicitados por grandes empresas. Agradecer a súa hospitalidade e interese en realizar futuras colaboracións connosco, que agardamos que así sexa.
Enviado por admin o Mér, 01/05/2024 - 22:28
A semana do 15 de abril, dentro do noso proxecto Erasmus+ KA171 recibimos a visita de profesorado da Royal University of Bután, concretamente do Sherubtse College (Trashigang, Bután). O profesorado das ramas de Informática, Comercio e Comunicación tivo a ocasión de visitar as instalación do noso centro e interactuar co alumnado dos ciclos de informática para compartir con eles información sobre Bután, a súa cultura e educación.
O profesorado tivo tamén a ocasión de visitar outros centros educativos da contorna participantes no proxecto Erasmus+ así como de afondar no coñecemento do noso sistema educativo e da cultura galega.
Esta visita supuxo unha continuación da mobilidade levada a cabo polo noso profesorado en semanas anteriores e esperamos que sirva para estreitar lazos con esta institución para futuras colaboracións.
Enviado por admin o Mar, 30/04/2024 - 23:09
Dentro do proxecto de mobilidade internacional KA171, os membros do departamento de Informática, Patricia González e Juan Carlos Pérez, asistiron á Staff Week organizada pola TSU (Tbilisi Sate University) de Xeorxia, entre os días 13 e 20 de abril. En dita convocatoria participaron ademais uns 60 representantes de diferentes institucións académicas e universidades de países como Alemaña, Italia, Francia, Turquía, República Checa, Polonia, entre outros.
Durante a nosa estancia en Tbilisi reunímonos con membros da Facultade de Informática da TSU, concretamente cos profesores Archil Elizbarashvili e Alexandre Gamkrelidze, os cales impartirán no mes de maio unhas charlas sobre Administración de Linux e Intelixencia Artificial, respectivamente na nosa institución. Na reunión estivemos analizando diferentes cuestións relacionadas coa súa visita a Vigo, así coma posibles colaboracións en proxectos comúns.
Asemade, tamén tivemos a ocasión de reunirnos cos alumnos xeorxianos que estiveron realizando prácticas laborais durante os meses de verán en empresas de Informática en Vigo: Illia, Mariami, Giorgi e Levan. Durante este encontro estes alumnos salientaron o positivo que foi a súa experiencia en Vigo tanto dende o punto de vista persoal como laboral. Finalmente, tamén houbo reunións con membros doutros centros asistentes á Staff Week nas que deron lugar un intercambio de experiencias e opinións dos diferentes sistemas educativos.
Salientar a atención recibida pola institución de acollida, a cal ofreceunos ao longo da semana un extenso programa de actividades e inmersión social e cultural do seu país asistindo a diferentes actos e visitas coma a museos, conferencias, concertos de música clásica e outras actividades invitados pola TSU. Non queremos deixar pasar a ocasión de agradecer tanto o grado de organización como a atención e o trato recibido polos nosos colegas da TSU, quenes nos axudaron en todo momento para a coordinación das nosas reunións técnicas que tiñamos programadas, ademais das propias no marco da Staff Week, sen esquecer o seu esforzo por mostrarnos a beleza e a cultura do seu país.
Enviado por admin o Mar, 30/04/2024 - 00:21
Ábrese o prazo da convocatoria para a realización de mobilidades de alumnado no estranxeiro no período comprendido entre outubro e decembro de 2024. A convocatoria está dirixida ao alumnado de ciclos medios e superiores das familias profesionais de Imaxe Persoal e Informática.
Enviado por admin o Lun, 29/04/2024 - 23:46
O Comité Interanpas, formado polas ANPAS do centros educativos do barrio, no marco do Plan Comunitario de Teis celebra con éxito de asistencia, o sábado día 20 de abril 2024, as VII Olimpiadas de Teis nas que participan máis de 200 nenas e nenos dos centros de Infantil e Primaria.
O Instituto de Teis, colabora co Plan Comunitario de Teis, e con as ANPAS, no éxito de estas actividades, e agradece que se volten a organizar no Centro, no vindeiro ano 2025, cando se celebren os 40 anos do Instituto.
