Skip to main content

Velaquí a cerna da loita, Igualdade, a nosa arela.

Igualdade

Decoración do IES e outras actividades do 11F

Enviado por admin o Lun, 04/03/2024 - 17:42

<br /> Decoración 11F

Polo 11F (O día Internacional da Muller e da Nena na Ciencia) decorouse o noso centro educativo (tanto a entrada como o patio cuberto, incluído o punto lila). Deste xeito pretendemos darlle máis visibilidade ás mulleres dentro do eido científico.

Para esta ocasión, o alumnado de 1º ESO e 4º ESO xunto co docente de EPVA Joan Morera, crearon máis caras xigantes coas imaxes de Brabxs da Universidade de Vigo para colgar tanto á entrada do IES como para decorar o patio cuberto. Estas novas caras pasan a formar parte das xa creadas o ano pasado permitíndonos así decorar máis superficie que o ano pasado continuando así co proxecto iniciado no curso 2022-23 polo anterior docente de EPVA Alberto Mera.

Tamén se decorou o punto lila para a ocasión polo alumnado de ciclos de Imaxe Persoal e a súa profesora Mercedes Pose que crearon diferentes pósters/carteis para a ocasión con información dalgunhas mulleres científicas, matemáticas, lingüísticas, informáticas, cosmetólogas, etc., tratando de incluír deste xeito diferentes eidos da ciencia. Estes arquivos compartíronse tamén co claustro para que se puidesen empregar durante as titorías. Ademais, como sempre, o punto lila conta na súa decoración coa colaboración da biblioteca, xa que se exhiben libros que están dispoñibles para préstamo, mostrando deste xeito a gran variedade de libros que están relacionadas coa temática neste intre da muller e da nena na ciencia, e promocionando así os recursos do instituto e a lectura de lecer.

A maiores, o alumnado de 4º ESO A e B uniuse á charla sobre IA (intelixencia artificial) o pasado xoves 8 de febreiro organizada polo museo MUNCYT (Museo Nacional de Ciencia e Tecnoloxía) da Coruña. Se ben diferentes grupos de informática uníronse á toda a xornada o alumnado de 4º ESO A e B fixeron a charla introdutoria “Comprender a IA” por Bertha María Guijarro Berdiñas.

No IES de Teis consideramos que a ciencia tamén é cousa de nenas!

Conmemoración do día Internacional da Muller e a Nena na Ciencia

Enviado por admin o Ven, 16/02/2024 - 17:45

Día da muller e a nena na ciencia 2024

O Departamento de Informática únese ás actividades que realiza o Grupo de Igualdade para conmemorar o 11F (Día internacional da muller e a nena na ciencia). O pasado xoves 8 de febreiro dende distintos cursos dos nosos ciclos conectámosos en streaming á xornada que organizou o Muncyt (Museo nacional de ciencia y tecnología) da Coruña, en colaboración coa facultade de Informática da mesma cidade, para asistir as catro charlas que tiveron lugar ao longo da mañá. As relatoras foron catro doutoras en Enxeñaría Informática e ofreceron unha visión divulgativa e con diversos enfoques da Intelixencia Artificial.

EXPOSICIÓN FOTOGRÁFICA “ENREDADAS EN EL CAMBIO”

Enviado por admin o Sáb, 10/02/2024 - 21:40

Exposición Enredadas

Dende o pasado luns 22 de xaneiro ata o 15 de febreiro tivemos a sorte de contar coa exposición fotográfica “Enredadas en el cambio” no salón de actos e na biblioteca do IES de Teis. O departamento de FOL e o grupo de Igualdade e Diversidade do centro solicitaron esta exposición fotográfica co gaio da XXIII Xornadas de orientación ao emprego que se celebra anualmente no noso IES e co gaio do 11F (Día Internacional da Muller e da Nena na Ciencia). Esta exposición da ONG Taller de Solidaridad desarrollo en femenino, ten como propósito impulsar a igualdade de xénero e a xustiza social para os colectivos máis vulnerables, con enfoque prioritario nas mulleres. Esta exposición contaba con 36 panéis en cartón pluma onde estaban representadas 7 mulleres emprendedoras. Ademáis, tivemos a oportunidade de complementar a exposición con un escape room virtual sobre emprendemento femenino que a propia ONG nos proporcionou e proxectamos no patio cuberto durante toda unha semana recursos audiovisuais sobre o proxecto Enredadas para promover a exposición dentro do noso centro.

Dende o IES estamos encantados de promover o arte e a mulleres emprendedoras, loitando pola igualdade de xénero e de oportunidades.

EXPOSICIÓN “A ESCALA DA VIOLENCIA”

Enviado por admin o Mar, 16/01/2024 - 22:24

Dende o 27 de novembro, ata o 1 de decembro acollemos no noso centro educativo a exposición itinerante "A escala da Violencia". Esta exposición de once paneis é da Concellería de Igualdade do Concello de Vigo, dentro do Programa municipal EnlazaVigo contra a violencia de xénero. Nela exprésase nunha escala lineal o complexo proceso da violencia de xénero na adolescencia. A exposición consta de once paneis. Un panel de presentación da exposición e outros dez que corresponden cada un a un chanzo da escala da violencia na mocidade.

EXPOSICIÓN SEN CANCELAS (MEMORIAS DO ARCO DA VELLA EN GALICIA)

Enviado por admin o Lun, 15/01/2024 - 21:32

Exposición Sen Cancelas

O noso centro educativo tivo a sorte de contar coa Exposición Sen Cancelas (Memorias do Arco da Vella en Galicia) dende o 21 ata o 30 de novembro de 2023. Esta exposición da Xunta e o Consello da Cultura Galega é unha mostra divulgativa e itinerante que pretende dar a coñecer a historia do movimento LGTBI en Galicia sen estereotipos nin prexuízos. Ademáis dende o grupo de Igualdade e Diversidade do noso IES, pretendemos dar visibilidade ao grupo LGTBIQ+, sensibilizar e reivindicar a diversidade afectivo-sexual e promover e favorecer valores como a igualdade, o respecto e a tolerancia, fomentar a igualdade de dereitos e loitar contra e eliminar todo tipo de discriminación, intolerancia e LGBTIfobia por mor da orientación ou identidade sexual. Crearonse actividades para que o alumnado visitase a exposición durante as titorías e resolvese uns cuestionarios para fomentar a lectura dos panéis.