Skip to main content

Velaquí a cerna da loita, Igualdade, a nosa arela.

Igualdade

Día do orgullo LGTBI+

Enviado por admin o Mér, 28/06/2023 - 23:45

<br /> Orgullo 2023

Hoxe, día 28 de xuño, conmemórase e celébrase o Día Internacional do Orgullo LGTBI+ para defender e apoiar os dereitos e liberdades dun colectivo ao que se lle negaron ao longo da historia. Dende o IES de Teis mostramos orgulloses o noso apoio a todas as orientacións sexuais e a todas as identidades de xénero. Neste instituto traballamos diariamente para promover valores como o da tolerancia, empatía, respecto, corresponsabilidade e igualdade entre o noso alumnado, denunciando e loitando pola prevención e a sensibilización de todo o tipo de violencia, intimidación ou discriminación por mor do xénero ou orientación sexual e reclamando a súa erradicación. Feliz Día do Orgullo, hoxe e todos!

Exposición sobre violencia sexual

Enviado por admin o Mar, 16/05/2023 - 18:46

<br /> Exposición sobre violencia sexual

O noso instituto acolle estes días unha exposición itinerante sobre violencia sexual. Consta de 10 paneis informativos que abordan que é a violencia sexual, tipos, as súas consecuencias, como pode axudar o grupo de iguais á persoa agredida e claves para unha convivencia en respecto, liberdade e igualdade.

Día da visibilidade lésbica

Enviado por admin o Mér, 26/04/2023 - 16:29

<br /> Día da visibilidade lésbica

Hoxe, día 26 de marzo é o Día da visibilidade lésbica. Para conmemoralo o grupo de Igualdade e Diversidade preparou a exposición Lesbianas na historia, de pósteres creados por Ojalá, Asociación LGBT de Málaga e traducidos ao galego por Rede LGTBIQ+ (Rede educativa de Apoio LGTBIQ+ de Galicia).

8M: Día da muller

Enviado por admin o Mér, 12/04/2023 - 18:22

<br /> Día da Muller 2023

O alumnado e o profesorado do IES de Teis reunímonos un ano máis para recordar que a igualdade real e efectiva está no noso ideario, recordar os retos que temos pendentes, coller forza para afrontalos colectivamente e, sobre todo, para celebrar eses pequenos pasos que, dende hai máis de 150 anos, imos dando, paso a paso e sempre cara diante, para construir un mundo máis libre e igualitario.

Nun marzo coma este, pero a mediados do século XIX, milleiros de traballadoras das fábricas textiles de Estados Unidos manifestáronse en protesta pola desigualdade salarial e laboral respecto dos seus compañeiros. As protestas desencadenaron unha brutal represión da policía que, lonxe de amedrentar ás mulleres, deu un pulo importante ao incipente movemento feminista: as mulleres do mundo foron uníndose e organizándose ata proclamar, xa a principios do XX, a celebración dun día adicado a reivindicar a loita pola igualdade e a celebrar os seus logros. Dende entón ata hoxe, a igualdade entre mulleres e homes avanzou moito, cando menos no contexto occidental no que nos movemos. Algúns dos logros do movemento feminista ao longo destes máis de 150 anos son:

Día da muller e a nena na ciencia

Enviado por admin o Dom, 05/03/2023 - 14:11

<br /> Día da muller e a nena na ciencia

O pasado 11 de febreiro, con motivo do Día da muller e a nena na ciencia o alumnado das asignaturas de castelán, galego, inglés e francés de mulleres na ciencia creou e expuxo nos corredores pósteres sobre mulleres relevantes no ámbito científico. Podedes velos todos neste vídeo.

Ademais, o Departamento de Educación Plástica e Visual, traballou co alumnado de 4º da ESO para crear esta exposición das caretas ilustradas por Marta Riera