Enviado por admin o Lun, 29/04/2024 - 16:21
Este martes, 30 de abril, temos deseñada unha actividade para os cursos segundo de DAM e segundo de DAW sobre Cierseguridade.
Hora: 9:00 horas
Duración: 1.30 horas
Poñente: Kike Fontán
O alumnado dos ciclos da modalidade de distancia poderá seguilo en directo na nosa canle de YouTube.
Enviado por admin o Mér, 10/04/2024 - 17:59
O IES de Teis oferta cursos de Capacitación Dixital nivel intermedio, dirixidos a PERSOAS ADULTAS (traballadoras, desempregadas, ...) que queiran mellorar as súas HABILIDADES DIXITAIS e adquirir destreza no manexo das novas tecnoloxías e Internet.
Son cursos de 30 horas, GRATUITOS, con CERTIFICACIÓN OFICIAL DE CAPACITACIÓN DIXITAL DE NIVEL 2 DO CATÁLOGO NACIONAL (IFC748_2).
O curso impartirase dende o martes 4 de Xuño ao mércores 19 de Xuño, os martes, mércores, xoves e venres, en horario de 16.00h a 19.00h.
Poderás realizar a inscrición dos seguintes xeitos:
- Chamando ao 886 12 04 64 ou
- A través do seguinte formulario
- Presencialmente no IES DE TEIS (Avenida de Galicia 101 -36216 Vigo)
Entre os contidos a traballar atópanse os seguintes:
- Administración electrónica: solicitude de citas médicas, obtención de certificados, emprego de apps,...
- Empregar sistemas de identificación: Chave 365, Clave Pin, Certificado dixital, ...
- Uso da banca electrónica e Bizum.
- Compartir e comunicarte a través das redes sociais: Whatsapp, Instagram, ...
- Deseñar as túas propias creacións dixitais
- Comunicarte cos teus amigos e familiares con videoconferencia, correo electrónico,...
- Atopar en Internet a información que buscas con máis exactitude.
- Compartir e almacenar información na nube
- Autenticación de doble factor
- Moitas outras cousas máis relacionadas con Internet, as redes sociais, , ....
Enviado por admin o Mér, 03/04/2024 - 20:08
Aberto o prazo de solicitude das becas do Ministerio de Educación para alumnado de Bacharelato e ciclos formativos, para o curso 2024/25.
Poderanse solicitar aquí dende o día 19 de Marzo ao 10 de Maio.
Enviado por admin o Mar, 30/04/2024 - 00:53
Os alumnos do Ciclo de DAM adultos presencial visitaron o museo do videoxogo de Cangas (MUVI). Unha ollada ao pasado para comprender mellor o futuro dos videoxogos.
Tanto alumnos como profesores desfrutaron do momento, uns volvendo aos seus tempos de xuventude e outros descubrindo como foi a orixe do que pode chegar a ser o seu futuro profesional como programadores de videoxogos. A visita completouse cunha charla-conferencia a cargo dun refutado programador galego de videoxogos "Indies" quen animou aos alumnos a adentrarse nese apaixoante mundo
Enviado por admin o Lun, 29/04/2024 - 23:55
El pasado 19 de abril varios alumnos de 4º ESO participaron en la 7º competición de Robots de la Escuela de Ingeniería Industrial de la Universidad de Vigo.
El concurso tiene como objetivo promocionar las disciplinas STEM entre alumnado de la ESO, bachillerato e incluso FP.
En el concurso los dos equipos participantes tuvieron que resolver dos retos. El primero consistía en que el robot siguiera un camino marcado en el suelo del circuito por una cinta adhesiva blanca sorteando obstáculos y superando un badén trapezoidal y en la segunda prueba, los equipos tuvieron que programar al robot para dar 3 vueltas en un circuito circular sorteando varios obstáculos dispuestos en el circuito.
Sin duda, el alumnado participante ha disfrutado de una jornada de convivencia con multitud de equipos donde pudieron compartir experiencias de una forma práctica y divertida familiarizándose con la programación robótica.
