Clubs de lectura

No mes de febreiro, o libro elixido foi Blue period.

A súa autora, Tsubasa Yamagushi conta a historia dun estudante de Bacharelato, Yatora Yaguchi que descobre a súa paixón polo debuxo. O seu obxectivo é entrar nunha universidade de arte e loita custe o que custe para poder superar o exame de acceso.

Nós, no club, nos puxemos mans á obra e reproducimos algúns debuxos seguindo as instrucións da profesora. Pasamos un bo momento debuxando e xogando e, o máis importante, que todas e todos aprendemos moito da nosa personaxe: a tenacidade é esencial para conseguir os nosos obxectivos.

O luns día 30 de xaneiro tivo lugar a segunda sesión do club de lectura, que consistiu un encontro con Francisco Castro para falar de Iridium. Agradecemos enormemente a súa presenza e dispoñibilidade porque foi un auténtico pracer escoitalo falar sobre as súas raíces en Teis, sobre o seu proceso de escrita, sobre o porqué de Iridium e sobre moitas cousas máis, interesantes e divertidas. Abofé que os nosos rapaces e rapazas gozaron e mesmo quedaron con gana de máis! 

Agradecemos tamén a Camila, Génesis e Adriana a estupenda entrevista radiofónica que lle fixeron ao autor. E a Alberto Mera, o profesor de debuxo pola ilustración coa que agasallamos ao autor.

En xaneiro, tivemos a primera sesión do Club de Manga que estreamos este curso. Falamos sobre "Naruto" e xogamos: quedou máis que demostrado que ao alumnado participante sabe moito así que hubo premios.

Dentro do Plambe e o club de lectura, no mes de decembro tanto o noso alumnado coma o do IES Paralaia leron "Corredora" de María Reimóndez, unha historia de superación, de construción da identidade e de libertade. E mentras comentaban a lectura decoraron e intercambiaron bólas de Nadal para ter un recordo dese momento lector.

Agradecemos ao alumnado e ás profes de Paralaia a visita e a alegría que desprenderon.