Por otro lado, debemos felicitar a los equipos participantes ya que a pesar de la complejidad técnica han conseguido resolver los retos propuestos consiguiendo además, uno de los equipos, llegar a a final de la competición, quedando así entre los 15 mejores equipos participantes. El otro equipo se quedó a las puertas de llegar a la final por unas décimas de segundo en los resultados de las pruebas. Por lo tanto, los resultados han sido todo un éxito para el alumnado del instituto.
Enviado por admin o Ven, 19/04/2024 - 18:30
Os profesores Mercedes Fernández Rey e Luis Rodríguez Gómez do Departamento de Imaxe Persoal realizaron unha mobilidade a Lyon a comezos do mes de abril e comparten con nós a súa experiencia:
Ao fondo da primeira imaxe, en pleno centro de Lyon o Lycée des Métiers des Arts de la coiffure, institución de acollida do noso Erasmus.
O Erasmus permitiunos tomar contacto con persoal do lycée, asistir a algunhas das clases e compartir ideas e metodoloxías aplicadas na aula. Visitamos as instalacións do lycée.
Visitamos ademáis a ópera de Lyon, visita guiada por un exalumno do lycée, responsable de maquillaxe e perrucas. Asistimos a preparación da ópera, A dama de picas, de Thchaikovsky, así como coñecer a ópera por dentro e cómo traballan o persoal de maquillaxe e perrucas. Máis tarde asistimos à ópera como espectadores.
Tamén visitamos unha peluquería que traballa con tintes naturais e unha empresa aos arredores de Lyon, Marcapar, onde nos mostraron todo o relativo a súa empresa e o laboratorio de cosmética natural.
A experiencia foi moi positiva e enriquecedora.
Finalmente, Lyon pareceunos unha cidade moi fermosa e chea de cultura.
Enviado por admin o Ven, 19/04/2024 - 18:17
Dentro do proxecto de mobilidade internacional KA171 as compañeiras do departamento de informática Marta Rey e Vanesa Resúa visitamos á Royal University of Buthan. En concreto estivemos no Sherubtse Collage de Trashingang. Alí coñecemos o funcionamento do campus universitario da man do seu presidente e do conxunto de profesorado e compartimos formación co alumnado. Nunha primeira sesión fixemos a través dunha presentación ao equipo docente, unha achega á Galicia, a nosa cultura e o noso centro. Posteriormente, xa co alumnado Marta impartiu unha clase de Seguridade Informática e Vanesa de Machine Learning cun acollemento moi bo por parte do estudantado butanés, vestidos todos e todas ao igual que o profesorado ao estilo tradicional. A experiencia foi moi positiva tanto a nivel profesional como persoal.
Ademais da universidade contamos co privilexio de visitar un colexio con alumnado de ata catorce anos e falar co seu profesorado e coas meniñas e meniños que estaban nas clases e que nos recibiron con ledicia e abraio. Coñecer este pequeno reino do Himalaia, a súa cultura, a súa fala, os seus coñecementos técnicos e humanos fixo de nós mellores profes e mellores persoas. Grazas a Bután e as súas xentes polo trato tan marabilloso. Agardámosvos!!!.
Enviado por admin o Mér, 13/03/2024 - 10:26
O alumnado de 4º da ESO que obteña o título de graduado/a en ESO recibirá o certificado que acredite o nivel de iniciación de Competencia Dixital (ComDix).
O alumnado matriculado en 4º da ESO poderá presentarse a unha proba específica co obxectivo de acreditar os coñecementos, habilidades e actitudes propias do nivel intermedio.
A proba específica que acredita o nivel intermedio realizarase durante o mes de maio no noso centro.
Enviado por admin o Ven, 08/03/2024 - 18:22
Enviado por admin o Mér, 28/02/2024 - 21:58
Saída cultural a Madrid do grupo de primeiro de Asesoría de Imaxe Persoal e Corporativa. Visitaron o Museo del Traje e a exposición temporal "La moda en la casa De Alba" do museo do Palacio de Liria.
Enviado por admin o Mér, 21/02/2024 - 19:13
O pasado fin de semana tivo lugar a II edición do maior hackaton estudiantil de Galicia, o HackUDC, na Universidade da Coruña, onde se xuntan estudiantes que deberán resolver xuntos numerosos retos e proxectos ao longo de 3 días. Alí estiveron e participaron 3 alumnos de Informática do IES de Teis! Eles son Guillermo e Noelia de 2º de ASIR e Pedro de 2º de DAW. Bravo por eles!
Artigo en La Voz de Galicia
Enviado por admin o Ven, 16/02/2024 - 17:57
Cinco representantes de 4 de ESO e cinco de 1º de Bacharelato acudiron o día 7 de febreiro á XV Olimpíada de Xeoloxía, acompañados das profesoras Berta Barreiro e Vanesa Primo.
A actividade consistiu nunha proba práctica tipo xincana que se desenvolveuse na contorna do Monte da Guía e unha proba teórica que se realizou na Escola de Enxeñaría de Minas e Enerxía de Vigo. Durante a xornada tamén participaron nunha serie de talleres sobre pinturas e sobre intelixencia artificial aplicada a minerais que impartía a Escola de Enxeñaría de Minas e Enerxía de Vigo.
Foi unha oportunidade de estar contacto coa natureza, para poñer en práctica o aprendido nestes meses e para convivir con alumnado doutros centros. Para máis información sobre a xornada pódese consultar o enlace da Universidade de Vigo: XV Olimpíada de Xeoloxía
Enviado por admin o Ven, 16/02/2024 - 17:45
O Departamento de Informática únese ás actividades que realiza o Grupo de Igualdade para conmemorar o 11F (Día internacional da muller e a nena na ciencia). O pasado xoves 8 de febreiro dende distintos cursos dos nosos ciclos conectámosos en streaming á xornada que organizou o Muncyt (Museo nacional de ciencia y tecnología) da Coruña, en colaboración coa facultade de Informática da mesma cidade, para asistir as catro charlas que tiveron lugar ao longo da mañá. As relatoras foron catro doutoras en Enxeñaría Informática e ofreceron unha visión divulgativa e con diversos enfoques da Intelixencia Artificial.
Enviado por admin o Lun, 22/01/2024 - 21:40
O alumnado de francés de 3º e 4º ESO asistiron o pasado venres 19 de xaneiro a representación teatral Emilie arrive à Paris en Cine Teatro Salesianos de Vigo. É unha adaptación dunha serie estadounidense: unha moza española ten que trasladarse a París por traballo. Ao final da obra, os espectadores puideron charlar cos actores: saber como preparaban as escenas, como facían para memorizar os textos...
Enviado por admin o Ven, 19/01/2024 - 21:17
DevFest é un evento tecnolóxico mundial organizado polas comunidades GDG e ambassadors de WTM, que se leva a cabo entre setembro e decembro de cada ano. Preséntanse charlas, demostracións prácticas e laboratorios de código sobre a última tecnoloxía de Google, e onde se reúnen profesionais, estudantes e entusiastas da tecnoloxía para compartir coñecementos e experiencias. Nesta ocasión o alumnado de 1º e 2º do ciclo superior DAW en Informática, aproveitou a oportunidade de asistir e coñecer sobre aplicacións de desenvolvemento Web e Intelixencia Artificial, acompañados polas profesoras: Cristina Puga, Marta Rey e Jeny do Vale. Foi unha experiencia totalmente gratificante.
Enviado por admin o Ven, 19/01/2024 - 20:34
O alumnado de 2º do CM Sistemas Microinformáticos e Redes e de 2º do CS Administración de Sistemas Informáticos en Rede da quenda de Ordinario, acompañados polos docentes do centro Armando Cousiño, Agustín Sobral e Jeny do Vale, viaxa
Enviado por admin o Lun, 18/12/2023 - 19:05
Xa está en marcha o noso obradoiro P´tit échange con Anna para falar francés coa lectora da sección bilingüe de Francés (no ciclo de Estética integral e benestar). Tódolos mércores durante o recreo se sabes francés e queres practicar, achégate á biblio.
Enviado por admin o Dom, 29/10/2023 - 21:40
O pasado venres 27 de outubro, Laura Bárcena Varela, alumna de 1º do ciclo medio de Estética e Beleza que rematou no curso pasado o ciclo medio de Peiteado e Cosmética Capilar, e Víctor Posada
